Um daginn fékk ég sendingu frá Turn-Tómstundum eftir þriggja vikna bið. Þar með var lítið apparat frá Frábærum Flugvélum sem heitir Fingertip prop balancer og kostar tæpa $5.
Ég hafði hingað til notast við tvö rakvélarblöð og hæfilega svert bor-skaft til þess að jafnvægisstilla skrúfurnar mínar með mismiklum erfiðleikum.
Þessi græja virkar svo sem en er ekki fyrir skjálfhenta og svolítið erfitt að halda þessu svo vel sé.
Ég sá hálfpartinn eftir að hafa ekki pantað "Bling-" græjuna með öxli sem flýtur á milli segla. Þá mundi ég eftir því að ég átti alveg magnaða litla segla sem ég hafði plokkað úr ónýtum geislaspilara. Linsan sem stýrir laser-geislanum situr í vöggu sem í er spóla og þetta flýtur milli tveggja lítilla segla. Seglarnr eru óskaplega sterkir miðað við stærð.
Nú ég prófaði að líma þá á tvær spýtur (snúa þannig að þeir dragist að hver öðrum) og festa í skrúfstykkið. Þetta svínvirkaði svo ég límid spýturnar í grind og til þess að fá hæfilegt bil setti ég uþb millimeters plastþynnu á milli öðrum megin meðan límið var að þorna. (Bara ekki nota kreditkortið. Segullinn þurrkar það út á nóinu
)
og tækið í notkun:
