Flugmódelspjallið - flugmodel.net

Laugardaginn 8.ágúst nk. heldur Flugmódelfélag Akureyrar sína árlegu flugkomu á Melgerðismelum og hefst fjörið stundvíslega kl.9.

Eins og í fyrra verður flugkoman haldin við flugstöð Þórunnar Hyrnu enþar munu gestir og gangandi geta verslað sér kaffi og meðlæti frá kl.10-17. Um kvöldið verður svo grillað við Hyrnuna og verður hægt að versla matarmiða yfir daginn í veitingasölunni eða greiða á staðnum. Sendagæsla verður á staðnum eins og undanfarin ár og eru menn vinsamlegast beðnir um að skila sendinum þangað um leið og komið er á svæðið.

Þetta er ein af stærri samkomum módelsumarsins svo stóra spurning hlítur að vera: Hvar verður þú á laugardaginn kemur!?

Hægt er að sjá myndir frá fyrri árum hér í myndasafninu. Fréttavefurinn verður að sjálfsögðu á svæðinu og eins og í fyrra koma einhverjar myndir inn á myndastrauminn. En auðvitað verða allir módelmenn á staðnum svo það er spurning hvort það sé þörf á þessu.

Það vita vafalasut flestir hvernig við höfum þetta hér fyrir norðan, en til að skerpa á reglunum læt ég þær fljóta hér með:

Sendagæsla byrjar klukkan 09:00 og flugmenn eru hvattir til að afhenda senda sína eins fljótt og auðið er til að koma í veg fyrir óhöpp. Þetta á líka við um senda á tíðninni 2,4 gHz, þar sem það sést ekki úr fjarlægð á hvaða tíðni sendir er og það getur orsakað óþægindi fyrir aðra að vita af sendum utan gæslu.

Módel skal geyma á sérmerktum svæðum sem staðsett eru vestan við startboxið. Þannig geta áhorfendur skoðað módelin handan girðingar án þess að eiga á hættu að ganga á þau.

Hver flugmaður verður að hafa aðstoðarmann með sér sem getur sagt honum til um það sem er að gerast annars staðar og aðstoðað hann við að færa til módel og starttæki fyrir og eftir flug. Ætlast er til að flugmenn eða aðstoðarmenn fjarlægi módel og starttæki úr startboxinu þegar flugi er lokið.

Ekki má ræsa mótora nema módelið sé statt í startboxinu. Módelum má aðeins aka á merktri braut á milli flugbrautar og startsboxins. Aðstoðarmaður skal þá vera til taks til að hafa hemil á módelinu og forða árekstrum.

Flugmenn skulu standa á hliðarlínu flugbrautar á meðan þeir fljúga. Þeir skulu bara fljúga yfir flugbraut og austan megin við hana. Þegar tvö eða fleiri módel eru á lofti í einu skulu allir fljúga sama umferðarhring.

Algerlega er bannað að fljúga yfir sýningarsvæði, startbox og bílastæði.

Eftir flug verður að drepa á mótor þegar módel kemur inn í startboxið.

Hér er loftmynd af svæðinu:

Jæja eru ekki allir í stuði? Menn búnir að pakka? Hvenær á að leggja af stað?

Pakka í fyrramálið og legg svo af stað.
ETA, Melgerðismelum um 1800, millilendi á Hvammstanga með stuttu stoppi þar.

Jæja þá er að mestu búið að pakka í kerruna, einhver sem vill skjóta á fjölda módela?

það verður farið stundvíslega héðan klukkan 8:45 (eða við vonum það allavega)

og ég gíska á að það séu 6 módel í kjerruni

Mér dettur í hug 7 stykki..

En ætli það verði ekki lagt af stað svona um hádegisbylið...

Isss, þið eruð varla volgir.

Hvað leið er best að fara frá akureyri og að Melum ... helst kort eða góðar leiðbeiningar

Ef þú ert við flugvöllinn á Akureyri, þá stefnir þú bara í suður rúma 20 kílómetra, framhjá Hrafnagilsskóla og Grund. Það fer ekki framhjá þér þegar þú ert kominn.