Í Slippnum

[Árni H]

[quote=einarak][quote=Árni H]Smíðakvöldin í Slippnum ganga vel

Og... og... eru þetta kínverskir rafmagnsvírar, sem hafa haldið innreið sína Norðanlands?
https://frettavefur.net/Forum/uploadpic ... 8094_3.jpg

Kv,
Árni H[/quote]

Ég veðja á að Gaui sé kominn í kínarafmagnið eftir að hann fekk að taka í frauð í Reykjaneshöllinni! [/quote]

Nei - ekki er það svo - það voru aðrir sem laumuðust í rafmagnið í skjóli myrkurs og stórhríðar...

[Gaui]

Það var smá sull í Slippnum í dag. Árni var að sýna Mumma hvernig á að klæða frauðplast væng með maskínupappír. Hér er smá myndaröð af þessu ferli:

Árni gerir klárt fyrir Mumma


Mummi klippir niður ræmur af maskínupappír -- eitthvað er hann efins


Það þarf að blanda trélím í vatni. Hlutfallið er annað hvort 1:1, fiftí-fiftí eða til helminga -- ég fékk það aldrei almennilega á hreint.


Mummi ákvað nú samt að bragða þá þessu til að vera viss


Og svo var þessari vatns/lím blöndu penslað á vænginn


Maskínupappírinn er bleyttur í gegn í volgu vatni


og lagður á vænginn


Það er um að gera að fá þetta eins hrukkufrítt og miðaldra karlmönnum er kleyft


Það þarf að losa loftbólur út og ýta pappírnum niður á allar brúnir. Sem betur fer er hann þægilegur í umgengni svona blautur -- eins og títt er líka um miðaldra karlmenn


Og þá er það hinn helmingurinn


Þetta má alveg skarast smávegis


Baldvin kom með þessa snjöllu rúllu -- hún ýtir loftbólum í burtu eins og ég veit ekki hvað


Svo er límblöndunni penslað á aftur


Árni þarf auðvitað að skipta sér af, enda þykist hann kunna til verka.


Þegar límblandan hefur fengið að sogast inn í pappírinn er megnið af henni skafið (varlega) af með ógildu Visakorti og vængurinn síðan látinn standa óhreyfður í nokkra tugi klukkutíma áður en þetta er framkvæmt á hinni hliðinni.


Nánari útlistun á smíði þessa vængs verður sett hér inn ef tilefni gefst.

[Björn G Leifsson]

Hmmm... nú er ég pínu hugsi. Pappír sem blotnar degur sig saman þegar hann þornar, þess vegna þarf maður alltaf að líma einhvern pappír á bakhliðina á plötu sem maður límir ljósmynd (blauta) á svo platan verpist ekki. Þetta vorum við oft að gera á ljósmyndastofunni hans pabba hér í fornöld.
Ef maður límir maskínupappír á eina hliðina á svona væng og lætur þorna, verpist hann ekkert? Hefði haldið að maður þyrfti að líma á báðar hliðar í einu?

[Gaui]

Samkvæmt sérfræðingnum, þá verpist hann alveg helling, en þegar maður setur hinum megin, þá sléttist hann til baka .

Segir hann !

Og hver er ég að rengja hann?

[Björn G Leifsson]

Ja, allavega var þetta ekki hægt að gera öðruvísi þegar við vorum að líma upp myndir. Kannski vissara að láta ekki þorna alveg áður en sett á hinum megin? Á eftir að prófa þetta sjálfur einhvern tíma. Ku vera algeng aðferð til að búa til "Combat" flugur úr frauðplasti og alklæða með pappír.

Með frauði skal flugvélar byggja, eins og þar stendur

Kveðjur norður

[Árni H]

Ég var líka mjög hugsi þegar ég gerði fyrsta vænginn en svo reyndist hann beinn eins og reglustika. Ég klæddi fyrst öðrum megin og síðan hinum megin daginn eftir og þá réttist úr honum. Annars má sjá allt um það fikt hérna: http://frettavefur.net/Forum/viewtopic.php?id=6539

[Björn G Leifsson]

Fátt slær út reynsluna

[jons]

Vængurinn er ekkert svo boginn þegar lóðin eru tekin ofan af honum. Það fyrsta sem maður gerir er að skera lausa pappírinn af brúnunum - og ekki má gleyma að vanda sig.



Þegar skurði er lokið verpist kvikindið eins og banani! Árni fullyrðir að þetta sé eðlilegt, við sjáum til þegar búið er að líma hina hliðina..



Frekari myndir fljótlega.

Mummi

[Árni H]

Hérna kemur stutt myndskeið af því þegar vængurinn var tekinn undan farginu eftir að hafa verið klæddur að neðan.



Stórskemmtileg aðferð sem ég mæli enn og aftur með!

Kv,
Árni H

[Gaui]

Þessi aðstoðarsmiður þarf að mæta á Grísará líka svo eitthvað gangi hjá þér!