40 ára afmælissýning Þyts

[Páll Ágúst]

Eurofighterinn á hillunni eða Bae Hawkinn niðri?
Kemur hann bara með eina? :/

[Sverrir]

Eurosport 3D-Universe.

Nei, nei, láttu mig fá eins og tæpar tvær milljónir(færð ca. eina komma tvær í opinber gjöld endurgreiddar seint og síðar frá tollstjóra) og við getum tekið inn þriggja metra kassa.

Svo verður bara að koma á óvart hvað fleira kemur en það verður vel þess virði!

[Sverrir]

Komin aðeins skemmtilegri slóð á Snjáldurskinnuna, endilega dreifið henni.

http://www.facebook.com/thytur40ara

[maggikri]

Kemst því miður ekki á 40 ára afmælissýninguna á Tungubökkum þann 10.07.2010. Því vil ég nota tækifærið og óska Þytsmönnum til hamingju með 40 ára afmælið, og vonandi fáið þið gott veður á laugardaginn fyrir afmælissýninguna.

Afmæliskveðjur!
Maggikri, formaður Flugmódelfélags Suðurnesja

[Guðjón]

Er einhver búinn að athuga með sponsor-a?

[Agust]

Sælir.

Fáeinar ábendingar. Ég reyndi að setja mig í spor einhvers venjulegs íslendings, eða jafnvel blaðamanns sem vill fræðast meira...


Ætli almenningur sem les plakatið viti hvar "Tungubakkaflugvöllur í Mosfellsbæ" er?

Ég held að fæstir viti það. Enn síður vita þeir hvaða krókaleiðir og krákustíga þarf að fara til að komast þangað.

Er til kort og leiðbeiningar sem hægt er að vísa á?

---

Annað sem hugsanlegir gestir hefðu áhuga á og mér finnst jafnvel vanta. Fæstir vita nefnilega einhver deili á Þyt eða módelflugi.

- Dagskrá og lýsing á því sem mun fara fram?

- Hvað er módelflug? Eru þetta lítil plastmódel sem drengir eru að fljúga?

- Hvernig eru dæmigerð flugmódel?

- Hver er þessi Ali Maschinsky sem er sérstakur gestur?

- Er flugsýningin aðallega fyrir módelflugmenn, eða er almenningur velkominn líka?

- Kostar eitthvað inn á svæðið?

- Hvað er flumódelfélagið Þytur? Hvar finn ég það?

- Hvernig get ég haft samband við félagið?

- Er félagið með félagsheimili og flugvöll?

- Hver er saga félagsins?

- Hvernig get ég orðið félagi?

- Hverjir eru í stjórn Þyts?

- Netföng, símanúmer, heimilsfang félagsins?


- O.s.frv.


Á plakatinu er vísað í vefsíðu Þyts, www.thytur.is.
Engin svör við þessum spurningum eru þar. Að minnsta kosti blasa þau ekki við.



Við verðum að hafa í huga, að þó að við módelflugmenn vitum svarið við flestum þessara spurninga, þá vita utanfélagsmenn varla svarið við neinni þeirra.

Þetta er bara smá ábending...

[Sverrir]

[Eysteinn]

Viðtal var í morgun við Einar Pál og Jón V. Pétursson í morgunútvarpinu á Rás 2 vegna 40 ára afmælisflugsýningar okkar og almennt um sportið. Hægt er að hlusta á það hér: http://dagskra.ruv.is/ras2/4520905/2010/07/07/
Til að heyra í þeim þarf að hoppa mjög aftalega í þáttinn.

Bæklingur er núna í prentun sem kynnir flugmódelfélagið Þyt og með nánari kynningu á því sem fer fram á sýningunni.
Sett verða upp mjög stór skilti sem vísa leiðina að Tungubökkum það fyrsta verður sett upp rétt áður en komið er að hringtorginu á mynd hér að ofan.
Allar upplýsingar um stjórn Þyts og hvernig hægt er að ganga í félagið er að finna á www.thytur.is

Hlakka til að sjá ykkur á Laugardaginn.

Eysteinn.

[Agust]

Sælir

Gott að heyra þetta.

Er hægt að fá bæklinginn sem pdf til að senda vinum og vandamönnum?

[Sverrir]

Þetta var um 8:37 í morgun og þarf spilarinn að vera staddur á milli "Hjálp" og "UM RÚV" til að heyra innslagið, sjá á myndinni hér að neðan.