Guardian 2D 3D stabilizer og vindflug

[hrafnkell]

[quote=Agust]Sjá http://frettavefur.net/Forum/viewtopic.php?id=6573[/quote]


Var einmitt búinn að sjá þetta, var þessvegna að pæla í þessu. Læt slag standa og prófa þetta.

Líst samt ekkert voðalega á rc-log.co.uk.. SSL skírteinið þeirra virðist vera útrunnið eða ógilt.. Lofar ekki góðu fyrir netverslun.

[Sverrir]

Hmmm, ég sé ekki betur en SSL-ið renni út 1310.júní á næsta ári.

[hrafnkell]

Undarlegt... þegar ég fer í cartið þá fæ ég security warning í chrome og firefox:

[Sverrir]

Segðu, er einmitt í Firefox.

[hrafnkell]

ie kvartaði ekki yfir þessu, þannig að ég lét bara vaða á þetta. Þetta er eini staðurinn sem ég fann sem á þetta in stock, og ekki skaðar að póstur frá bretlandi er frekar snöggur og sleppur oft framhjá tollinum

[Gauinn]

[quote=Agust][quote=Gauinn]Ég á svona Bixler í pöntun, er þetta gott til þjálfunar?
Set ég þetta í Cub - inn minn, trainer?
Hvað kostar svona búnaður í íslenskum krónum?

Takk Guðjón

(svolítið snubbótt og hnitmiðað)[/quote]

Ég keypti þetta frá Englandi og kostaði stykkið um 50 pund án VAT og með flutningi. Vel þess virði! Sjá: http://rc-log.co.uk/

Ég keypti tvö stykki og kostaði það um 100 pund. Pundið er á 190 krónur, svo kemur á þetta tollur og virðisaukaskattur. Ég hef því borgað um 26.000 krónur fyrir tvö stykki eða 13.000 fyrir stykkið.

Það er áríðandi að lesa handbókina vel, gæta sín á að stýrifletir virki í rétta átt, stilla næmi í byrjun á um 50%, gæta sín á að rafhlaðan sé nógu öflug þannig að spennan falli aldrei niður fyrir 3,5V (brow nout) og fara varlega í fyrsta fluginu. Þá ætti allt að ganga vel.[/quote]

Panta ég þá ekki 2, í Cub líka?

[Agust]

Ég held að þessu fyrirtæki sé vel treystandi. Allt stóð eins og stafur á bók þegar ég pantaði.

Gauinn: það er kanski nóg að panta eitt stykki og prófa hvernig það reynist. Lítið mál að færa milli véla.

[hrafnkell]

Pantaði um hádegi og pakkinn er farinn af stað frá rc-log. Ágætis afgreiðslutími það.

Ætli guardian komi ekki í hús um svipað leyti og bixler 2, þá verður fínt að æfa sig aðeins í haustrokinu.

[Agust]

Þó það sé auðvelt að nota Guardian 2D 3D er nauðsynlegt að skilja til hlítar hvernig hann vinnur og hvernig hann er notaður. Þetta er tölvubúnaður með nokkuð sjálfstæðan vilja sem settur er í flugvélina, og ef maður skilur ekki hvað maður er að gera og hvers vegna, þá er voðinn vís. Maður getur auðveldlega misst módelið stjórnlaust í jörðina. Bang!

Ef maður aftur á móti veit hvernig búnaðurinn vinnur og hvernig hann er notaður, þá er engin hætta.

Þess vegna er nauðsynlegt að byrja á að lesa alla handbókina sem fylgir tækinu og skilja hana. Lesa hana helst tvisvar. Fara síðan eftir öllu sem þar stendur og prófa vélina vel áður en haldið er í loftið.

Í fyrsta flugi er best að taka á loft með 2D-OFF-3D rofann á sendinum í OFF stöðu og prófa síðan að setja hann í 2D og/eða 3D þegar vélin er komin í góða hæð. Vera tilbúinn að setja hann aftur í OFF ef vélin hagar sér illa.

Lesa handbókina og skilja. nota 50% mögnunn í byrjun. Gera nauðsynlegar forstillingar fyrir flug, þar á meðal halda vélinni lárétt meðan 2D-OFF-3D rofa er flippað endanna á milli og bíða eftir svörun frá hallastýrum eins og lýst er í handbókinni. Prófa vel hvort búnaðurinn hafi skynjað brownout vegna spennufalls með því að lesa kóðann í ljósablikki búnaðarins. Lagfæra spennugjafa (batterí eða BEC) ef með þarf. Prófa vel fyrir flug.

[Gauinn]

Þetta er ekkert einfalt mál :rolleyes: