Ercoupe TF-EHA

[Gaui]

Einfaldara og mikið minna. Vænghafið er 2,03 metrar (80 tommur) og bara einn vængur. Smíðin gengur mikið hraðar en ég gerði ráð fyrir.

Ég ætla að reyna að búa til flott flugklefa, sæti, mælaborð og svo framvegis og setja öll hnoð og plötubrúnir utaná: dáltið mikið skala, svona!

[Guðjón]

ÚÚú.... Þetta verður ekta.

[Gaui]

Servóbakkinn er órjúfanlegur hluti af byggingu skrokksins, ekki seinni tíma viðbót eins og oft vill verða. Þess vegna þarf að setja hann saman og líma hann í núna. Því miður hef ég ekki ennþá servóin sem ég ætla að nota, svo þau verða að koma í seinna..



Sípan límdi ég á afganginn af langböndunum á skrokknum:




Nú hoppaði ég dálítið áfram í leiðbeiningunum og byrjaði á stélfletinum. Hann er smíðaður á teikningunni og byrjað á því að nota rif 1, 4 og 6 ásamt frambrún og afturbrún til að fá rétta lögun:




Síðan setur maður hin rifin, efri bitana og krossviðarmiðju fyrir stýribúnaðinn fyrir hliðarstýrin:



Þegar þetta hafði fengið heila nótt til að harðna tók ég grindina upp af teikningunni og límdi á neðri bitana og meiri krossviðarbúta í miðjuna:



Nú stendur í leiðbeiningunum að maður skuli líma 1,5mm balsaklæðningu á neðra borð stélsins, hvað ég og gerði, en uppgötvaði síðan að ég hefði átt að lesa áfram. Ég bjó bara til eitt skinn úr balsa sem ég síðan límdi á., en samkvæmt leiðbeiningunum hefði ég átt að setja einn bút frá afturbrún að bita með trefjar samsíða afturbrún og síðan tvo aðra með trefjarnar samsíða frambrúninni frá bita að frambrún. Ég lofa að gera það fyrir efri borðið.

[Árni H]

Sch***** - maður skyldi ætla að þú stefndir á testflug um helgina miðað við þennan hraða

[Messarinn]

Ég er búinn að missa töluna á öllum þessum fjölda flugvéla sem renna út á færibandinu hjá þér Gaui.
sukket

[Gaui]

Ég límdi saman hæðarstýrið á 1,5mm balsa skinnið eins og sýnt er á teikningunni.



Þá fór ég að hugsa um lamirnar og ákvað að það væri sniðug hugmynd að gera raufar fyrir þær áður en efra skinnið er límt á:



Hliðarstýrin eiga að vera úr 6mm balsa, en mig langaði til að fá sauminn sem er svo áberandi aftan á þeim að ég límdi þau saman út 0,8mm krossviði og 3mm balsa. Svo langaði mig til að lamirnar væru á réttum stöðum og eins og á fyrirmyndinni, svo ég skar sæti fyrir þær í stýrin. Þegar ég set þær í, þá lími ég þær niður og set fylliefni yfir þær áður en ég set glerfíber á.



Meira síðar.

[Guðjón]

vá það standa eldtungurnar út úr ermunum þínum (you're on fire)

[Jónas J]

Aðeins of mikið koffín kannski ? Nei nei en það vantar ekki kraftinn í kallinn !!!

[Messarinn]

Of mikil ostur kannski?? hehe

[Guðjón]

Er allt kaffið búið þarna fyrir norðan