Flugmódelspjallið - flugmodel.net

[quote=Ingþór]...en hún hafði soddan tendens til að tip stalla að ég bara þorði ekki að koma mikið nær...[/quote]
Eftir nánari athugun þá var þetta sennilega ofnotkun á orðinu "tipstall"... Af öllum líkindum var bara um hefðbundið stall að ræða í krappri beygju.

[quote=Ingþór]Veit einhver um hvar eru góðir staðir til að hanga á, með möguleikum á lendingum?[/quote]
Velkominn í hangið Ingþór.

Minn uppáhalds hangflugsstaður er Kambabrún, hægt að aka nánast að brekkubrún og góður lendingastaður innar á brekkubrún, mæli með að skoða lendingarstaðinn vel áður en flogið er.

Hangflug á Kambabrún er fyrir SA vindátt og það er að segja ef það rignir ekki, einnig er hægt að fljúga í ASA eða SSA átt því hangið er það öflugt.

Flogið í hanginu við Kambabrún frábært útsýni yfir suðurland


Lendingastaður.


Lendingarstaður nær, búið að tína í burtu grjót og hraunnibbur úr mosanum.

Bullandi góðar aðstæður við Draugahlíðar seinnipartinn í dag. Náði að finna góðan þyngdarpunkt og stilla spoilera mix til að auðvelda lendingar.
3300 mah móttakara batterí, 2 batterí í sendirinn og 10 bollar af kaffi... Sendabatteríin kláruðust fyrst og sendu mig heim klukkan átta. Frábær dagur.

Svifflug er að mörgu leyti mun ánægjulegra en flug með bensín- eða metanólmótorum. Maður er í beinu sambandi við náttúruöflin, hvort sem það er hitauppstreymi eða vinduppstreymi. Heyrir í vindinum leika um vængi flugvélarinnar og fuglunum í bakgrunni... Maður er einhvernvegin einn með sjálfum sér og fuglum himisins.

Rafmagnsmótor í svifflugunni er fyrst og fremst til þæginda. Maður notar hann til að klifra í góða hæð, og síðan tekur náttúran við...

[quote=Ingþór]Bullandi góðar aðstæður við Draugahlíðar seinnipartinn í dag. Náði að finna góðan þyngdarpunkt og stilla spoilera mix til að auðvelda lendingar.
3300 mah móttakara batterí, 2 batterí í sendirinn og 10 bollar af kaffi... Sendabatteríin kláruðust fyrst og sendu mig heim klukkan átta. Frábær dagur.[/quote]
Gaman að þessu Ingþór, hér eru nokkrar myndir frá þessum frábæra hangflugs stað.

Draugahlíðar, N hangið horft til vesturs.


Draugahlíðar, N hangið séð til austurs.


Draugahlíðar, N hangið, NV hangið og Austanmeginn er NA hang


Draugahlíðar, lendingastaður fyrir N hangið


Draugahlíðar V hangbrekkan


Draugahlíðar, Vestur hangflug


Draugahlíðar, lendingastaður fyrir V hangið

[quote=Agust]Svifflug er að mörgu leyti mun ánægjulegra en flug með bensín- eða metanólmótorum. Maður er í beinu sambandi við náttúruöflin, hvort sem það er hitauppstreymi eða vinduppstreymi. Heyrir í vindinum leika um vængi flugvélarinnar og fuglunum í bakgrunni... Maður er einhvernvegin einn með sjálfum sér og fuglum himisins.

Rafmagnsmótor í svifflugunni er fyrst og fremst til þæginda. Maður notar hann til að klifra í góða hæð, og síðan tekur náttúran við...[/quote]
Get tekið undir hvert orð hjá þér Ágúst.

Hér eru myndir frá fleirri hangflugsstöðum.

Á Hlíðarenda eru góðar hang brekkur fyrir suðlægum áttum.


Hangflug Hlíðarenda


Hér eru myndir frá hangflugsstað nærri Melgerðismelum.



Góður lendingastaður

Gallinn við þennan flotta hangstað á Melunum er að hann snýr beint í suður, en vindurinn er oftast að norðan

[quote=Gaui]Gallinn við þennan flotta hangstað á Melunum er að hann snýr beint í suður, en vindurinn er oftast að norðan

[/quote]
Mikið rétt Gaui og ég tek undir að þetta er flottur hangflugstaður á Melum, en í hangfluginu á það vel við þegar sagt er að þurfa að haga seglum eftir vindi.

En það er gott að vita af sem flestum stöðum á Íslandi sem eru góðir til hagflugs og ég læt hér fylgja nokkrar myndir frá Stefánshöfða.

Stefánshöfði við Kleifarvatn brekkur fyrir sunnan áttum


Stefánshöfði brekka fyrir A til NA áttum