Fokker D.VIII

Sýnið hvað þið eruð að smíða eða setja saman
Svara
Passamynd
Gaui
Póstar: 3631
Skráður: 28. Nóv. 2004 18:30:14
Staðsetning: Eyjafjörður

Re: Fokker D.VIII

Póstur eftir Gaui »

Það var gaman hjá okkur Mumma á fimmtudaginn. Mummi byrjaði auðvitað á því að líma seinni hliðina ofan á hina og síðan búa til kubbana sem halda hjólastellinu og vængstífunum:

Mynd

En Árni átti í vandræðum. Hann er að klæða hallastýrin á Stikkinum sínum og það er smá möndl vegna þess ahvernig þau eru skorin. Hann var ekki ánægður (einhver hafði orð á því að hann líktist nýja formanninum í Framsókn á þessari mynd):

Mynd

Mummi og Gaui ákváðu að gera nýja gerð af stéldragi: þ.e. ekki hafa það alveg í skala með teygju, heldur svindla soldið og gera það úr píanóvír. Hér erum við að beygja vírinn:

Mynd

Næsta verk var að sauma vírinn á krossviðarplötu með smá koparvír:

Mynd

og húða allt saman með Hysol:

Mynd

Þá lítur dragið svona út. Það næsta sem gerist er að líma 3mm krossvið aftan á vírinn svo þetta hafi rétta prófílinn og síðan setja 1mm krossvið á báðar hliðar.

Mynd
Ég er svona það sem kallað er Trendsetter, það bara tekur enginn eftir því.

Bara átta kveðjur
Guðjón Ólafsson - Eyjafirði
Passamynd
Gaui
Póstar: 3631
Skráður: 28. Nóv. 2004 18:30:14
Staðsetning: Eyjafjörður

Re: Fokker D.VIII

Póstur eftir Gaui »

Jæja, enn einn dagurinn í Fokkersmíði. Það má benda á að háin er örlítið farin að hýrna á Árna, enda gengur betur að klæða hallastýrin. Líklega bara vegna þess að hann var búinn að gleyma að hann átti eftir að gera hæðarstýrið líka ;)

Mynd

Mummi lagði Fokkerskrokkinn á bakið og byrjaði að taka hann saman að aftan til að fá dæmigert flugvélarlag. Það fyrsta sem hann gerði var að setja hjólastellsfestingar úr „kanadískri“ eik á sinn stað:

Mynd

Síðan voru allar þverstífur settar á sinn stað og límdar og aftasti endinn þvingaður saman:

Mynd

Til að fá smá stífleika í skrokkinn setti Mummi síðan skástífur í öll bil. Takið eftir sparisvipnum sem kemur upp þegar hann veit að verið er að taka mynd:

Mynd
Ég er svona það sem kallað er Trendsetter, það bara tekur enginn eftir því.

Bara átta kveðjur
Guðjón Ólafsson - Eyjafirði
Passamynd
Gaui
Póstar: 3631
Skráður: 28. Nóv. 2004 18:30:14
Staðsetning: Eyjafjörður

Re: Fokker D.VIII

Póstur eftir Gaui »

Það skotgengur hjá Mumma. Skrokkurinn er að skríða saman. Þegar hann lyfti honum upp af borðinu prófuðum við að setja stélfjaðrirnar á. Þetta hefur klassískt Fokker útlit:

Mynd

Árna datt í hug að það væri hægt að fara flýtileið og nota tilbúið stell til að spara tíma. Eftir að hafa skoðað það var lausnin púuð niður.

Mynd

Mummi er búinn að setja saman tvær Spandau byssur og við þurftum auðvitað að bera þær við:

Mynd

Næsta mál á dagskrá var að setja hrygginn á módelið ...

Mynd

... og síðan kinnarnar ...

Mynd

... og það er farið að koma lag á skrokkinn. Nú vantar bara balsaklæðninguna -- hún kemur næst.
Ég er svona það sem kallað er Trendsetter, það bara tekur enginn eftir því.

