Flugmódelspjallið - flugmodel.net

Til að halda utan um alls konar upplýsingar um módel og fleira nota ég Excel. Það eru auðvitað til forrit sem henta betur (t.d. OneNote), en Excel er ég með í flestum mínum tölvum, bæði heima og í vinnu.

Skjalið vista ég síðan í Dropbox þannig að auðvelt er að nálgast það úr öðrum tölvum.

Í hverju Excel skjali er hægt að vera með margar síður sem valdar eru með flipum neðst á síðunni. Ég nota eina síðu fyrir hvert módel.

Inn á síðuna hendi ég síðan myndum, úrklippum, textamiðum (text-box), töflum, efnislistum, krækjum að vefsíðum, o.fl. Er ekkert að vanda uppsetninguna, enda nota ég þetta sem eins konar vegg-töflu með minnismiðum, o.þ.h.

Þetta hefur reynst mér vel og gott að hafa allt á einum stað.

Þess má geta að vinnufélagi minn sem heitir Yrsa hefur samið nokkrar glæpasögur með hjálp Excel, svo ýmislegt er hægt að gera.

Hér fyrir neðan er ein síða varðandi svifflugu sem ég hef verið að spá í.

Ég nota bara word og þykir það bara gott.

Ég hef notað Word en var ekki ánægður.

Í vinnunni hef ég notað OneNote sem minnisbók til að halda utan um nokkur verkefni og virkar það vel. Ég myndi nota það ef ég væri með það í fleiri tölvum.

Excel varð því niðustaðan og nota ég það eins og ófullkomið OneNote. Það finnst mér virka betur en Word. Svo get ég líka notað töflureikninn fyrir útreikninga, efnislista, ...

Ef ég rekst á auglýsingu eða grein sem varðar eitthvað áhugavert, þá opna ég eitt skjal sem alltaf er nærri í Dropbox, og hendi inn krækju, töflu, mynd eða öðru á rétta síðu (flipa) og þá finn ég það auðveldlega aftur.

Ef ég væri með OneNote eða EverNote, þá myndi ég vafalítið frekar nota það.

OneNote
http://office.microsoft.com/en-us/onenote/

EverNote:
https://evernote.com/


Samanburður á þessum minnisbókar-forritum:
http://www.pcworld.com/article/2031818/ ... inner.html

Ég nota Word, exel, powerpoint, youtube, magnusflug.com og Fréttavefinn.
kv
MK

[quote=maggikri]Ég nota Word, exel, powerpoint, youtube, magnusflug.com og Fréttavefinn.
kv
MK[/quote]
Þú ert multitalent Maggi.

Svo finnst mér gott að nota blað og blýant. Klikkar aldrei.

Iss, pappír er svo lélegur geymslumiðill... ég nota hamar, meitil og steintöflur!

Fjölbreytni í þessu, ætli einhver noti enn ritvél og kalkipappír?

Þjóðverjar eru hættir að nota tölvur og GSM venga njósna NSA. Nota í staðinn blýanta, ritvélar og öskjuhlíðar.

https://www.google.is/webhp?sourceid=ch ... er&tbm=nws

Það verður því væntanlega hægt að komast yfir ódýrt svona dót frá Þýskalandi á næstunni.

Rússarnir voru löngu byrjaðir á því, þeir hafa greinilega betri njósnara en Þjóðverjar.

ég nota notepad, og svo sendi ég sjálfum mér linka og svoleiðis í emaili... afar heimskulegt og þarf ég að fara að venja mig á betri aðferðir

Reyndar hef ég líka notað Notepad og Gmail. Það sem Gemail geymir póstinn get ég oft fundið gamlar upplýsingar með því að leita þar. Ég geri það oft ennþá að senda sjálfum mér til minnis póst.

Það var bara til að koma smá skipulagi á þessa óreiðu (sem er enn til staðar) á einfaldan hátt að ég fór að nota Excel sem eins konar gagnagrunn. Nánast allt sem viðkemur módelflugi og ég vil geyma, er nú geymt í sama skjali sem ég geymi á Dropbox. Fyrir mig þá virkar þetta mjög vel. Nú finn ég aftur minnissneplana mína sem voru áður hér og þar og oft týndir.