Varasamar lóðningar

[Gaui]

[quote=Björn G Leifsson]... Tilvalið er að nota hliðina á lóðboltanum til að hita ádragið varlega...[/quote]
Ég nota venjulega hitablásarann sem ég á fyrir filmuvinnuna. Hann hitar ádragið alveg ágætlega og engin hætta á að setja gat á eitt eða neitt.

[Gunni Binni]

Mæli miklu frekar með þessum kringlóttu gylltu "Bullet" tengjum sem eru nú að ryðja sér til rúms.
https://frettavefur.net/Forum/uploadpic ... 287858.jpg

Finn ekki almennilega leiðbeiningamynd fyrir þessi tengi, kannski geri ég hana bara sjálfur næst þegar ég þarf að búa til svona, mín aðferð svínvirkar nefnilega. Þess vegna er ég að grobba mig af henni.

Sýnist hér ágætismyndband um lóðningu á Bullit tengjum
kv.
GBG

http://www.graysonhobby.com/catalog/pro ... ucts_id=40

[Björn G Leifsson]

ágætismyndband en aðferðin ekki mér að skapi Var búinn að sjá þetta þegar ég skrifaði þetta.

[Agust]

Þetta eru aldeilis þarfar umræður um lóðningar. Ég er nú búinn að lagfæra lóðninguna sem klikkaði í batteríinu mínu. Vona að þetta hafi bara verið mánudagslóðning og hinar séu í lagi, þ.e. samtals 8 á LiPo, 15 á hraðastýringum og 9 á mótorum. Það er eins gott að vanda sig.

Það væri kannski ráð að þreifa á tengjumum eftir flug til að kanna hvort einhver óeðlilegur hiti finnist? Það getur þó vel verið að tengin séu fljót að kólna því sveru koparvírarnir leiða hitann vel í burtu.

Sem sagt við lóðningu:
Stór lóðbolti (70-100 wött).
Lóðfeiti
Standur með krókódílum eins og Björn notar.

[Björn G Leifsson]

[quote=Gaui][quote=Björn G Leifsson]... Tilvalið er að nota hliðina á lóðboltanum til að hita ádragið varlega...[/quote]
Ég nota venjulega hitablásarann sem ég á fyrir filmuvinnuna. Hann hitar ádragið alveg ágætlega og engin hætta á að setja gat á eitt eða neitt.[/quote]
Æ.. já þú hefur rétt fyrir þér Gaui. en ég er svo latur og nota svo góð krumpuádrög úr Íhlutum í Skipholti eða rafvörudeidlinni í Byko. Ég strýk hitaelementshlutanum af lóðboltanum mjög léttilega framhjá hulsunni, nánast án þess að koma við. Krumpuhulsur úr glansandi plasti þola þetta ekki en þessar fínu prófessíónal úr þykku grásvörtu gúmmíkenndu efni með áprentuðum stöfum (fást líka í litum) virka fínt með þessari aðferð.

Mæli með hitablásaranum eins og Gaui segir en ef maður á ekki slíkan þá má nota kveikjara mjög varlega undir hulsunni eða mína letiaðferð mjög varlega.

[Agust]

Það sakar ekki að endurvekja þennan góða þráð um lóðningar frá því kortér fyrir hrunið mikla.

Tilefnið var að Funtime svifflugan mín hrundi til jarðar ásamt myndavél, vegna þess að lóðning á rafhlöðu gaf sig rétt eftir flugtak. Þetta var 3ja ára rafhlaða sem notuð hafði verið um 100 sinnum án vandræða. Ég skildi lengi vel ekki ástæðuna fyrir því hvers vegna lóðningin bilaði akkúrat í þetta sinn skömmu eftir flugtak og fór oft yfir málið og aðdragandann í huganum. Skyndilega rann upp fyrir mér ljós...

Skömmu fyrir flug var ég að bjástra við að stilla stýrifletina á vængjum og stéli með því að færa til teinana, og einnig að bjástra við servóið sem þrýsti á takkann á Canon vasamyndavélinni. Vélin á flugbrautinni og ég á hnjánum. Þar sem ég var bara að prófa servóin hafði ég látið nægja að rétt tylla tengjunum saman, en ekki þrýst þeim saman alla leið. Gleymdi svo auðvitað að ganga almennilega frá þeim fyrir flugtak.

Það sem hefur væntanlega gerst er að þegar vélin var að klifra með fullu afli (~50 amper) hefur tengið náð að sjóðhitna á örskömmum tíma. Tinið bráðnar við 180 gráður, við það hækkar viðnámið ennþá meira og þar með hitinn.

Eftir þetta hef ég gætt mín á því að vera ekki að tylla tengjunum saman við prófun, heldur alltaf þrýst þeim vel saman, því það er auðvelt að gleyma sér...

(Það má bæta því við að nú er ég með sérstaka hleðslurafhlöðu (Eneloop LSD NiMh) fyrir viðtæki og servó í bæði FunTime svifflugunni [sem kemur við sögu hér] og Big Excel. Tel það aðeins öruggara en að nota mótorrafhlöðuna ásamt BEC).

---

En, í þessum pistli er góð umfjöllun um lóðningar, sérstaklega á rafhlöðu og mótortengjum. Góð og holl lesning fyrir unga sem aldna.

[Gaui]

Hann Brúsi, vinur okkar á Nýja Sjálandi sendi nýverið frá sér ræmu með upplýsingum um lóðarí. Það er vel þess virði að eyða rúmum hálftíma hjá honum.