Jerry Bates 1/4 scale Cessna 172 Skyhawk

[Gaui]

TF-FRU -- dagur 73

Nýji flugmaðurinn kom og fékk að prófa að sitja í flugklefanum. Hann virðist passa bara ágætlega.

20240508_102122.jpg (144.93 KiB) Skoðað 5077 sinnum

Svo þurfti hann endilega að setja út á hvernig ég tálgaði vængrótina.

20240508_102246.jpg (125.01 KiB) Skoðað 5077 sinnum

Ofan á flugklefanum er fering sem bognar nærri í hálfhring. Ég gerði þetta með því að vefja tvö lög af 0,6 mm krossviði utan um stál stöng og líma þau þannig saman. Þegar límið var orðið hart gat ég skorið feringuna til og límt hana ofan á vængrótina og skrokkinn.

20240509_093019.jpg (141.02 KiB) Skoðað 5077 sinnum

Ég fékk loksins nýtt epoxý frá FighterAces í Englandi og gat klárað að setja glerfíber á. Það voru hallastýrin sem voru eftir.

20240509_101017.jpg (137.77 KiB) Skoðað 5077 sinnum

Og innan í plássið sem hallastýrin koma í. Það fer að líða að því að ég geti grunnað og pússað vængina.

20240509_111732.jpg (133.16 KiB) Skoðað 5077 sinnum

[Gaui]

TF-FRU -- dagur 74

Glerfíber kominn á feringuna frá væng á skrokk.

20240510_113304.jpg (142.96 KiB) Skoðað 5056 sinnum

Glerfíber kominn á neðra borð hallastýranna. Næst er að pússa smá og setja báruplastið á.

20240510_113316.jpg (134.11 KiB) Skoðað 5056 sinnum

Búinn að grunna vængina. Nú fær þetta að harðna almennilega áður en ég byrja að pússa.

20240510_113321.jpg (221.57 KiB) Skoðað 5056 sinnum

Og fyrst ég var með grunnbrúsana í höndunum, þá ákvað ég að grunna hæðarstýrin. Þau eru þá tilbúin undir málningu.

20240510_113731.jpg (234.6 KiB) Skoðað 5056 sinnum

[Gaui]

TF-FRU -- dagur 75

Þá var komið að því að líma stélflötinn á skrokkinn. Hér sjást þau þrjú verkfæri sem ég notaði við undirbúninginn: hallamál, band og laser. Ég stillti skrokkinn af með hallamálinu, mældi frá miðjupunkti aftur á stélið með bandinu til að fá það þvert miðað við lang-ás skrokksins og notaði svo laserinn til að fá stélið lárétt.

20240511_094208.jpg (134.37 KiB) Skoðað 5044 sinnum

Til að líma stélið notaði ég epoxý lím blandað með örkúlum (microballoons) svo það leki ekki í burtu. Blönduna setti ég svo í sprautu og smá skreppihólk á stútinn svo ég gæti troðið líminu inn á stélið og fyllt í rifurnar sitt hvoru megin.

20240511_101322.jpg (136.55 KiB) Skoðað 5044 sinnum

Svo strauk ég allt auka lím í burtu með klút vættum í rauðspritti. Þetta verður sérlega snyrtilegt og lítið sem þarf að pússa.

20240511_101513.jpg (127.26 KiB) Skoðað 5044 sinnum

[Gaui]

TF-FRU -- dagur 76

Þegar stélflöturinn var orðinn vel fastur var hægt að setja kambinn á. Laser hallamálið var ómetanlegt við þetta verk. Það sýnir bæði lárétt og lóðrétt og ég gat stillt stötðu kambsins eftir línunni sem laserinn sýndi.

20240513_093514.jpg (142.69 KiB) Skoðað 5009 sinnum

Framan við stélkambinn er hryggur sem límist á mitt bakið. Þetta setur gríðarlega svip á FRÚna og er ómissandi á svona Cessnum.

20240513_111713.jpg (129.98 KiB) Skoðað 5009 sinnum

[Gaui]

TF-FRU -- dagur 77

Það þarf að jafna út og búa til feringu frá hryggnum yfir á kambinn og, vegna þess að þetta er nokkuð djúpt, þá er best að nota Isopon P-38, sérstaklega vegna þess að það harðnar mjög fljótt.

20240514_093833.jpg (129.63 KiB) Skoðað 4990 sinnum

Það er ekki nauðsynlegt að pússa P-38 alveg slétt. Ég smyr fylliefni á það til að fá slétt fyrirborð. Gallinn við það er að ég þarf að bíða til morguns með að pússa það niður.

20240514_101550.jpg (139.26 KiB) Skoðað 4990 sinnum

Húsið yfir vírana í hliðarstýrið er búið til úr 1,5 mm krossviði.

