Re: Patró International 2012 - Samantekt
Póstað: 18. Jún. 2012 12:38:46
Fyrstu menn renndu í hlað í hádegi á föstudeginum og voru svo í rólegheitum að setja saman og fljúga fram eftir degi. Upp úr miðjum degi fóru fleiri flugmódelmenn að detta inn og eftir kvöldmat var farið að færast líf í leikinn. Einar mætti með 1979 módelið af PT-19 og var henni „frumflogið“ um níuleytið þannig að hún var klár í slaginn fyrir flugkomuna. Held að brosið sé ekki enn farið af honum!
Laugardagurinn rann svo upp bjartur og fagur með smá golu þvert á braut en innlögnin kom svo fyrir hádegi og stóð vindurinn beint á braut allan daginn. Mikið var flogið, þrjár þotur hófu sig til flugs hjá jafn mörgum flugmönnum, stærsta flugmódel landsins var í loftinu meir og minna, heimamenn tóku vel á því og mikið var skrafað og drukkið af kaffi. Eitthvað minna var um gesti og gangandi í ár þar sem jarðaför var í firðinum og stórt íþróttamót í næsta firði en áhuginn var mikill og allir vissu af þessu í bænum. Dagurinn var að mestu áfallalaus en eitt módel varð fyrir smá skakkaföllum en verður þó væntanleg flugklárt í ekkert alltof fjarlægri framtíð!
Um kvöldið var svo skundað inn á Patró, skipt um föt, og svo farið í grillveisluna sem þeir heimamenn buðu gestunum í. Fjarðarlax(eitt af dótturfyrirtækjum Fjarðarmálunnar eins og Fjarðarál) buðu upp á þennan líka fína lax en einnig var stórgott svínakjöt og meðlæti á boðstólum. Karið góða var auðvitað á sínum stað! Svo var smalað út í hefðbundna hópmyndatöku en að því loknu var nýjasta aðstaða Módelsmiðju Vestfjarða skoðuð. Eftir mikið skraf og bollaleggingar um fyrrverandi, núverandi og tilvonandi framtíðarverkefni skunduðu nokkuð margir niður í Sjóræningjahúsið til að stunda skemmtanalíf með Patreksfirðingum en aðrir fóru að hitta sængurfötin sín. Stofnfundur Bleiku Fiðrildanna var haldinn um kvöldið í Sjóræningjahúsinu og stefna þær á að verða fleygar á 2013 flugkomunni!
Sunnudagurinn brosti sínu blíðasta og var talsvert heitari heldur en laugardagurinn. Þeir allra hörðustu fóru út á völl til að ná nokkrum flugum fyrir heimferðina. En allt gaman klárast að lokum og síðustu menn voru búnir að pakka og lagðir af stað upp úr kaffinu. Þar með lauk Patró International 2012 en nokkrir módelmenn skelltu sér svo í loftið á Brjánslæk á meðan beðið var eftir Baldri.
Laugardagurinn rann svo upp bjartur og fagur með smá golu þvert á braut en innlögnin kom svo fyrir hádegi og stóð vindurinn beint á braut allan daginn. Mikið var flogið, þrjár þotur hófu sig til flugs hjá jafn mörgum flugmönnum, stærsta flugmódel landsins var í loftinu meir og minna, heimamenn tóku vel á því og mikið var skrafað og drukkið af kaffi. Eitthvað minna var um gesti og gangandi í ár þar sem jarðaför var í firðinum og stórt íþróttamót í næsta firði en áhuginn var mikill og allir vissu af þessu í bænum. Dagurinn var að mestu áfallalaus en eitt módel varð fyrir smá skakkaföllum en verður þó væntanleg flugklárt í ekkert alltof fjarlægri framtíð!
Um kvöldið var svo skundað inn á Patró, skipt um föt, og svo farið í grillveisluna sem þeir heimamenn buðu gestunum í. Fjarðarlax(eitt af dótturfyrirtækjum Fjarðarmálunnar eins og Fjarðarál) buðu upp á þennan líka fína lax en einnig var stórgott svínakjöt og meðlæti á boðstólum. Karið góða var auðvitað á sínum stað! Svo var smalað út í hefðbundna hópmyndatöku en að því loknu var nýjasta aðstaða Módelsmiðju Vestfjarða skoðuð. Eftir mikið skraf og bollaleggingar um fyrrverandi, núverandi og tilvonandi framtíðarverkefni skunduðu nokkuð margir niður í Sjóræningjahúsið til að stunda skemmtanalíf með Patreksfirðingum en aðrir fóru að hitta sængurfötin sín. Stofnfundur Bleiku Fiðrildanna var haldinn um kvöldið í Sjóræningjahúsinu og stefna þær á að verða fleygar á 2013 flugkomunni!
Sunnudagurinn brosti sínu blíðasta og var talsvert heitari heldur en laugardagurinn. Þeir allra hörðustu fóru út á völl til að ná nokkrum flugum fyrir heimferðina. En allt gaman klárast að lokum og síðustu menn voru búnir að pakka og lagðir af stað upp úr kaffinu. Þar með lauk Patró International 2012 en nokkrir módelmenn skelltu sér svo í loftið á Brjánslæk á meðan beðið var eftir Baldri.