Flugmódelspjallið - flugmodel.net

Þröstur bað mig um að hjálpa sér að setja saman tvær Bellanca Decathlon "XXL" frá þýska framleiðandanum Exclusive Modellbau (http://www.emhw.de/). Mér datt í hug að það væri gamanm að lesa um þessa smíði hér.

Módelið er hannað af Harald Weierhäuser og hér eru tölulegar upplýsingar:
• Hlutfall: 1:2,95
• Vænghaf: 338 cm
• Stélhaf:110 cm
• Hæð: 74 cm
• Lengd: 242 cm
• Þyngd: frá 16 kg
• Mótor 100 - 120 ccm

Þröstur kom með annað kittið í skúrinn til mín og við byrjuðum að skoða það:



Árni Hrólfur, sem var gestkomandi á Grísará byrjaði á því að kíkja aðeins í vélarhlífina, sem er risa stór:



Enda passaði hún algerlega yfir höfuðið á honum:



Þetta kitt er sérlega yfirgripsmikið, eins og vaninn er hjá Þjóðverjum. Það er hellingur af góðum viði, öll rif og formerar eru CNC skorin úr léttkrossviði og það fylgir með allur viður sem þarf til að smíða módelið. Það er stór fylgihlutapakki með, dekk, spinner, glerfíber vélarhlíf og mælaborð og plastið fyrir gluggana, skýr teikning og þykkur leiðbeiningabæklingur, sem því miður er á þýsku (þess vegna bað Þröstur mig að hjálpa sér). Að auki var í kassanum geisladiskur með fjölda mynda og kvikmynda af frumsmíðinni.



Smíðin byrjar á því að maður sagar út úr léttkrossviðsplötunum þá hluta sem nota á í stélið:



Síðan eru aðrir hlutir fundnir til. Sem betur fer er allur viðurinn í stélið í einum merktum poka:



Stélið er flatt, svo það er auðvelt að bara negla 3mm krossviðinn niður á borð og líma svo allan viðinn við, fyrst öðrum megin og síðan hinum megin:

Stélkambur og hliðarstýri:



Stélflötur og hæðarstýri:

Lofar góðu, verður gaman að fylgjast með þessari

Ávalt flottir! Hvaða hreyfill er hugsaður undir cowlinguna?

DA150.

Maður á nú bara eitt orð til:

VÁ!

ein spurn, er engin hætta á að listarnir klofni með öllum þessum nöglum?

[quote=einarak]ein spurn, er engin hætta á að listarnir klofni með öllum þessum nöglum?[/quote]
Það er til gamalt smíðatrix sem felst í því að berja á oddinn á naglanum áður en maður neglir hann í viðinn. Þá rífur naglinn sig í gegnum spítuna og kremur viðinn á leið sinni í gegn. Ef oddurinn er hvass, þá fer hann á milli trefjanna og þá klofnar út frá honum um leið.

Svo reynir maður að nota minnstu nagla sem eru fáanlegir

OOOO mæ gooood

Ma ma maður er bara stunned eins og maðurinn sagði um árið......

Kristján Ólafsson

Þetta verður aldeilis almagnaður andskoti AAA.
Líklega er þetta akkurat kittið sem ég ætti að setja saman, mig langar svo í stóra fallega Decathlon.
Veit einhver hvað það kostar?

Þröstur veit það, en þú þarft ekki að setja þetta saman, við ætlum að taka tvær í einu.