Þar sem þetta hafði komið fyrir mig áður (nálægt krassi á Patró!), þá vissi ég hvað átti að gera.
Vel að merkja, þessar lamir frá Kavan virðast verða brothættar með aldrinum. Hmmm. Þarna er eitthvað sem þarf athugunar við.
Enívei, það fyrsta sem þarf að gera er ná ná stýrinu af stélinu og Kavan lamirnar eru með þolinmóð sem er með haus öðrum megin og örlítið kjagaður hinum megin og því auðvelt að ná þeim í sundur. Ég notaði lítið skrúfjarn til að ýta kjagaða endanum inn í lömina ...
... og síðan út hinum megin með því að ýta á hausinn.
Þá voru allar lamirnar lausar.
Hér sést brotna lömin.
Besta leiðin til að ná henni út er að nota 2mm bor í handfræsara og renna honum fram og aftur í kringum lamablaðið þar til hægt er að rífa það úr.
Hér er lömin komin úr.
En gatið er húges.
Það verður að fóðra það með einhverju til að nýja lömin fari á réttan stað. Ég notaði nokkra búta úr 1mm þykkum balsa.
Ég staðsetti bútana í gatið og gegnbleytti síðan alltsaman með sekúndulími.
Það sem síðan tekur við er eins og þegar maður setur lamir í við smíði á módeli. Fyrst opnar maður raufina betur með hníf ...
... og notar svo þjöl af réttri þykkt (platínuþjöl) til að gera raufina það rúma að lamablaðið komist í.
Ég blandaði epoxýlím til að líma lömina.
Og tróð góðri slummu af því í raufina.
Ég makaði epoxýlími líka á lömina, báðum megin og athugaði vandlega að það færi lím í gegnum götin á henni.
Svo tróð ég nýja lamablaðinu í.
Að síðustu bar ég stýrið við til að gá hvort lömin væri ekki rétt staðsett.
Nú þarf þetta bara að harðna og ég get flogið Super Cub næst - ef ég passa mig bara að troða honum varlega inn í bílinn.