Bara átta kveðjur
Guðjón Ólafsson - Eyjafirði
Passamynd
jons
Póstar: 185
Skráður: 1. Sep. 2008 18:08:41

Re: Fokker D.VIII

Póstur eftir jons »

Örstutt (og þó) um það hvernig byssurnar voru smíðaðar og ég vona að menn afsaki útúrdúrinn. Þetta hérna var um það bil lokatakmarkið (þær virðast hafa verið til í ýmsum útgáfum, bæði hvað varðar parta og liti; þessi mynd er tekin héðan):
Mynd

Ég notaði efni sem til féll - eyrnapinna, grillpinna, tannstöngla, balsaafganga, rafmagnsrör o.fl. Ekkert var sérstaklega keypt fyrir smíðarnar, en ég naut reyndar afar góðs af því að geta stolist í afgangahrúgur og gamlar föndur-plastplötur á Grísará :)

Ég byrjaði á skotunum. Grillpinnar voru sagaðir í rétta lengd, smellt í dremelinn og endarnir rúnnaðir og rispaðir:
Mynd

Svo var bara eftir að mála skotin:
Mynd

Síðan hófst samsetning á byssunum sjálfum. Ég byrjaði á smápörtunum:
Mynd

Alltaf tvöfalt af öllu:
Mynd

Svo mótaði ég byssurnar úr balsa. Prikin niður úr byssunni, sem ég held þarna í, eru gerð úr innfelldum krossvið og ég ætla í að festa við flugvélina. Mögulega þarf eitthvað að modda þetta meira - setja aðra festingu í hlaupið eða eitthvað, til að gera þetta traustara svona þegar í loftið er komið:
Mynd

Klæddi svo byssurnar með þunnum krossvið:
Mynd

Límdi smádraslið á og spreyjaði svo kvikindin með möttum svörtum lit:
Mynd

Sem ég veðraði svo síðar upp, bæði með mjúkum blýanti og silfurmálningu. Hérna sést munurinn á þessari nær okkur sem búið er að veðra og svo hinni sem er enn bara spreyjuð:
Mynd

Hlaupin og jakkarnir utan um það eiga að vera götótt (sbr. efstu myndina), en ég fann enga mannsæmandi leið til að gera það, þannig að ég gerði tilraun með að mála götin bara á. Ég byrjaði á að spreyja rafmagnsrör svört og lita þau svo með blýanti og mála með silfurlit alls staðar þar sem ekki áttu að vera göt:
Mynd

Ýmis smáatriði vantaði upp á hlaupið. Miðin eru gerð úr plasthringjum og rafmagnsvír:
Mynd

Og hlaupendarnir eru svo renndir með dremel og sandpappír:
Mynd

Eftir að þessi smáatriði og fleiri voru búin til voru þau máluð og límd á hlaupin, og þau svo límd á byssurnar:
Mynd

Þessu er vitaskuld ekki alveg lokið. Ég á eftir að búa til skotfærabelti úr skotunum og svo eru þessar fínu álrennur sem beltin renna í upp að byssunum.

Svo er ég ekki alveg 100% ánægður með þessa hlaup-jakka. Þeir eiga náttúrulega að vera alsettir götum. Ef ég finn einhverja góða leið til að gera jöfn, ílöng göt í tugatali á einhverskonar rör (plast, ál, kopar, ..), þá tæti ég etv. byssurnar sundur og set nýja framenda á byssurnar. Þangað til er amk smíðinni á þeim lokið.

kv Mummi.
Jón Stefánsson
Passamynd
Sverrir
Site Admin
Póstar: 11420
Skráður: 17. Apr. 2004 03:33:31

Re: Fokker D.VIII

Póstur eftir Sverrir »

Listaverk! :cool:
Icelandic Volcano Yeti
Passamynd
Árni H
Póstar: 1585
Skráður: 7. Okt. 2004 10:54:00

