Taylorcraft Auster 5A, TF-LBP

[Gaui]

Takk, Jón. Ég er búinn að vera með kvef (flensu) síðustu rúma viku, en nú er heilsan að lagast og ég fer á verkstæðið á hverjum degi.

[Gaui]

TF-LBP -- dagur 73

Það eina sem ég gerði í dag var að snikka til neðri hluta hægri stífuparsins og bora það fyrir átta 2 mm boltum sem verða festir í þegar glerfíberinn er kominn á. Ég límdi líka krossviðinn á hitt stífuparið.

20250409_115311.jpg (141.33 KiB) Skoðað 325 sinnum

[Gaui]

TF-LBP -- dagur 74

Ég fór í Víkurkaup í morgun og keypti grænan lit sem passar undir flapsana (og hugsanlega á fleiri stöðum) og dundaði svo við að mála þá. Það eina sem maður þarf að passa sig á er að dýfa ekki penslinum í kaffið ( ).

20250410_094408.jpg (136.12 KiB) Skoðað 224 sinnum

Þegar TF-LBP var keypt frá Englandi var kúptur gluggi fyrir myndavél á vinstri hliðinni. Hann var tekinn af áður en vélin var send til íslands, en bótin í gatinu sást vel.

20250410_112704.jpg (136.71 KiB) Skoðað 224 sinnum

Búinn að undirbúa glerfíberinn á stífurnar með því að klippa niður ræmur af fíber, sem ég ætla svo að líma niður með epoxý kvoðu á morgun.

20250410_114249.jpg (135.54 KiB) Skoðað 224 sinnum

[Gaui]

TF-LBP -- dagur 75

Búinn að setja glerfíber öðrum megin á vængstífurnar. Hinum megin á morgun.

20250411_095742.jpg (141.8 KiB) Skoðað 206 sinnum

Á meðan epoxýið harðnaði dúllaði ég við að setja undirstöður undir aftursætin og búa til sætið fyrir aftan flugstjórann. Það er ekki bekkur, eins og venjulega, vegna þess að börurnar fyrir sjúklinginn þurfa að komast fyrir vinstra megin í flugklefanum.

20250411_120301.jpg (141.75 KiB) Skoðað 206 sinnum

[Gaui]

TF-LBP -- dagur 76

Ég bjó til sessur í sætin.

20250412_121900.jpg (142.81 KiB) Skoðað 174 sinnum

Svo málaði ég sessurnar svartar. Ég þarf líklega að mála aðra umferð.

20250414_115644.jpg (142.85 KiB) Skoðað 174 sinnum

Ég penslaði lokaumferð af epoxy kvoðu á stífurnar.

20250414_094756.jpg (136.13 KiB) Skoðað 174 sinnum

[Gaui]

TF-LBP -- dagur 77

Nokkur smáverk. Þessi smíði er það langt komin að það eru nánast bara eftir smáverk. Þau vilja samt verða tímafrek.

Balsa innfylling í hjólastellið. Þetta verður svo klætt með Oratexi.

20250415_114319.jpg (142.95 KiB) Skoðað 150 sinnum

Lok fyrir aftan aftursætið. Þetta er gert úr pappa og ég var að reya að láta þetta líta út eins og segldúkur

20250415_114330.jpg (141.03 KiB) Skoðað 150 sinnum

Sessurnar límdar á sætin.

20250415_114920.jpg (142.41 KiB) Skoðað 150 sinnum

[Gaui]

TF-LBP -- dagur 78

Það er heilmikið verk að pússa niður grunninn á stífunum. Svo setti ég M2 skrúfur í festinguna neðan á stífunni.

20250416_121003.jpg (137.62 KiB) Skoðað 131 sinni

Ég setti Oratex á hjólastellið, grunnaði það, pússaði með P400 pappír og sprautaði með silfurmálningu.

20250416_121134.jpg (136.3 KiB) Skoðað 131 sinni

[Gaui]

TF-LBP -- dagur 79

Ég pússaði grunninn af seinna stífuparinu og setti svo fylliefni í holur og göt. Svo pússaði ég niður grunninn sem lak til og bjó til dropa. Það var miklu meiri vinna en ég hélt það yrði.

20250417_110421.jpg (143.3 KiB) Skoðað 93 sinnum

Svo klippti ég lengjur af rennilás, sem ætlaður er á dúkkuföt og límdi sitt hvoru megin við stélið, V vinstra megin og ...

20250417_112112.jpg (137.58 KiB) Skoðað 93 sinnum

... L á hvolfi á hægri hlðina.

20250417_113423.jpg (141.4 KiB) Skoðað 93 sinnum

[Gaui]

TF-LBP -- dagur 80

Stífurnar eru tilbúnar: pússaðar, grunnaðar og sprautaðar með silfurmálningu. Ég maskaði innan í flapsahólfið og sprautaði svo silfurmálningu á vængina.

20250418_104827.jpg (140.15 KiB) Skoðað 56 sinnum

Silfurmálningin komin a skrokkinn.

20250418_113122.jpg (144.17 KiB) Skoðað 56 sinnum

Ég skar til álplötu undir skrokkinn að framan og bjó svo til hnoð á hana. Aðferðin er að gera hnoðið með stálvír og jafna það svo með kopar röri. Þessa aðferð fékk ég hjá Danny Fenton í Englandi, miklum meistara, sem sýnir þetta á YouTube.

20250418_120250.jpg (142.75 KiB) Skoðað 56 sinnum

[Gaui]

TF-LBP -- dagur 81

Ég setti hurðina á hægri hliðina. Ég fékk agnarsmáar lamir hjá Mikka Ref og tróð þeim undir skinnið á hurðinni og tók svo úr hurðarpóstinum svo að þær gætu sokkið aðeins í hann. Álræman við hliðina á hurðinni er tilraun. Það er þykkari ræma fyrir framan hurðina, en ég gerði þetta úr of þunnu áli. Svo er hún of stutt, því hún nær alla leið niður að hjólastellinu.

20250419_100802.jpg (138.9 KiB) Skoðað 22 sinnum

Ég útbjó álplötuna á hægri hliðina fyrir framan hurðina og límdi hana á með snertilími.

20250419_112732.jpg (133.15 KiB) Skoðað 22 sinnum

Og hér sést hvernig lamirnar passa undir plötuna. Það verður auðvelt að skrúfa lamirnar fastar, bæði í hurðina og póstinn.

20250419_112903.jpg (141.7 KiB) Skoðað 22 sinnum