Draumavélin hans Tomma

[Gaui]

Áfram skal haldið. Rifjunum er raðað upp á formið og stólar límdir undir til að halda þeim láréttum. Þetta er aðferð sem meistarinn Dave Platt notar mikið og vel þess virði að herma hana eftir.

20200807_152542.jpg (150.85 KiB) Skoðað 6042 sinnum

Svo eru settir stólar undir stélflötinn og hann límdur á. Þá er nokkuð víst að hann situr á sínum stað, réttur á alla kanta þar til búið er að planka skrokkinn.

20200811_212248.jpg (147.87 KiB) Skoðað 6042 sinnum

Mér fanst ekki nóg af langböndum til að halda undir 1,5mm skinn, svo ég bætti við einu alla leiðina og öðru undir gluggana, því Tommi er ekki enn búinn að ákveða hvort hann vill gler eða límmiða. Það kom hugmynd á einu smíðakvöldi að taka vangasvipi allra í klúbbnum og búa til gluggamyndir af þeim.

20200812_145728.jpg (150.64 KiB) Skoðað 6042 sinnum

Hér er svo byrjað að líma 1,5mm balsaskinn á skrokkinn. Hann stífnar verulega upp við það.

20200812_153409.jpg (151.21 KiB) Skoðað 6042 sinnum

Hér er búið að planka nefið og byrjað að búa til stjórnklefann. Sá verður laus, svo hægt verður að renna rafhlöðum ofan í skrokkinn án þess að skrúfa nokkuð í sundur.

20200813_154928.jpg (141.33 KiB) Skoðað 6042 sinnum

Hér er ég byrjaður að planka afturhlutann á skrokknum.

20200814_150735.jpg (147.79 KiB) Skoðað 6042 sinnum

En áður en hann er kláraður og stélkamburinn límdur á, þá þarf að setja upp stýrisarminn fyrir hliðarstýrið. Vírarnir liggja fram í skrokkinn og servóið verður þar sem vængurinn kemur á.

20200815_151433.jpg (115.82 KiB) Skoðað 6042 sinnum

[Gaui]

Það þarf að planka Þristinn að neðan og hér er byrjun á botninum á nefinu:

20200906_113439.jpg (140.09 KiB) Skoðað 6003 sinnum

Hér er botninn svotil búinn.

20200906_145048.jpg (110.21 KiB) Skoðað 6003 sinnum

Áður en botninum er lokað að aftan, þá þarf að setja inn rör fyrir hæðarstýrið (rautt) og stélhjólið. Þá er öll stýringin komin sem þarf aftur í skrokkinn, svo það má halda áfram með plankana.

20200911_122655.jpg (133.11 KiB) Skoðað 6003 sinnum

Hér er gluggaröðin hægra megin komin í. Það var mikið spáð og speggúlerað í sambandi við gluggana og hvar þeir ættu að vera, en þetta er líklega ágætlega rétt, svona til að byrja með.

20200913_111326.jpg (141.68 KiB) Skoðað 6003 sinnum

Og hér er svo vinstri gluggaröðin. Hún nær ekki eins langt fram og á hægri hlið og það er aðeins minni gluggi í hurðinni.

20200913_183125.jpg (149.63 KiB) Skoðað 6003 sinnum

[Gaui]

Það smá skríður hjá Douglasinum:

Klæðningin skríður niður eftir skrokknum.

20200915_212610.jpg (146.22 KiB) Skoðað 5935 sinnum

En áður en lengra er haldið með hana, þá þarf að festa vænginn á. Hér er ég byrjaður að búa til festingarnar fyrir hann.

20200920_164939.jpg (134.32 KiB) Skoðað 5935 sinnum

Hér eru festingarnar komnar og vængurinn situr nokkuð réttur á (vonandi)

20200923_182344.jpg (145.92 KiB) Skoðað 5935 sinnum

Tommi virðist bara nokkuð ánægður með þetta.

20200923_183738.jpg (152.48 KiB) Skoðað 5935 sinnum

Þetta er nú farið að líta út óneitanlega eins og DC-3.

20200923_185650.jpg (154.33 KiB) Skoðað 5935 sinnum

Balsaklæðningin komin á alla hægri hliðina.

20200930_202635.jpg (150.66 KiB) Skoðað 5935 sinnum

[Steinþór]

Rosalega er gaman af smiðaþráðunum hjá þér Guðjón og Tommi vel valin drauma vél

[Gaui]

Takk Steini
Hafðu augun opin, það er ekki langt í að það byrjar einn stór og mikill.

[Gaui]

Sum verk eru þannig að maður hamast í lengri tíma, en það virðist ekkert gerast. Þetta á t.d. við um vængferinguna, þ.e. þann hluta af vélinni sem blandar skrokknum út á vænginn. Ég bjó til (samkvæmt teikningu) undirlagið fyrir þessa feringu út þunnum krossviði og laggði undir skrokkinn. Svo skar ég niður balsabúta sem pössuðu undir næsta langband fyrir ofan og ýttu krossviðnum niður á vænginn. Afturhlutinn á þessu passaði auðvitað engan vegin, eins og sést á myndinni.

20201013_220602.jpg (140.86 KiB) Skoðað 5788 sinnum

Ég klippti þá til krossviðarplötu sem ég gat látið passa aftan við vænginn út á skrokkinn. Þetta lítur mikið betur út.

20201018_115312.jpg (131.81 KiB) Skoðað 5788 sinnum

Nú þarf ég bara að pússa niður þessa balsabúta og fylla á milli þeirra. Á teikningunni talar hann um frauðplast, en ég held ég skoði aðra möguleika líka.

[Sverrir]

Nú þarf ég bara að pússa niður þessa balsabúta og fylla á milli þeirra. Á teikningunni talar hann um frauðplast, en ég held ég skoði aðra möguleika líka.

Mæli með XPS þrýstieinangrun, fislétt og flott að tálga og auðvelt að pússa hana, þarf að henda inn smá viðgerðarsyrpu með henni við tækifæri. Kjartan ætti vonandi að hafa einhver ráð með að nálgast hana ef hún er ekki til á lager.

[Árni H]

Draumavélin hans Tomma er nú farin að líkjast vélinni á Sólheimasandi

dc31.jpg (129.54 KiB) Skoðað 5742 sinnum

Svo var nefið snyrt í nefsnyrtivélinni.

dc32.jpg (215.17 KiB) Skoðað 5742 sinnum