Flugmódelspjallið - flugmodel.net

Það er dálítið síðan ég sá þessaflugvél í skýli í Mosó, þá half smíðaða. Nú er hún komin í loftið og flýfur, skilst mér, óaðfinnanlega. Þá var að framkvæma þá hugmynd sem ég fékk þegar ég sá hana fyrst, gera módel af henni. Þar sem flugvélin sjálf er ekki með vænghaf nema upp á tæpa sex metra (5.94 samkvæmt Wikipedia), þá er eiginlega grá upplagt að hafa það í skalanum 1/3, eða hvað.
Ég náði mér í teikningu eftir Matt Mrdeza og Darrel Stebbins, sem áður byrtist í RC Modeler Magazine. Þessi teikning er, svona, nokkurnvegin í skala (en þó ekki) og ætti að vera ferkar auðveld í smíðum (en samt ekki). Eftir að hafa skoðað teikninguna lengi og lesið leiðbeiningarnar vandlega (ég skammast mín ekkert fyrir það -- ég bara er svona) þá hófst ég hand við að efna niður í módelið. Það eru óvenjulega fáir hlutir í þessu módeli, og það er nokkuð auðvelt að saga þá út.

Svo þegar ég ætlaði að raða þeim saman komst ég að því að það eru nánast engar beinar línur eða rétt horn í öllu módelinu. Ég fann að tank-gólfið og eldveggurinn mynda rétt horn, svo ég ákvað að byrja þar. Leiðbeiningarnar segja manni bara að líma krossviðargrindina saman, en það er meira en það. Ég notaði stóra og þunga stálkubba til að staðsetja tank-gólfið og límdi þetta saman með 30 mín. epoxý lími. Svo þurfti ég að bíða, því það má ekki halda áfram fyrr en þetta er hart. Svo komu hliðarnar (eða innri hliðarnar). Þær eru úr krossviði og þær sveigjast í boga utan um eldvegginn (manstu -- engar beinar línur) og standa á ská upp frá honum. Nú er eins gott að hafa fullt af þvíngum við höndina, því þetta þarf að sitja svona þar til epoxýið harðnar. Höldum á seinna.

Ég er ekki hissa á að þú hafir fallið fyrir þessari.

Ég er enn að líma krossvið með eppoxý lími. Það er í raun bara hægt að taka eina límingu í einu, svo þarf maður að bíða eftir að hún harðni og þá er hægt að athuga næstu. Hér er aftara tank gólfið að festast í. á milli gólfanna er svo rif, sem sést illa á þessari mynd. Þarna er öll restin að límast. Ég tók þetta í tveim eða þrem hollum, enda þarf að þvinga og klemma allt saman svo það sitji rétt. Og hér er svo fram-grindin komin og bíður bara eftir balsa hliðunum. Ég þarf að fá mér fullt af 2,5mm balsa til að halda áfram með þetta módel. Framhluti skrokksins séður neðan frá. Þetta er alveg massíf samsetning af krossviði, en á móti geri ég ráð fyrir að mótorinn fari ekki neitt á flakk.

Gaui! er ekki gott að vera með margar í takinu? Ég er nefnilega kominn með hausverk yfir RV-4 og á hérna annað kitt (Harvard Texan frá Brian Taylor) Heldurðu að hausinn komist ekki í lag ef ég sný mér að honum?

Því fleiri flugvélar í smíði, því betra.

Er ekki formúlan fyrir flugmódelsmíð N+4?
N = ný flugvél
+4 = Fjórar aðrar í takinu

X = N+2²