Re: Fokker D.VIII

Póstur eftir Árni H »

Sannarlega listaverk og virðist ótrúlega lítið mál þegar rennt er yfir ferlið með svona myndröð!
Passamynd
Messarinn
Póstar: 936
Skráður: 1. Apr. 2005 12:44:30

Re: Fokker D.VIII

Póstur eftir Messarinn »

Alger snilld Mummi
enn sjást skotin eitthhvað? .Renna þau ekki bara í ál profílum eða hvað
Svona er uppsettningin í Albatros
Mynd
Kv Gummi
Guðmundur Haraldsson Flugmódelfélag Akureyrar

A RAF engineering officers joke: Whats the difference between a fighter pilot and his aircraft? The plane stops whining when you shut down the engines.
Passamynd
jons
Póstar: 185
Skráður: 1. Sep. 2008 18:08:41

Re: Fokker D.VIII

Póstur eftir jons »

Takk fyrir þetta. Jú, eftir því sem ég best fæ vitað þá sjást skotin í Fokkerunum. Þau renna upp í opinni rennu í belti og patrónurnar skjótast svo út í röri undir byssunni. Rennurnar sem sjást þarna á myndinni hjá þér Gummi er útgangsmegin á byssunni.

Hérna sjást rennurnar (og skotin):
Mynd

Og hérna líka:
Mynd

Patrónurörin sjást vel á myndinni sem Gummi póstaði (svört, koma fram undir hlaupinu).

En ég er fjarri því að vera expert í þessu. Fjarri því. Ég gæti ákaflega auðveldlega haft rangt fyrir mér :)
Jón Stefánsson
Passamynd
Messarinn
Póstar: 936
Skráður: 1. Apr. 2005 12:44:30

Re: Fokker D.VIII

Póstur eftir Messarinn »

Tómu skothylkin runnu niður svörtu rörin sem náðu niður úr flugvélinni, eins og þú ert að tala um, en beltin sem skotin voru í runnu niður í kassann vinstramegin og voru notuð aftur.Á gömlum svart hvítum myndum má sjá að Prófíllinn sem skotin runnu í var oftast opin rétt við inntakið á byssunum, menn tóku yfirleitt lokið af. Stundum er það á og stundum ekki?.
Mynd
Guðmundur Haraldsson Flugmódelfélag Akureyrar

A RAF engineering officers joke: Whats the difference between a fighter pilot and his aircraft? The plane stops whining when you shut down the engines.
Passamynd
Gaui
Póstar: 3631
Skráður: 28. Nóv. 2004 18:30:14
Staðsetning: Eyjafjörður

Re: Fokker D.VIII

Póstur eftir Gaui »

Félagarnir kíktu til mín í morgun og Mummi snikkaði skrokkinn aðeins til fyrir balsaklæðninguna. Hér er hann með skrokkinn, ánægður á svipinn.

Mynd

Það sem þurfti að gera var að líma niður ræmur af balsa til að rétta af hrygginn svo klæðningin væri bein ásamt því að rúnna langböndin. Rúnningin var ekki erfið nema þar sem (kanadíska) eikin var. Þar þurfti að nota stórvirkar vinnuvélar:

Mynd

Þessi Black & Decker vél framleiðir rosa mikið af sagi á stuttum tíma, sérstaklega þegar maður leggur hana á rangan stað. Þar að auki frmleiðir hún ROSALEGAN hávaða. Árni, sem sat útí horni og klæddi hæðarstýrið sitt bað um heyrnarhlífar, en því miður hefur hann lært að nota svoleiðis af Hafnfirðingi -- held ég -- eða er þessi öryggisbúnaður notaður svona í Mývatnssveit?

Mynd
Ég er svona það sem kallað er Trendsetter, það bara tekur enginn eftir því.

Bara átta kveðjur
Guðjón Ólafsson - Eyjafirði
Svara