Jerry Bates 1/4 scale Cessna 172 Skyhawk

[Gaui]

TF-FRU -- Dagur 110

Servóið fyrir inngjöfina komið og búinn að tengja í blöndunginn. Nú vantar bara framlengingu aftur í móttakarann og verja tréverkið fyrir olíunni úr mótornum.

20240731_104026.jpg (138.77 KiB) Skoðað 3853 sinnum

Svo notaði ég tækifærið og setti skráningarnúmerið 326 (?) á stélkambinn.

20240731_111217.jpg (129.59 KiB) Skoðað 3853 sinnum

[Sverrir]

Svo notaði ég tækifærið og setti skráningarnúmerið 326 (?) á stélkambinn.

Segir til um hvar í röðinni viðkomandi loftfar kemur inn á íslensku loftfaraskrána.

https://island.is/loftfaraskra

[Gaui]

TF-FRU -- Dagur 111

Ég fann möppu úr einhverju plastefni, sem ég notaði til að búa til skapalón fyrir framrúðuna. Það var mjög auðvelt að leggja það til og líma á staðinn með límböndum og svo klippa það til þar til það passaði.

20240801_094739.jpg (130.87 KiB) Skoðað 3702 sinnum

Svo lagði ég þetta skapalón á nýja þunna (0,5 mm) PETG plastefnið og skar framrúðuna varlega út.

20240801_095818.jpg (138.69 KiB) Skoðað 3702 sinnum

Ég ákvað að byrja að líma framrúðuna í aðeins á einum stað svo ég þyrfti ekki að berjast við hana alla í einu. Ég límdi hana við gluggapóstinn vinstra megin og þarf svo að bíða minnst einn dag þar til límið þornar.

20240803_091430.jpg (132.77 KiB) Skoðað 3702 sinnum

Í millitíðinni ákvað ég að byrja að veðra módelið. Þessi Cessna er mjög veðruð. Hér sést að ég er búinn að maka veðrun og óhreinindum neðan á hægri vænginn með þann vinstri til viðmiðunar.

20240803_095407.jpg (131.13 KiB) Skoðað 3702 sinnum

Einfaldasta aðferðin er að leggja límband á plötuskilin, draga strik með þurrum pastel lit (dökk gráan hér) og svo nota stífan pensil til að draga litarefnið niður á yfirborð vængsins fyrir aftan plötuskilin. Því meiri lit sem maður leggur niður, því meira makast yfir á yfirborðið.

20240803_095656.jpg (130.32 KiB) Skoðað 3702 sinnum

Hér sést það sem ég nota ti að gera þetta: pastel litir frá Faber-Castell, stífur pensill og bútur af handþurrku. Það fer mjög mikið af veðrun í kringum vængtankinn.

20240803_101938.jpg (138.36 KiB) Skoðað 3702 sinnum

[Gaui]

TF-FRU -- Dagur 112

Aðal málið í dag var að líma framrúðuna fasta.

20240805_093134.jpg (144.38 KiB) Skoðað 3538 sinnum

[Gaui]

TF-FRU -- Dagur 113

Það er breið fering neðan á framrúðunni og ég notaði uppáhalds feringaefnið mitt: P-38. Ég byrjaði á því að leggja þrjú lög af bílateipi ofan og neðan við feringuna, svo maskaði ég alla rúðuna með gulu málningarlímbandi, og smurði svo að lokum P-38 þar sem feringin á að vera.

20240806_095131.jpg (133.3 KiB) Skoðað 3471 sinni

Svo pússaði ég með P-80 sandpappír þar til bláa teipið kom í ljós.

20240806_112847.jpg (136.7 KiB) Skoðað 3471 sinni

Svo sprautaði ég fylligrunni á feringuna. Á morgun pússa ég þetta slétt og set fylliefni þar sem / ef þarf.

