Fokker D.VIII

[jons]

Einhvern tímann í haust, í balsaryki og límvímu á Grísará, ákváðum við Gaui og Árni Hrólfur að þegar Das Ugly Stik smíðinni væri lokið myndum við hefja smíði á Fokker D.VIII. Þar sem það er öllum hugsandi mönnum ljóst að það borgar sig tæplega að smíða færri en 3 eintök af flugvélum í einu, ákváðum við að framleiða þrjár orrustuflugvélar samtímis.



Þar sem ég lauk svo loks við Stikkinn minn nýlega hef ég hafist handa við að búa til efnið í Fokkerana.

Fyrst er að skera efnið gróflega niður. Þarna sjást öll væntanleg vængrif - í þrjár vélar.


Síðan þarf að raða hverri rifjategund upp og festa ljósritaða útgáfu ofan á rifin. Við límum rifin saman með spray-lími, og notum sama lím til að festa ljósritið ofan á. Gott er svo að lokum að stinga 2 pinnum í gegnum rifin til að þau renni ekki til við sögun þar sem þetta lím gerir lítið meira en að tylla rifjunum saman.


Svo er einfaldlega sagað meðfram.


Hérna sést svo afrakstur dagsins. Nú á ég bara eftir að saga niður rúmlega þrjátíu vængrif til viðbótar.


Við vorum líka búnir að móta útlínurnar á hæðar- og hliðarstýrin með því að líma saman þunna lista, bleytta í vatni. Þegar hefðbundnu, hvítu trélími er blandað vatni verður það harðara en venjulega og því ætti ekki að vera neitt vandamál að rúnna kantana eins og þarf að gera síðar.


Meira síðar.

kv Mummi.

[jons]

Ég gleymdi reyndar litlu rifjunum í hallastýrunum. Með þeim á ég eftir að saga samtals um 70 rif...

[Sverrir]

Lofar góðu

[Flugvelapabbi]

er ekki D vIII i fullorðinna manna skala, eg a við 1/3.

Kveðja
Einar

[Gaui]

Sæll Einar Páll

Ekki alveg fullorðin -- svona á unglingastiginu í 1/4 skala. Það var ekki hægt að fara neðar. Hún er nú samt vel stór samt, með vænghaf upp á tvo og þrettán (84 tommur)

[Flugvelapabbi]

Þokkalega þroskað, annars grinlaust þetta er flott hja ykkur
Kv
EinarPall

[Björn G Leifsson]

Ja það á ekki eftir að skína mikil sól á Melana þegar þessar eru komnar þangað í hóp.

Ég verð að seja að valið á viðfangsefni er skemmtilega sérstætt. Þetta eru ekki þekktustu vélarnar, áttu stutta starfsævi í lok fyrra stríðs en það er margt nýstárlegt við þær svo sem einvængja hangandi neðan í heilklæddum væng (klæddur með krossviði var það ekki?)
Hvernig væri ef þið Smíðarár-grísarar settuð litla ritgerð saman handa okkur hinum um sögu og tilurð þessarar vélar?

[Gaui K]

þetta á eftir að verða flott.En ég er að spá í hvort þið sagið rifin beint á balsan? þe.Byrjið ekki á að saga út á krossvið eða eitthvað hart og gera svo rifin eftir þeim mótum ? Þá væru til mót til að gera við skemd rif síðar ef eitthvað skemmist.

[Gaui]

Við bara skelltum teikningunni á ljósritunarvélina og límdum svo útlínur rifjanna á stafla af balsa. Svo var bara sagað út. Bæði balsastaflinn og pappírinn voru límd (tímabundið) með spreylími fyrir ljósmyndir.

Og við smíðum ekki með það fyrir augum að gera við síðar. Ef (og ég undirstrika EF) eitthvað kemur uppá, þá eigum við teikninguna.

[jons]

Jæja, samsetning hófst í dag. Ég lauk við að líma saman finna og rudda annars vegar og stél og hæðarstýri hins vegar.