Flugmódelspjallið - flugmodel.net

Ég er að leita að tengjum til að tengja AXI 3ja fasa burstalausan rafmangnmótor við hraðastýringu. Oft eru notuð nett sívöl gullhúðuð tengi. JETI hraðastýringin mín er með 3,5 mm hulsum, en ég hef séð í verðlistum 2,0, 3,5 og 4,0mm tengi.

Myndirnar hér fyrir neðan eru frá Tower Hobbies

Hefur einhver rekist á svona tengi hér á landi?

Með kveðju

Ágúst

Hefurðu e-ð kannað hvað fæst í Íhlutum, geri reyndar ráð fyrir því
Annars vantar mig svona líka þannig að það er kannski spurning um að slá saman.

Ég er búinn að tala við Eyþór í Íhlutum og Einar í Miðbæjarradíó. Þeir eiga ekkert sem líkist þessu.

Grunaði ekki gvend

Hvað með bílradíó búðirnar? Nesradíó, Bílabúð Benna eða Aukaraf

Ég dreif í að panta fáein stykki frá Overlander Batteries http://www.overlander.co.uk í Englandi

Við eigum tvo svona Axi mótora og við notum bara Deans ultra connector. Virkar bara mjög vel...



Getur líka keypt svona connectors á www.abellrc.com

AbellRC eru, fyrir utan Deans plöggin sem Hjörtur sýndi, með þessa connectors sem ágúst spyr um í 1.8, 2.5 og 3.5 mm á $9 til $ 9.8 fyrir settið af þremur. Það eru líka til Deans 3-pin tengi sem ég veit ekki hvað geta borið mörg amper en kosta ekki nema $2 stykkið.
Hef pantað tvisvar frá þeim og fengið dótið innan fimm daga þó þeir séu alla leið uppi í Montana fylki. Ágætt verð á Hitec servóum hjá þeim og þeir eru með alls konar gott og sniðugt dót, sumt sem þeir framleiða sjálfir, meðal annars bensínbrúsa með dælu sem sagðir eru mjög góðir og eina bestu frauðplast-3D vélina, Adrenaline.
Vildi að ég gæti tekið út dót hjá þeim fyrir þessa auglýsingu

Forresten,,,, talandi um sendingar. Er einhver sem hefur pantað frá Tower eftir að þeir breyttu um sendil? Það tók rúmar þrjár vikur fyrir mitt dót að koma þaðan fyrri nokkru.

Hvernig ætli standi á því að sendingar með flugpósti frá USA eru yfirleitt svona ótrúlega lengi á leiðinni. Það tekur nokkrar vikur að fá sendingar frá Tower eða Hobby-Lobby. Það tekur jafn margar vikur frá USA og daga frá UK.

Nú eru nokkur flug daglega ti Bandaríkjanna, þannig að mér er þetta óskiljanlegt. Getur verið að vörurnar liggi einhvers staðar í pakkhúsi ytra?