20240806_113006.jpg (142.95 KiB) Skoðað 3471 sinni

[Gaui]

TF-FRU -- Dagur 114

Ég pússaði rúðuferinguna smá og tók upp bláa límbandið. Þá situr feringin eftir, sæmilega þykk. Nú boraði ég um fimmtíu 0,5 mm göt, sem ég svo undirsinkaði með því að snúa 3 mm bor í fingrunum. Þá gat ég skrúfað svo-til-ósýnilega skrúfur frá Mikka Ref í götin. Ég beygði líka til 2 mm suðuvír og kom honum fyrir þar sem eru handföng ofan á hvalbaknum á Frúnni. Nokkur hnoð við rúðupóstana og þetta fer að verða tilbúið fyrir bláa litinn.

20240807_103030.jpg (129.47 KiB) Skoðað 3411 sinnum

[Gaui]

TF-FRU -- Dagur 115

Á báðum hliðum á Cessnunni eru fótstig. Ég gerði þau úr plastræmum og festu þau á með skrúfum. (Þið afsakið fókusinn, hann er ekki góður.)

20240808_110240.jpg (141.29 KiB) Skoðað 2874 sinnum

Skráningarstafirnir eru hvítir á bláum bakgrunni, og fyrst ég er búinn að sprauta hvítt, þá bara bý ég till maska fyrir stafina í tölvunni og færi þá á gult límband sem ég er búinn að leggja á skrokkinn.

20240809_093540.jpg (122.22 KiB) Skoðað 2874 sinnum

Það tók svo hellings tíma að skera stafina út og rífa límbandið af þar sem blái liturinn á að koma.

20240809_100246.jpg (140.29 KiB) Skoðað 2874 sinnum

Næst byrjaði ég að maska fyrir bláa litnum, en kláraði það ekki vegna þess að veðrið er ekki nógu gott til að fara með skrokkinn út og sprauta þar.

20240809_102930.jpg (133.63 KiB) Skoðað 2874 sinnum

Ég fékk mjög sniðugar tengingar fyrir vænginn. Það er segulstál í þessu og þau smella saman þegar vængurinn er settur á.

20240812_094722.jpg (142.73 KiB) Skoðað 2874 sinnum

Hér er ég búinn að festa tengin í vængina og skrokkinn. Nú vantar bara að lóða vírana upp á þetta svo servóin komist í samband.

20240813_114604.jpg (129.25 KiB) Skoðað 2874 sinnum

[Gaui]

TF-FRU -- Dagur 116

Það tók nokkurn tíma að lóða rétta enda við vængtengin, en nú eru þau komin.

20240814_094514.jpg (138.91 KiB) Skoðað 2374 sinnum

Og hér sést ofan í skrokkinn. Þetta er allmikil flækja af vírum. Þegar ég er búinn að koma rafhlöðunum fyrir (eina fyrir fjarstýringuna og eina fyrir kveikjuna) þá laga ég þetta til og læt það hverfa að mestu.

20240816_103332.jpg (136.26 KiB) Skoðað 2374 sinnum

[Gaui]

TF-FRU -- Dagur 117

Það var ýmislegt dúllað í morgun. Ég boraði göt fyrir vængendaljósin og límdi þau í. Margir halda að það sé rangt að setja blátt ljós á hægri vænginn, en ef peran er gul innan við bláa skel, þá lítur ljósið út fyrir að vera grænt.

20240817_094630.jpg (148.6 KiB) Skoðað 2080 sinnum

Ofan á stélkambinum er stórt hvítt ljós.

20240817_114552.jpg (141.5 KiB) Skoðað 2080 sinnum

Það tók mig mest allan morguninn að maska stafina á hægri hliðina og maska svo allar útlínur fyrir bláa litinn. Ég þarf svo að ná mér í dagblöð eða svoleiðis (fæ ekki Bændablaðið ókeypis í hús eftir að ég flutti á Dalvík) og líma á skrokkinn. Ég sprauta bláu eftir helgina.

20240817_113557.jpg (135.8 KiB) Skoðað 2080 sinnum

[Sverrir]

Ofan á stélkambinum er stórt hvítt ljós.

Samt betra að hafa það rautt.