20240514_111957.jpg (141.35 KiB) Skoðað 4990 sinnum

Það er límt á skrokkinn og ég setti rautt fylliefni á það til að fá það slétt. Ég er ekki viss um að ég nenni að húða það í glerfíber, enda er þetta afar smátt.

20240514_112630.jpg (141.62 KiB) Skoðað 4990 sinnum

Á meðan ég límdi húsið á stalst Stefán (listamaður sem hefur aðstöðu hér á verkstæðinu) til að taka af mér mynd. Mér sýnist að ég þurfi að fá mér nýjan slopp hvað úr hverju.

441122432_1172096217131847_870772822958605885_n.jpg (143.39 KiB) Skoðað 4990 sinnum

[Gaui]

TF-FRU -- dagur 78

Fleiri plötuskil. Hér koma hryggurinn og stélkamburinn saman. Það eru frekar flókin samskeyti hérna, sérstaklega vegna þess að það er mótað form í kverkinni. Þetta þarf að sýna með fylliefni. Fyrir framan stélflötinn er skoðunarlúga sem ég bjó til úr ál límbandi

20240515_103407.jpg (130.43 KiB) Skoðað 4970 sinnum

Á stélfletinum er heilmikil brún.

20240516_093910.jpg (237.8 KiB) Skoðað 4970 sinnum

Og hún sést hér eftir að límbandið er farið.

20240517_090204.jpg (136.17 KiB) Skoðað 4970 sinnum

Ég notaði meira ál límband til að búa til handföngin á hurðunum.

20240517_095038.jpg (137.33 KiB) Skoðað 4970 sinnum

Fremst á hryggnum er nef formað úr áli og hnoðað niður á bakið. Ég bjó það til úr límbandi og fylliefni

20240517_113305.jpg (160.04 KiB) Skoðað 4970 sinnum

[Gaui]

TF-FRU -- dagur 79

Bárurnar fyrir hallastýrin. Búið að setja þær á stýrið neðst og allt tilbúið að setja á hitt stýrið. Bárurnar liggja ekki þvert á hallastýrin, heldur eftir vindstefnunni.

20240518_103233.jpg (142.58 KiB) Skoðað 4953 sinnum

Ég er önnum kafinn að pússa niður vængina, setja fylliefni og pússa það. Þetta á eftir að taka nokkra daga.

20240518_114808.jpg (142.03 KiB) Skoðað 4953 sinnum

Flugmaðurinn frá Premier Pilots setti sig í stellingar eins og Ómar.

20240518_120904.jpg (127.83 KiB) Skoðað 4953 sinnum

[Gaui]

TF-FRU -- dagur 80

Pússivinnan er við það að verða búin. Hér er ég byrjaður að setja plötuskil á neðra borð vængjanna.

20240521_100306.jpg (140.73 KiB) Skoðað 4920 sinnum

Og hér eru fyllingar í misfellur á efra borðinu.

20240521_110702.jpg (139.71 KiB) Skoðað 4920 sinnum

[Gaui]

TF-FRU -- dagur 81

Plötuskilin eru næstum tilbúin. Hér er seinni vængurinn að klárast. Límbandið komið á. Ég set gult undir því það rífur ekki eins upp grunninn og svo nota ég blátt bílalímband ofan á (3 lög) vegna þess að það er þykkara.

20240527_094240.jpg (139.12 KiB) Skoðað 4863 sinnum

Svo maka ég fylliefninu á. Þegar þetta er þurrt, þá pússa ég það slétt og þá eru plötuskilin komin. Þá þarf ég bara að finna út hvar ég þarf að setja hnoðin.

20240527_095737.jpg (135.04 KiB) Skoðað 4863 sinnum

[Gaui]

TF-FRU -- dagur 82

Það er lengi von á einum og ég uppgötvaði að það vantaði að gera eina panel línu á hæðarstýrin.

20240528_112818.jpg (142.88 KiB) Skoðað 4824 sinnum

Svo notaði ég morguninn til að skrúfa nokkrar örskrúfur hér og þar í skrokkinn. Þessar skrúfur fékk ég, annars vegar, frá Mikka Ref, sjá síðu 8, og, hinsvegar, frá ModelFixings.co.uk.

Hér eru skoðunarlok hvort sínu megin á skrokknum.

20240528_103452.jpg (131.45 KiB) Skoðað 4824 sinnum

Festingar á gluggapóstinum að aftan.

20240528_105623.jpg (129.42 KiB) Skoðað 4824 sinnum

Stélkambur og hliðarstýrið.

20240528_115127.jpg (137.45 KiB) Skoðað 4824 sinnum

Kverkin á stélkambinum.

20240528_115823.jpg (132.08 KiB) Skoðað 4824 sinnum