Síða 1 af 1

Re: Axel Sölvason er látinn

Póstað: 20. Okt. 2019 11:29:30
eftir Agust
Axel Sölvason lést á Hrafnistu í Reykjavík 15. október. Hann var á 88. aldursári.

Axel var virkur í módelfugi á árum áður og heiðursfélagi í Þyt. Hann lagði drjúga hönd á plóginnn þegar Hamranesflugvöllur var lagður og flugstöðin reist.

Auk þess að vera í módelflugi var Axel með einkaflugmannspróf og auk þess radíóamatör með kallmerkið TF3AX.

Jarðarförin fer fram í Lindakirkju í Kópavogi 30. október kl. 11 árdegis.

Um leið og við minnumst Axels með þökkum og virðingu færum við fjölskyldu hans innilegustu samúðarkveðjur.

Re: Axel Sölvason er látinn

Póstað: 20. Okt. 2019 14:29:33
eftir stebbisam
Tek undir þín orð Ágúst og blessuð sé minning hans.

Góðar minningar um Axel, við sigldum skútu saman frá Englandi og settum upp endurvarpa bæði hér á Skálafelli og út á landi fyrir Almannavarnir.
Ekki nóg með að vera góður félagi, hann var meistara skytta, dómari við ólympiuleika, rafvirki og þúsund þjala smiður. Allt lék í höndunum á honum.

Mynd

Mynd

Mynd tekin á Ísafjarðarflugvelli, af okkur Axel með Kristni Daníelssyni TF3KD og til vinstri er Grímur Jónsson flugumferðarstjóri.
Hundurinn og flugvélin TF-ESS Cessna 310 eru líka á myndinni.

Mynd