Vængpokar og/eða efni í þá...?

[Agust]

Ég hef verið að velta fyrir mér hvort ég eigi að kaupa tilbúna vængpoka fyrir svifflugu- og vélfluguvængi, eða útbúa þá sjálfur.

Hvaða framleiðendum / seljendum mælið þið með?

Menn hafa verið að útbúa vængpoka erlendis úr sterku bóluplasti, oft silfurlituðu. Mér skilst að þetta sé einhvers konar einangrunarefni, hugsanlega fyrir loftræsikerfi. Hafið þið rekist á eitthvað þannig hér á landi, eða eitthvað annað sem hentar fyrir svona poka?

[einarak]

ég hef einmitt verið að googla þetta aðeins, væri til í einhver hint.

[Sverrir]

Það var hægt að fá svona efni í einhverri af saumabúðunum en metrarverðið slagaði hátt í únsu af gulli. :/ Jæja eða næstum því, kostaði alla veganna það marga þúsundkalla að það borgaði sig ekki að standa í þessu þá.

[Böðvar]

Fékk svampklætt áklæði ætlað til að klæða yfir sæti í bílum, hægt að fá nokkra liti í bílabúð upp á Höfða. Hefur reynst mér vel í mörg ár. Auðvelt að renna efninu í saumavélina og búa til poka utan um vængina.

[Messarinn]

Sælir

Ég bjó mér til vængpoka úr bubble plasti utanum vængina á Super sterman sem ég á og virkar fínt. Það fæst í metra vís í Byko en er bara meter á breidd minnir mig. Ég vafði fyrst plastið utanum vænginn með bólurnar út teipaði með glæru límbandi vafði síðan aðra umferð með bólurnar inn og þá var pokinn sléttur bæði innan og utan +
efnis þykkur og varði vænginn vel.Eina sem ég sé að þessu kannski er að pokinn er ekkert sérstaklega flottur enn Who cares.



Kv Messarinn

[Sverrir]

Steini hefur líka notað parketábreiðu með góðum árangri.

[Agust]

Vídeó um vængpoka:



Ég hef hvergi fundið svona efni í búð.

[Sverrir]

Þ.Þorgrímsson í Ármúla á svona efni.

[Agust]

Takk Sverrir. Ég þarf að líta við hjá Þorgrími.

[Gauinn]

Það er hægt að fá ódýr filtteppi í Rúmfatalagernum, ég keypti rúllu af bóluplasti í Plastprenti í vor, það kostaði svipað og örfáir metrar annarstaðar.