Respect F3F og eRespect

[Sverrir]

Nú eru að verða tvö ár síðan fyrsta Respect módelið kom heim með mér frá Danmörku og síðan þá hafa nokkrar bæst í hópinn en þær hafa aldrei fengið sér þráð, fyrr en nú.

Eftir að hafa skoðað sviffluguna hjá mér ákvað Guðjón að fá sér eina og rafmagnsskrokk að auki og þar sem ég ætlaði líka að fá mér rafmagnsskrokk þá tók því ekki að taka ekki annan svifflugsskrokk með í kassanum. Það sem fylgir hér á eftir er því samsetning á þessum „tveimur“ módelum.

Servó *
- MKS HV6100 í stél
- KST DS225MG HV í væng

Rafhlaða
- Panasonic LiIon 18500

Aflkerfi
- TenShock EZ-1520/10T 4270KV mótor
- Micro Edition 5:1 plánetugírbox
- Hacker X70 SB pro hraðastillir
- 16x8 Freudenthaler CFK spaði
- 1800/2000 mAh 3S/4S LiPo rafhlaða

Annað
- Zepsus 7A segulrofi

* Servóin eru „high voltage“ svo ekki þarf spennulækkara á LiIon rafhlöðuna.

eCalc var notað til að fá smá hugmynd um aflkerfið sem fyrirhugað var.



Plánetugírbox framan á mótornum í hlutföllunum 5:1.


Hér gerast töfrarnir!


Eldveggurinn kominn á sinn stað, 37mm í þvermáli.


Hér sést allt aflkerfið fyrir utan rafhlöðu.

[Sverrir]

Kjölbiti fyrir rafhlöðu, móttakara, dráttarkrók og aðra íhluti.


Servóin sitja fyrir aftan væng.


Búið að ganga frá stjórnteinum og servóum.


Í sviffluguskrokknum eru servóin fyrir framan væng.

[Sverrir]

Svo þarf að koma servóum í vænginn, viljum ekki lím á ytra byrði vængsins.


Þar til gerður rammi fyrir servóið með legu sem styður við arminn.


Svo smá plast undir svo servóið verði ekki varanlegur hluti af vængnum!


Svo er bara að bíða eftir að límið þorni og passa að servóarmurinn sé 90° á lamalínuna.


Svo þarf að tengja vængservóin við móttakarann, notum 6 pinna MPX tengi í það.


Voila!


Snúrur í skrokkana.


Það verður alltaf smá afgangur.

[Sverrir]

Svo er bara að finna jafnvægispunktinn áður en gengið er endanlega frá staðsetningunni á íhlutunum. Í mótorskrokknum þarf ekki að bæta við neinni auka vigt.


Sviffluguskrokkurinn þarf aftur á móti talsverða vigt í nefið




Hér er búið að steypa vigtina í blý. Álpappír var vafið utan um nefið á módelinu, límband skellt utan um það, hersingin sett í sand, módelið fjarlægt og blý brætt ofan í álpappírinn. Svo var blýið snyrt til og tekið niður í rétta þyngd.


Ég hef notað 18650 LiIon rafhlöður í RX pakkana en núna er ég að fara yfir í 18500 LiIon sem eru 15 mm styttri og með um 900 mah minni rýmd, 2000 í stað 2900.


Allt komið á sinn stað.


Helstu þyngdir í grömmum:

Mótor útgáfan
982 = Skrokkur (með LiPo)
1510 = Vængir
2492 heildarþyngd

Svifflugan
733 = Skrokkur (með LiIon)
1510 = Vængir
2243 heildarþyngd

Svo er hægt að þyngja þær um 1740 grömm með ballest.

[Árni H]

Verður ekki erfitt að flúga með þessa grænu sandkassafötu á nefinu
Til hamingju með flotta vél (vélar), það verður gaman að sjá hana fljúga!