Scheibe SF-28 Tandem Falke

[Gaui]

Smáatriði við skrokkinn taka langan tíma, en það sést lítið eftir mann. Laugardagseftirmiðdagur í Slippnum er samt með því skemmtilegra sem hægt er að gera í öllum fötunum.

Hér sést hvernig stélkamburinn er festur á. Tunga niður úr kambinum fer á milli tveggja krossviðarplatna sem límdar eru í skrokkinn. Svo er gert gat í gegn og pinni settur í. Hunum megin á pinnanum er R-splitti. Þá er hægt að taka stélkambinn og hliðarstýrið af með því að losa einn pinna og tvær klemmur.

20210128_203520.jpg (99.46 KiB) Skoðað 5895 sinnum

Hjólið er skorðað á sinn stað með því að setja 6mm balsa í kringum það. Þetta átti, samkvæmt teikningunni að vera 5mm, en ég átti ekki svoleiðis. Mig grunar að hjólið fari ekkert, og ef það gerist, þá er eitthvað annað farið fyrst.

20210130_133905.jpg (134.78 KiB) Skoðað 5895 sinnum

Svo kemur balsa gólf ofaná. Þessi gráu stykki eru stálklumpar sem halda gólfinu niðri á meðan límið harðnar.

20210130_144420.jpg (148.18 KiB) Skoðað 5895 sinnum

Hér er búið að pússa fylliefnið við plöturnar á bakinu.

20210130_144425.jpg (139.05 KiB) Skoðað 5895 sinnum

Og til að stélflöturinn sitji vel, þá byggði ég upp í sætið með balsa og notaði svo epoxý lím og MicroBalloons til að forma sætið eftir stélinu. Eins gott að muna eftir að setja pakkalímband þarna undir, því annars kemur það aldrei af aftur.

20210130_151531.jpg (110.45 KiB) Skoðað 5895 sinnum

[Gaui]

Það er kominn nokkuð góður tími síðan ég ritaði hér inn síðast, en ég hef verið að skrappa í Slippinn nokkuð reglulega síðan, svo það er ýmislegt sem hefur unnist í millitíðinni.

Þegar skrokkurinn var orðinn nokkuð stífur að ofan var kominn tími til að bæta við langböndum og fyllingum að neðan. Hér á bara eftir að ganga frá því sem lokar skrokknum fyrir framan dekkið, en ég held í raun að það sé dúkur sem hafi verið strengdur þar á.

20210213_125350.jpg (139.52 KiB) Skoðað 5792 sinnum

Þetta lítur fallega út séð aftanfrá og kemur líklega til með að vera nokkuð öflugt í að halda dekkinu á sínum stað í lendingum.

20210213_125406.jpg (117.75 KiB) Skoðað 5792 sinnum

Næst kemur kúpan yfir flugmannsklefann. Til að byrja með bjó ég til bogana sem eru fremst og aftast, setti límband undir þá og hélt þeim á sínum stað með límbandi. Svo gat ég límt langböndin í kúpunni á bogana.

20210218_203333.jpg (145.97 KiB) Skoðað 5792 sinnum

Þegar ramminn var orðinn vel harður gat ég notað Canopy Glue til að líma hann innan í plastkúpuna. Þarna er eins gott að hafa nóg af klemmum og góðan tíma.

20210225_194232.jpg (153.86 KiB) Skoðað 5792 sinnum

Eftir að límið harðnaði skar ég plastið í burtu með handfræsara og fittaði kúpuna í. Hún virðist passa nokkuð vel og nú þarf ég bara að búa til þrjú sett af lömum sem gera það mögulegt að opna flugmannsklefann upp á gátt og jafnvel taka kúpuna af ef maður vill, en meira um það seinna.

20210227_125329.jpg (141.99 KiB) Skoðað 5792 sinnum

Næst: vængur

[Gaui]

Þá er komið að vængnum. Samsetning á þessum væng er ekkert svakalega frábrugðin smíði á öðrum vængjum sem ég hef sett saman, nema að hvor vænghelmingur fyrir sig er tveir metrar. Sem betur fer átti ég smíðabretti sem er nógu langt.

Til að byrja með þurfti ég að tálga rifin aðeins til svo þau pössuðu upp á vængbitana. Og það eru 29 rif í hvorum vænghelming!

20210227_141439.jpg (124.65 KiB) Skoðað 5744 sinnum

Ég setti 20mm undirlag undir vængbitana, því það er undirsveigja undir rifin, þannig að það er ekki hægt að láta þau liggja á brettinu. Svo þurfti 6mm undir vængendann til að fá hæfilega snúning upp á vænginn.

20210313_140250.jpg (142.36 KiB) Skoðað 5744 sinnum

Nú get ég raðað rifjunum upp á bitana þegar ég var búinn að tálga raufarnar réttar.

20210313_145621.jpg (147.32 KiB) Skoðað 5744 sinnum

Það er ótrúlegt hvað þetta eru mörg rif!

20210318_211532.jpg (144.99 KiB) Skoðað 5744 sinnum

Og hér eru þau komin á neðri bitann. Nú má fara að líma.

20210320_141045.jpg (143.83 KiB) Skoðað 5744 sinnum

Hér eru rifin föst við fremri bitana, bæði ofan og neðan og frambrúnarlistinn kominn á. Það eru líka nokkur styrktarhorn sem þarf að líma.

20210327_143845.jpg (136.91 KiB) Skoðað 5744 sinnum

Hér er aftari bitinn kominn á og vængurinn farinn að fá á sig mynd.

20210401_190915.jpg (137.39 KiB) Skoðað 5744 sinnum

Þessi skábiti styrkir rótina og það kemur líka klæðning ofan á hann.

20210401_192022.jpg (146.17 KiB) Skoðað 5744 sinnum

Og hér er komið pláss fyrir loftbremsuna. Af einhverjum orsökum er þessi mynd á hvolfi, en það ætti ekki að gera neitt til.

20210401_210823.jpg (149.98 KiB) Skoðað 5744 sinnum

Meira seinna

[Sverrir]

Meira seinna

Er seinna komið...

Hvað varð um Fálkann góða?

[Gaui]

Hann hangir uppi undir lofti á verkstæðinu. Ekki mikið að gerast þar.