Grunau Baby í 1/3

[Ólafur]

Spennandi að fylgjast með þessu þvi maður er búin að fljúga Babyinu ófáum sinnum um árin á melunum

[Messarinn]

Já hvernig er það Gaui ert allveg búinn að gefast upp á baby-inu?? :rolleyes:

[Gaui]

Ekki gefast upp, en ..... hún er á afturbrennaranum

[Gaui]

Jæja, það er komin hreyfing á Grunau aftur.

Undanfarnar vikur hef ég skroppið í Slippinn og lagt smá sandpappír og fylliefni á Baby vængina og þeir eru að nálgast að verða hæfir til að klæða þá með Solartexi.



Siggi vinur minn lánaði mér vél-hefil sem hann kom með frá Kanada og með honum tókst mér að hefla niður og jafna yfirborðið á loftbremsunum, nokkuð sem mér hefði aldrei tekist almennilega með venjulegum hefli, sama hversu beitt blaðið í honum væri. Nú er yfirborð bremsanna farið að fylgja lögun vængsins og ég er að verða ánægður.





Það þarf um 10 metra af Solartexi á vængina, svo ég byrjaði á því að draga upp allt Solartex sem ég fann heima hjá mér til að gá hvað ég þyrfti að kaupa mikið aukalega. Það kom í ljós að það hvíta dugar aðeins ríflega á efra borðið og það lín-litaða er nóg á neðra borðið með því að skeyta smá á endann. Það tekur líkast til enginn eftir því hvort sem er.



Og svo byrjaði ég á því að klæða annað hallastýrið:



Þetta smá kemur !!

[Gaui]

Það eru hænufetin þessa stundina. Ég er búinn að klæða bæði hallastýrin! Hér er mynd af þeim áður en ég setti klæðninguna ofan á seinna stýrið:

[Gaui]

Ég ákvað að setja raunverulega sauma í neðra borð vængjanna og þess vegna þurfti ég að bora nokkur göt í sum rifin:



Þá gat ég klætt neðra borðið:



Næst reif ég niður 5mm ræmur af Solartexi og straujaði þær á rifin:



Ég hringdi í Einar Pál, mannin sem veit mest um hvernig maður saumar vængi, og eftir samtal við hann tók ég fram hör þráð og laaanga nál.



Ég festi vænginnn upp á rönd við pappakassa svo ég gæti komist að báðum hliðum í einu og byrjaði að sauma:



Þetta lúkkar bara sannfærandi!



Og svona lítur þetta úr hinum megin frá:



Athugið að ég var ekkert að hafa áhyggjur af því að hnútarnir væru rétt frá gengnir, heldur hafði ég flösku af þunnu CA lími nálægt og sullaði úr henni á hnútana þegar hvert rif var búið.

[einarak]

...svona follorðins. En er engin hætta að solartexið rifni út frá götunum?

[Gaui]

[quote=einarak]En er engin hætta að solartexið rifni út frá götunum?[/quote]

Jú, það er nefnilega hætta á því. Þess vegna gerir maður tvennt: 1) setur ræmu undir sem styrkir dúkinn, og 2) dregur þráðinn í gegnum dúkinn alveg upp við rifið. Þetta tvennt á að koma í veg fyrir rifur..

[Flugvelapabbi]

GOÐUR, þetta er malið og þetta kemur til með að lita vel ut
Kv
Einar Pall

[Gaui]

Saumaskapurinn búinn og lokin neðan á vængjunum komin á sína staði:



Þá eru rifjaborðarnir setti á. Ég keypti tvær rúllur af þessu frá Pink-It og get sannarlega mælt með þeim.



Og þá er neðra borðið á vængjunum tilbúið.



Þá er bara eftir að búa til stífurnar og mála -- ekki langt eftir.