D.B. Sport & Scale S.E. 5a

[Gaui]

Dagur 21

Það tók mig tóran hluta úr morgninum að máta og líma stélið á endann á skrokknum. Vonandi er það nógu rétt.

20230501_104146.jpg (157.96 KiB) Skoðað 844 sinnum

[Gaui]

Dagur 22

Fyrst að stélflöturinn er kominn á, þá er næst að setja stélkambinn á sinn stað.

20230502_102147.jpg (160.74 KiB) Skoðað 819 sinnum

Á meðan lími þornar á kambinum er tími til að vinna í vatnskassanum. Hér sést það sem leiðbeiningarnar sýna, en ég ætla að gera smávægilegar breytingar á þessu, aðallega vegna þess að hreyfillinn minn verður ofar en það sem sýnt er á teikningunni.

20230502_121257.jpg (158.69 KiB) Skoðað 819 sinnum

[Gaui]

Dagur 23

Byrjað að setja saman lokið framan á skrokknum. Þrjú rif, þrjú langbönd og svo krossviðarklæðning ofan á. Þetta verður laust og gefur aðgang að mótor og bensíntanki.

20230503_115937.jpg (162.05 KiB) Skoðað 807 sinnum

Búinn að gera breytingar á vatnskassanum. Þetta er límt niður með epoxý lími. Ég ætla ekki að hafa vatnskassann í tveim hlutum eins og sýnt er á teikningunni. Lokið fyrir aftan hann verður bara fest með skrúfu í gegnum hann efst.

20230503_122249.jpg (157.69 KiB) Skoðað 807 sinnum

[Gaui]

Dagur 24

Ég límdi 0,4mm krossvið á lokið framan á skrokknum og nú er þetta farið að líta út eins og ekta SE5a. Á meðan lokið þornaði skrúfaði ég skrokkstífurnar á festibitana í skrokknum með sex plastklemmum. Ég þurfti að skera smávegis úr aftasta rifinu í lokinu fyrir klemmunum.

20230504_111225.jpg (159.99 KiB) Skoðað 793 sinnum

Næsta skerf er að setja efri vængmiðjuna á skrokkstífurnar og skrúfa þær fastar með M3 boltum. Boltarnir sem fylgja eru svo mjúkir að stjörnusporið í þeim aflagast ef maður horfir á það vitlaust. Ég ætla að setja almennilega bolta í þetta með sexkanthaust. Næsta skref er að setja skástífur og króka á skrokkstífurnar og lóða þær saman.

20230504_114229.jpg (157.74 KiB) Skoðað 793 sinnum

[Gaui]

Dagur 25

Nú er komið að því sem mér finnst hvað leiðinlegast: að vefja saman nokkra hluti úr vír og lóða þá saman. Ég er einstaklega klaufskur við að vefja vírana og þeir renna sífellt undan og detta í sundur. Eftir langan tíma er ég hér búinn að vefja allt sem þarf að vefja og nú þarf ég að losa vængmi'ðjuna af og svo er komið að lóðaríinu.

20230505_104402.jpg (145.35 KiB) Skoðað 781 sinni

Lóðning heppnaðist. Ég nota blússlampa frá Dremel og hita nóg til að stykkið sjálft bræði tinið. Það er líka gott að pússa alla hluta og þvo þá með rauðspritti eða asetóni til að tinið grípi

20230505_112626.jpg (130.66 KiB) Skoðað 781 sinni

Ég setti balsastangir með klemmum á víravirkið svo það færi nú ekkert um landið á meðan ég lóðaði. Þetta er allt komið (sem betur fer) og nú get ég skrúfað þetta aftur á skrokkinn.

20230505_114400.jpg (157.09 KiB) Skoðað 781 sinni

[Gaui]

Dagur 26

Nú eru skrokkstífurnar komnar á og verða ekki teknar niður aftur. Þá er hægt að undirbúa að setja 0,4mm krossviðarklæðningu á skrokkinn. Partur af því er að setja balsakubb undir þar sem Vickers byssan kemur. Það verður dálítið snikkerí að koma krossviðnum fyrir.

20230506_104532.jpg (139.01 KiB) Skoðað 765 sinnum

Á meðan límið harðnar á skrokknum ákvað ég að setja lásana aftur á vængina og búa til op í kringum þá, sem dúkurinn kemur til með að festast við. Það er ekki gott að hafa óstudd göt á dúknum. Hann myndi bara rifna. Ég set líka krossviðar ræmu við rótarrifið. Besta aðferiðn við að halda henni er að nota límband.

20230506_115126.jpg (147.21 KiB) Skoðað 765 sinnum

[Gaui]

Dagur 27

Það tók mig góðan klukkutíma að skera til fremsta krossviðarskinnið og fitta það á skrokkinn undir skrokkstífunum. Nú er ég búinn að líma það og tek næsta hluta á morgun. Á meðan límið harðnaði setti ég balsa og krossviðarræmur á vængina.

20230508_104657.jpg (118.82 KiB) Skoðað 741 sinni

[Gaui]

Dagur 28

Nú er klæðning komin aftur að stjórnklefanum (þetta verður auðveldara með hverjum hluta). Á meðan þetta þornaði setti ég gólf í klefann, 4mm krossvið svo ég hafi eitthvað til að festa flugmanninn við.

20230509_102631.jpg (136.88 KiB) Skoðað 726 sinnum

Ég var líka byrjaður að tálga til og grunna mælaborðið sem ég fékk frá DB Sport and Scale. Ég loka flugmannsklefanum á morgun og vona að ég komi þessu dóti niður um úrskurðinn fyrir kallinn.

20230509_112435.jpg (127.2 KiB) Skoðað 726 sinnum

[Gaui]

Dagur 29

Ég límdi 0,4mm krossvið yfir flugmannsklefann og þar með er kominn rúmur metri af þunnum krossvið ofan á módelið. Þegar þessi hluti er orðinn þurr er hægt að skera út opið fyrir flugmanninn.

20230510_094554.jpg (141.41 KiB) Skoðað 718 sinnum

Það gengur líka á vængræturnar. Nú vantar bara eina krossviðarræmu og þessi hluti er búinn.

20230510_101328.jpg (159.61 KiB) Skoðað 718 sinnum

[Gaui]

Dagur 30

Ýmis smáverk í pípunum núna. Það fyrsta sem ég gerði (samkvæmt leiðbeiningunum) er að setja neðri vængmiðjuna á (tálguð smá til svo hún passi) og skrúfa mótorinn í. Ein róin sem heldur vængmiðjunni er eitthvað skrýtinn (lím í henni) svo ég kom boltanum ekki í. Hugsanlega þarf ég að skipta um ró.

20230511_101739.jpg (138.33 KiB) Skoðað 700 sinnum

Ég setti nokkrar stangir í til að halda tangkólfinu. Þegar þar að kemur get ég sett franskan rennilás til að halda tanknum í.

20230511_111521.jpg (147.92 KiB) Skoðað 700 sinnum

Ég skar í burtu klæðninguna yfir flugmannsklefanum.

20230511_113716.jpg (129.62 KiB) Skoðað 700 sinnum

Og að lokum límdi ég niður botninn í frampartinn á skrokknum, undir mótornum. Ég þurfti að skera í burtu smávegis fyrir púströrið og kertið, en það tekur enginn eftir því.

20230511_121222.jpg (145.86 KiB) Skoðað 700 sinnum