Það rættist úr veðrinu eftir því sem leið á morgunin svo ég og Guðjón vorum komnir út í brekku rétt rúmlega 10. Síðar um daginn leit Árni svo við og Böðvar bættist í hópinn stuttu síðar. Þrátt fyrir úrhellisrigningu í rúma 12 tíma var jörðin skraufaþurr og einu ummerkin um bleytu var að finna á stöku laufblaði. Vindurinn fór mest upp í 17 m/s á meðan við mældum en meðalvindurinn var alveg frá 10 m/s og upp fyrir 15 m/s svo aðstæður til hangs voru mjög fínar.
Ég notaði tækifærið og prófaði nýtt forrit sem leyfir mér að trimma inn hæðarstýrið á móti bremsunum á flugi og skemmst er frá því að segja að það svínvirkaði eins og sést á fyrstu lendingunni í vídeóinu og mun þetta flýta uppsetningarferlinu talsvert í framtíðinni. Áhugasamir geta kynnt sér málið á þessu vídeó eða hoppað beint á 28:45 í vídeóinu. Þeir sem eru með fjarstýringar sem nýta sér OpenTX geta fengið svipaða virkni inn hjá sér.
Hér sést hvar búið er að stilla inn sjö punkta trimkúrvú á móti bremsunum.
Guðjón flýgur beint „inn í“ gosmökkinn.
Bleikisteinsháls - 29.maí 2021
Bleikisteinsháls - 29.maí 2021
Icelandic Volcano Yeti