Taylorcraft Auster 5A, TF-LBP

[Sverrir]

Skotgengur, stefnir í tvö frumflug með hækkandi sól og lækkandi snjó!

[Gaui]

TF-LBP -- dagur 26

Dúllaði mér við hægri vænginn í dag. Það er hellingur eftir.

20250109_114026.jpg (146.08 KiB) Skoðað 677 sinnum

[Gaui]

TF-LBP -- dagur 27

Enn fiktað við hægri væng. Hér er hægra hallastýri í límingu.

20250111_112447.jpg (143.4 KiB) Skoðað 677 sinnum

[Gaui]

TF-LBP -- dagur 28

Hægri vængurinn þokast áfram. Hér er bakkinn fyrir flapsa servóið kominn á sinn stað, kross stífurnar, og ræmurnar á aðal rifin. Smárifin á milli verða gerð á morgun og þá er hægt að snúa vængnum við og klára hann að neðan.

20250115_113704.jpg (143.6 KiB) Skoðað 598 sinnum

[Gaui]

TF-LBP -- dagur 29

Allt komið á neðra borði hægri vængs nema rifjaræmurnar. Þær fara á á morgun. Lengst til vinstri má sjá mótorfestingar sem ég bjó til og notaði tækifærið að þekja þær með epoxy kvoðu þegar ég festi kolfíber borðana niður á bitana.

20250116_113726.jpg (145.33 KiB) Skoðað 572 sinnum

[Gaui]

TF-LBP -- dagur 30

Þetta er alveg að koma. Nú þarf ég bara að pússa vænginn og rúnna frambrúnirnar á báðum.

20250117_121132.jpg (140.93 KiB) Skoðað 522 sinnum

[Gaui]

TF-LBP -- dagur 30

Það tók góðan tíma að setja festingar í vængina fyrir vængstífurnar. Teikningin sýnir eina festingu, en ég setti tvær, báðum megin við bitana. Svo ætla ég að noa M3 kúlutengi til að festa stífurnar. Þá get ég lagt stífurnar undir vængina þegar ég tek þær af.

20250121_110348.jpg (139.27 KiB) Skoðað 397 sinnum

Ég rúnnaði frambrúnina á hægri vængnum. Hann er núna nánast tilbúinn. Næst þarf eg að kíkja á flapsana.

20250121_120736.jpg (140.53 KiB) Skoðað 397 sinnum

[Gaui]

TF-LBP -- dagur 31

Það tekur langan tíma að búa til flapsana, vegna þess að það eru svo margir hlutir í þeim, og nánast alla þarf að tálga og skera til í höndum. Svo er þetta allt límt með epoxý lími og það tekur tíma að harðna.

Hér sjást flestir hlutis sem þarf: 1,5mm krossviður, lamir, stýrishorn og tvö endarif sem þarf að saga úr prentrásaefni. Á myndina vantar 6mm kolfíber rör.

20250124_115112.jpg (146.16 KiB) Skoðað 366 sinnum

Hér er búið að raða þessu öllu saman. Þessi er fyrir hægri vænginn. Nú þarf bara að gera hinn flapsann. Fyrirmyndina að þessum flöpsum fékk ég hjá Danny Fenton.

20250124_115146.jpg (146.13 KiB) Skoðað 366 sinnum

[Gaui]

TF-LBP -- dagur 32

Ég setti vinstri flapann saman.

20250127_102000.jpg (134.85 KiB) Skoðað 325 sinnum

Og notaði epoxy og örperlur (microballoons) til að fylla upp að framan.

20250127_121003.jpg (144.31 KiB) Skoðað 325 sinnum

Ég festi hallastýris servóin á bakkana og skrúfaði þá í vængina.

20250127_110702.jpg (145.15 KiB) Skoðað 325 sinnum

Ég bjó til stangirnar fyrir flapsana. Ég lóðaði innri gaffalinn fastan, því ég kem ekki til með að hafa aðgang að honum.

20250127_115115.jpg (140.43 KiB) Skoðað 325 sinnum

[Gaui]

TF-LBP -- dagur 33

Ég setti stýrishorn á hallastýrin og bjó til stýrisstöng frá servóinu. Það vantar stopprær á stöngina og svo væri ekki heimskulegt að nota gengjulím.

20250128_103348.jpg (143.58 KiB) Skoðað 253 sinnum

Svo fittað ég vinstri flapann á vænginn. Þetta er allt að koma. Ég þarf að fara að íhuga klæðninguna.

20250128_112650.jpg (135.97 KiB) Skoðað 253 sinnum