![Mynd](https://spjall.frettavefur.net/myndir/2018/1538846007_0.jpg)
Sjálfsagt kannast flestir við hvernig Lithium Polymer rafhlður eiga það til að bólgna með tímanum. Hvers vegna þær gera það veit ég ekki, - eða visi það ekki.
Ég á litla en frekar vandaða fjölþyrlu sem kallast DJI Mavic Air. Tekur frábær videó og myndir. Í pakkanum voru 3 rafhlöður, hleðslutæki o.fl. góðgæti. Rafhlöðurnar eru með innbyggðum spennumæli og einhverri skynsemi. Fyrir nokkru tók ég eftir því að rafhlöðurnar voru allar aðeins volgar í töskunni, en ég hafði hlaðið þær allar rúmri viku áður. Nokkru síðar sá ég að aðeins 3 ljós af 4 á spennumælinum lýstu. Fjandans drasl, hugsaði ég og ætlaði að fara að kvarta.
Fyrir tilviljun rakst ég á umræður á netinu þar sem einhver frá DJI svaraði spurningum. Þar kom meðal annars fram, að hafi rafhlaða ekki verið notuð í 10 daga, og er með fulla hleðslu, fer sjálfvirk afhleðsla í gang og afhleður rafhlöðuna niður í 65% hleðslu. Þ.e. niður í þá spennu sem best er að hafa á rafhlöðunni í langtímageymslu.
Skýringin sem fylgdi var sú, að þetta væri gert til að koma í veg fyrir að rafhlöðurnar bólgnuðu, því hætt væri við að þær gerðu það ef þær væru geymdar mjög lengi með fullri 100% hleðslu !
Jæja, ég hef oft geymt LiPo fullhlaðnar langtímum saman. Þær hafa líka bólgnað...
Ég var feginn að rekast á þessa skýringu og hætti við að kvarta yfir ónýtum rafhlöðum
![Smile :-)](./images/smilies/icon_e_smile.gif)
( Mavic Air lítur svona út: https://www.dji.com/mavic-air ).
Sem sagt, ekki geyma LiPo rafhlöðurnar lengi með 100% hleðslu!