Fyrir valinu varð forláta tæki sem kostaði 10.900 krónur.
Þetta er "switch mode" tæki með hleðslutölvu.
Straumur er stillanlegur á 2, 6 eða 12 amper. (Fer eftir stærð geymis hvað maður velur).
Tækið vinnur þannig að fyrst hleður það með innstilltum straum (t.d. 12A) þar til um 80% hleðslu er náð. Þá dregur úr hleðslustraumnum þar til geymirinn er fullhlaðinn, en þá skiptir tækið yfir á viðhaldshleðslu eða "flot-hleðslu", þannig að geymirinn helst fullhlaðinn en skemmist ekki þó hann sé tengdur tækinu lengi.
Það sem ég er hrifinn af er að aftan á tækinu er sígarettukveikjara innstunga. Þar getur maður náð út 12 voltum allt að 12 amper til að knýja lítil 12V tæki. Þetta er sem sagt líka 230VAC/12VDC (140 wött) aflgjafi sem getur komið sér vel að eiga.
Nú, svo er þetta líka taska þar sem geyma má allar snúrurnar.
