Ég fékk jólagjafir þetta árið eins og þorri landsmanna. Ein þeirra kom mér pínulítið á óvart, en sonur minn gaf mér litla þvingu, sem kallast Mini E-Z Hold II (smá auð-hald II) sem ég hélt að væri eitthvað húmbúg. Við nánari skoðun kom í ljós að þetta er stórsniðug græja, nógu lítil til að fara næstum hvar sem er og afar (mér liggur við að segja Ömmur) fjölhæf.
Hér er mynd af henni:
Litla lausa endann er hægt að taka af og þannig renna þvingunni inn í gengum göt sem hún færi annars ekki í gegnum, setja hana saman þar og festa það sem þarf að festa (búinn að prófa þetta nú þegar!)
Eins er hægt að setja lausa endann hinum megin og láta þvinguna þannig ýta út frekar en þrýsta saman.
Ég ætla að fá mér nokkrar svona í viðbót!
Hvað fenguð þið gagnlegt í jólagjöf? (Bara módeldót, takk!)
