Jerry Bates 1/4 scale Cessna 172 Skyhawk

[Gaui]

TF-FRU -- dagur 47

Ekki mikið gert í dag, enda er ég enn að reyna að ná mér eftir meiðsli á hægri úlnlið (datt á svelli með ruslatunnu í eftirdragi). Ég renndi með sandpappír á frauðið á vélarhlífinni, fyllti með fylliefni og balsa til að fá rétt útli, og svo pússaði ég eins og ég gat. Þetta er bara farið að líta sæmilega út, þó ég segi sjálfur frá.

20240226_104253.jpg (141.82 KiB) Skoðað 3980 sinnum

Það er frekar áberandi loftinntak fyrir blöndunginn framan á vélarhlífinni og eins gott að forma það með þegar glérfíber hlíf er búin til. Ég límdi útskorinn kubb með epoxý lími og notaði svo fylliefni til að fylla að honum eins og þurfti til að fá rétta útlitið.

20240226_113456.jpg (132.14 KiB) Skoðað 3980 sinnum

[Gaui]

TF-FRU -- dagur 48

Formið er nánast tilbúið, svo nú er komið að glerfíbernum.

20240227_100411.jpg (142.7 KiB) Skoðað 3943 sinnum

Og þegar glerfíberinn er kominn á þarf þetta að harðna. Seinna meir sker ég út opin að framan fyrir drifskaft og loftflæði.

20240227_103915.jpg (135.47 KiB) Skoðað 3943 sinnum

[Gaui]

TF-FRU -- dagur 49

Enn er unnið við formið fyrir vélarhlífina. Fyrsti hlutinn í þrímyndinni hér fyrir neðan sýnir þegar ég skar út loftgötin fyrir hreyfilinn. Formið á þessum götum tók ég af teikningunni sem ég fékk frá Phil Clark hjá Fighteraces í Englandi.

Á miðfletinum er ég búinn að maka fylliefni í opin. Ég prófaði áhrif P-38 á frauðplastið og það kom mér á óvart að það gerði ekkert. Ég var algerlega sannfærður um að Polyester fylliefni myndi bræða frauðið, en það gerðist ekki.

Til hægri sést opið eftir að ég setti epoxy kvoðu í það til að fá sléttar hliðar og botn.

20240229_092837.jpg (133.45 KiB) Skoðað 3902 sinnum

Svo penslaði ég allt formið með eins miklu af epoxý kvoðu og ég gat. Nú má þetta harðna og þá get ég úðað með grunni og pússað slétt.

20240229_104359.jpg (135.66 KiB) Skoðað 3902 sinnum

[Gaui]

TF-FRU -- dagur 50

Því er ekki að neita að þetta sem ég segi frá sem einn dagur, hefur tekið nokkra. Það er svakaleg vinna að pússa niður glefíberkápuna og fá hana nógu slétta.

Á fyrstu myndinni er ég búinn að grunna og pússa grunninn niður. Ég nota P-320 pappír, blautan fyrst og svo þurran þegar sá blauti kláraðist.
Á annarri mynd er komið nýtt lag af grunni og fylliefni skafið í allt sem getur kallast holur og gallar.
Á þriðju mynd er búið að pússa grunninn af aftur og skafa fylliefni i þar sem ekki er alveg slétt.
Á fjórðu mynd er búið að pússa niður allan fylli, svo að nú er yfirborðið nánast eins slétt og ég get náð því.

20240305_103008.jpg (146.45 KiB) Skoðað 3824 sinnum

Hér er svo grunnurinn kominn á aftur og ég búinn að pússa varlega með P-400 pappír. Ég ætla ekki að pússa þetta meira. Nú bíð ég eftir efni frá Fighteraces í Englandi svo ég geti búið til mótið utan á formið.

20240305_112250.jpg (482.48 KiB) Skoðað 3824 sinnum

[Árni H]

Heldurðu að hún komist á hausinn á mér?

[Gaui]

Já, Árni, ekki spurning.

[Gaui]

TF-FRU -- Dagur 51

Ég skar hliðarmyndina af vélarhlífinni út úr masónítplötu með melamínhúð og setti smá frauð undir hana þannig að hálft formið stendur upp úr. Svo fékk ég mér leir og tróð honum í rifurnar meðfram forminu.

20240308_104104.jpg (165.83 KiB) Skoðað 3769 sinnum

Fighteraces í Englandi sendu mér dós af sérstöku bóni sem kemur í veg fyrir að epoxý festist við formið og ég setti fyrstu umferðirnar af því á formið.

20240308_105350.jpg (131.78 KiB) Skoðað 3769 sinnum

Hér sést hvernig ég setti undir formið til að halda því á meðan ég bóna það og set epoxý og glerfíber á það til að búa til mótið. Strikin þrjú á frauðinu þýða að ég er búinn að setja þrjár umferðir af bóni og þarf að setja þrjár eða fjórar í viðbót.

20240308_114811.jpg (143.58 KiB) Skoðað 3769 sinnum

[Gaui]

TF-FRU -- Dagur 52

Þá er loksins komið að því að leggja glerfíber á formið. Ég byrjaði á 25 gramma ofnum dúk til að fá nokkuð slétt yfirborð innst.

20240311_103115.jpg (134.98 KiB) Skoðað 3728 sinnum

Svo kom gríðarlega grófur ofinn gledúkur sem ég fann í Bílanaust og svo svo glermottur, sem fást þar líka. Ég er ekki viss um að skærin mín lifi þessa aðgerð af. Þetta þarf að harðna til morguns og þá sjáum við hvort miðjuplatan dettur af.

20240311_113531.jpg (135.13 KiB) Skoðað 3728 sinnum

[Gaui]

TF-FRU -- dagur 53

Skelin er orðin hörð og miðjuspjaldið losnaði auðveldlega. Vonandi losnar formið svona vel þegar þar að kemur. Nú þarf ég að setja skel á hinn helminginn.

20240313_094010.jpg (142.33 KiB) Skoðað 3687 sinnum

[Gaui]

TF-FRU -- dagur 54

Vinstri hliðin komin á. Þetta þarf að harðna í tvo-þrjá daga.

20240316_103454.jpg (139.82 KiB) Skoðað 3665 sinnum