Ekki eru allar sendingar jafn góðar

[Gaui]

Fékk smá afmælisgjöf frá Steve og Sharon: Bók um enskt mál og krukku af Marmite.



Ákvað að smakka Marmite-ið.



Maður verður að hafa alist upp á Englandi með Marmite í annað hvert mál til að geta borðað það. Þetta er hreint ógeðslegt.

Mér skilst samt að það sé hægt að nota það til að elda með því (krydda), svo það er eins víst að ég prófi eitthvað slíkt.

Þess má geta að Marmite er ger-mauk, sem er auka afurð úr bjórframleiðslu.

[maggikri]

Hvernig var enska málið?
kv
MK

[hrafnkell]

úff, ég get ekki ímyndað mér að þetta sé gott. Ég brugga einmitt bjór (og sel hráefni í bjórgerð) og gerkakan eftir bruggun er ekki eitthvað sem manni langar að setja á brauð, sama hvernig hún er unnnin

[Sverrir]

Segi bara fyrir mína parta að Marmite er ekki ljúfmeti, einn biti af því á brauði var nóg. :/

Frá einum fagurkera í Írlandi: „Tell him that marmite in a stew is great. Marmite on bbq sausages is fab and it just is great mixed in beef burger meat or meatballs.“

Lætur okkur svo vita hvort þetta bætir bragðið eitthvað! Annars finnst mér að þú eigir næst að prófa Vegemite þeirra andfættlinga.

[Árni H]

[quote=Sverrir]Segi bara fyrir mína parta að Marmite er ekki ljúfmeti, einn biti af því á brauði var nóg. :/[/quote]

Það rímar vel við mína reynslu. Ég var lengi búinn að hlakka til þess að smakka þetta "álegg", sem hélt lífinu í bretum í síðari heimsstyrjöld - en þvílík vonbrigði þegar ég komst loksins í það á morgunverðarborði í Portsmouth fyrir nokkrum árum...