Flugmódelspjallið - flugmodel.net

Nýjir spaðar sem auka nýtni, kný og draga úr álagi á mótora eru nú að komast í almennar prófanir. Eins og sést á myndunum er þetta nokkuð ýkt scimitar útlit en horfið aftur og íhugið í hvora áttina spaðinn snýst!

Á DL50 mótor með Bolly 23x8 nást 6800 rpm á jörðinni en með þessum nýju spöðum skilar sambærilegur spaði(23xx8) 7500 rpm. Þrátt fyrir þetta eru spaðaendarnir ekki að dansa á mörkum hljóðmúrsins eins og mætti búast við. Einnig virðist snerpan á inngjöfinni aukast og vélin rífur sig betur upp úr voki.

RPdesigns heitir fyrirtækið sem er að hanna þessa spaða og verður gaman að fylgjast með á næstu misserum.

sko það má reyna að réttlæta þetta með allskonar tölum og útreikningum, en þetta er alger viðbjóður!

.... fara þeir betur með fingurnar? Bara spyr, engin sérstök ástæða....

Kveðja,

Ingólfur.

Sammála Einari, þetta stuðar
En er í raun snilldarhugmynd.
Þarna næst fyrst og fremst lengri virkur spaði innan minni hrings og eins og Sverrir segir þá næst með því meiri snúningur án þess að endinn nái hljóðhraða. Ef endarnir fara yfir hljóðhraða veldur það bæði miklum hávaða og mikið minni nýtni.
Þetta er hægt að gera með því að fjölga skrúfublöðunum en hér ná þeir því sem sagt án þess.
Þetta er ekkert nýtt. Svokallaðir Scimitar spaðar hafa verið til síðan flugvélar voru úr bambus, striga og snæri. En hér snúa þeir "öfugt".
Það sem gæti verið nýtt hérna er að þetta "öfuga" scimitar form virki kannski til að minnka tip-vortex myndun eins og flottu vængendarnir sem eru komnir á alla farþegaþotuvængi. Slíkir vængendar geta aukið nýtni um allt að 10% með því að minnka iðuna sem myndast og þar með dragið sem af því hlýst.

Loftkrúfuspaðarnir eru ekkert annað en vængir og dragið sem myndast þar sem loftið sleppir spaðaendanum er talsvert.
Á þessari mynd sést hvernig gufa myndast þar sem loftstraumurin losnar af skrúfublaðsendunum og myndar iðu við hvern spaðaenda sem veldur talsverðu dragi:

Hvaða dagur er í dag ????

Þetta nær a.m.k. toppskori á norðlenska "Nein, nein, nein!" skalanum

Ég rakst á þessa bráðsnjöllu lausn fyrir erfiðu störtin á HobbyQueen í dag: Electric Chicken Stick, eða Rafmagnaður startstautur

Heheh ég er allavega hrifinn af þessu. Og umræðan um þetta er búin að vera í gangi síðan í fyrrasumar svo ekki var það fundið upp í dag.

[quote=Gaui]Ég rakst á þessa bráðsnjöllu lausn fyrir erfiðu störtin á HobbyQueen í dag: Electric Chicken Stick, eða Rafmagnaður startstautur

https://frettavefur.net/Forum/uploadpic ... 655050.jpg

[/quote]
Já, en ekki þau stört sem menn helst stunda í okkar íþrótt. Þetta er tæki til að losa um norðlenskar vetrarhægðir. Þegar frýs í útrásinni þá er þessu stungið í samband og inn í viðeigandi op. Það hitnar svo hæfilega til að þýða tappann

[quote=Gaui]Hvaða dagur er í dag ????[/quote]
Búinn að týna dagatalinu þínu?