D.B. Sport & Scale S.E. 5a

[Árni H]

Þessi er að verða ansi flott hjá þér!

[Gaui]

Takk Árni. Þú þarft að koma til Dalvíks og máta vélarhlífina!

Dagur 98

Rafhlöðurnar komnar á sinn stað. Tankurinn skorðar þær fastar og ég skrúfaði lok ofan á þær. Ef módelið er of nefþungt, þá get ég fært þær til.

20231012_111458.jpg (143.33 KiB) Skoðað 2452 sinnum

Soggreinin úr gerfimótornum að verða til. Þetta er venjulegt islenskt rafmagnsrör og smá díll sem fylgdi með í kittinu.

20231013_100447.jpg (160.99 KiB) Skoðað 2452 sinnum

Og hérna er þetta komið á, lím (vonandi) fast og búið að loka greininni að framan. Svo kemur framlenging á þetta aftur fyrir stjórnklefann.

20231013_105957.jpg (134.05 KiB) Skoðað 2452 sinnum

[Árni H]

Díll! Það er orðið langt síðan ég hef komist í almennilega vélarhlíf!

[Gaui]

Dagur 99

Ég festi vélarhlífina niður með tveim festingum fremst og einum harðviðardíl aftast. Tvær skrúfur halda svo hlífinni á.

20231016_102126.jpg (149.78 KiB) Skoðað 2419 sinnum

Útblástursrör liggja meðfram hliðum flugvélarinnar og göt á þeim til að hleypa útblæstrinum út. Ég gerði þetta úr rafmagnsröri og balsa.

20231016_105502.jpg (154.9 KiB) Skoðað 2419 sinnum

Ég á svo eftir að búa til festingar fyrir rörið. Vélarhlífin húkkast úr rörunum þegar maður tekur hana af.

20231016_111335.jpg (150.78 KiB) Skoðað 2419 sinnum

[Gaui]

Dagur 100

Fóðringin við flugmannsklefann er úr leðri, en ég fékk ekkert leður sem mér líkaði, svo ég náði mér í bút af gerfi leðri. Ég byrjaði á því að leggja eldsneytisslöngu á brúnina. Svo klippti ég nógu breiða ræmu og setti á hana göt og kósa.

20231017_093523.jpg (149.37 KiB) Skoðað 2401 sinni

Hér er ég byrjaður að sauma fóðringuna á. Það er gert með svokölluðum söðulsaum, þar sem maður notar tvær nálar á sama þræðinum og dregur hann í gegnum sömu götin og herðir að.

20231017_102646.jpg (137.67 KiB) Skoðað 2401 sinni

Þetta er heilmikið verk og mér tókst ekki að klára í dag. Þetta tekur sig samt vel út og setur heilmikinn svip á módelið.

20231017_115713.jpg (134.64 KiB) Skoðað 2401 sinni

[Gaui]

Dagur 101

Ég lauk við að sauma niður fóðringuna í kringum flugmannsklefann. Þá bjó ég til festingar fyrir útblástursrörin út 0,6mm álplötu sem ég skar í 6mm ræmur. Ég vafði þeim um rörin, klippti leggina í tvennt og krækti þeim saman utan um rörið. Svo boraði ég í hina leggina og skrúfaði þá fasta á skrokkinn. Þetta hljómar flókið, en er sáraeinfalt.

20231018_110320.jpg (141.57 KiB) Skoðað 2385 sinnum

Ég panslaði svörtum lit á mótorhausana og útblástursrörin. Ekki slæmt og verður betra þegar ég fjarlægi límbandið.

20231018_120337.jpg (127.65 KiB) Skoðað 2385 sinnum

[Gaui]

Dagur 102

Framrúðan má fara í núna og ég límdi hana með þykku CA lími.

20231019_101453.jpg (144.28 KiB) Skoðað 2373 sinnum

Og, fyrst allt annað var komið, þá er hægt að líma flugmanninn í.

20231019_101648.jpg (115.06 KiB) Skoðað 2373 sinnum

Ég gerði mér ferð inn á Akureyri og fékk Jón Þór Sigurðsson á FabLab á Akureyri til að aðstoða mig við að búa til trissurnar í vængjunum og stélinu. Þær voru laser skornar úr svörtu plasti.

20231019_142021.jpg (145.2 KiB) Skoðað 2373 sinnum

Hér eru stykkin í trissurnar: fjórar fyrir vængina og tvær fyrir stélið.

20231019_161315.jpg (127.28 KiB) Skoðað 2373 sinnum

[Sverrir]

Glæsilegt!

[Gaui]

Dagur 103

Dagurinn í dag fór í það að mála hlutana í trissurnar og skera út álramma og gler í götin á vængjum og stéli.

20231020_112604.jpg (113.58 KiB) Skoðað 2351 sinni

20231020_115402.jpg (145.03 KiB) Skoðað 2351 sinni

[Gaui]

Dagur 104

Ég límdi trissurnar saman svo ég gæti límt þær í hólfin fyrir þær.

20231021_110842.jpg (142.03 KiB) Skoðað 2341 sinni

Ég málaði með dökkum grænum lit í trissuhólfin, svo þau væru ekki eins áberandi.

20231021_110852.jpg (127.91 KiB) Skoðað 2341 sinni

Glerið var límt innan á álrammana. Ég athugaði að glerin pössuðu í trissuhólfin áður en ég límdi þau í. Þetta gler á, til dæmis, að fara í vinstri efri væng.

20231021_110906.jpg (121.74 KiB) Skoðað 2341 sinni

Og þá er hægt að skrúfa rammana og glerin föst með agnarsmáum skrúfum.

20231021_112735.jpg (114.49 KiB) Skoðað 2341 sinni