Manfred á norðurland

[Gaui]

Jæja Gummi, nú getru þú slakað á: hér kemur framhaldið.

Manni er dálítið dökkur eins og er, svo nú er sullað smá Cadmium Yellow olíumálningu á hann og hún látin taka sig smá (í klukkutíma eða svo).



Þegar þessi sletta er aðeins búin að taka sig, þá er þurr pensill notaður til að dreyfa úr henni. Utkoman verður ljósari svæði sem eru hærra uppi en hin dekkri: skuggar í andlitinu. Ef Manni væri stærri, þá myndi ég gera þetta aftur með hvítum lit á hæstu hæði og hryggi, en mér sýnist að þetta sé nóg hér.



Næst er það skegg og drulla. Þessum mönnum óx grön, mörgum hverjum, og yfir þá þeyttist endalaus úði af olíu og sóti frá mótorunum sem voru fyrir framan þá, svo að það er ekki úr vegi að sýna svoleiðis. Svæðið í kringum augun var yfirleitt nokkuð hreint vegna þess að þeir voru alltaf með gleraugu, akkúrat til þess að fá ekki olíu og drullu í augun.

Svartri olíumálningu er sullað á kjamma og undir nefið. Nú er um að gera að sýna sjálfsstjórn og alls ekki setja of mikið.



Aftur er þurr pensill notaður til að dreyfa úr þessu.



Nú er komið að blóðinu. Rauður olíulitur er settur á kynnar og neðri vör. EKKI SETJA RAUTT Á EFRI VÖRINA!!! Það lítur bara út eins og hann sé með varalit.



Þessum rauða lit er síðan dreyft mjög vel með þurrum pensli.



Þá er andlitið að mestu búið og næst eru það augun.

[Gaui]

Augu á köllum eins og Manna eru vandaverk og hér er mjög auðvelt að klúðra því ágæta verki sem komið er með því að gera úr kallinum fulgahræðu með skjaldkirtilsjúkdóm.



Það eru líka nokkur óvænt skref sem við þurfum að taka til að fá góðan augnsvip á kallinn okkar.

Það fyrsta sem við gerum er að velja eða blanda góðan rauðbrúnan lit (og nú nota ég módelmálningu það sem eftir er og eingöngu matta) og mála alveg yfir augun ásamt augnahvörmunum fyrir neðan þau. Athugaðu að þetta þarf líka að dekka tárakirtlana næst nefinu. Þetta gefur okkur smá rauðan lit í bakgrunn og hvarmarnir verða ágætlega blóðhlaupnir.



Nú er settur smá svartur litur á augnalokin þar sem augnhárin eru hvað þéttust. Til að þetta verði ekki of mikið eins og þétt blýantsstrik, þá er gott að nota smá bréfþurrku til að létta á litnum smá.



Þá er komið að hvítunum í augunum og það má ALLS EKKI NOTA HVÍTT !!! Hvítur litur er allt of skær og það verður að slá aðeins á hann með svörtum. Þetta er, semsagt, mjög ljós grár litur.



Nú þarf vandlega að staðsetja augasteinana, sérstaklega ef augun eru mikið opin. Ef þeir eru ekki rétt staðsettir, þá lítur út fyrir að kallinn okkar sér alvarlega rangeygur. Ég nota hér lítinn tússpenna (0.9mm) til að setja punkta á hvíturnar þar sem mér sýnist að augasteinninn skuli vera.



Nú mála ég augasteininn svartan. Allan. Ekki bara steininn sjálfan, heldur lithimnuna líka.



Þá er komið að því að velja augnlit. Ég fékk mér fallega bláan lit, en það er hægt að hafa grænan og brúnan líka, eða jafnvel gráan. Þessi litur er málaður þannig að svarti grunnurinn hverfi ekki alveg, heldur sjáist örlítið rönd af honum sitt hvoru megin við. Þetta gefur auganu smá útlínur og gefur sterkari andstæðu á milli hvítunnar og augnlitsins. Það gefur augasteininum líka smá form og vídd.



Og þá er það augasteinninn sjálfur, glæri parturinn sem sýnist vera svartur. Hann er málaður með svartri málningu. Aðal mistökin hér er að gera hann of lítinn. Best er að láta þennan svarta blett ná á milli augnaloks og hvarma. Þá er öruggt að kallinn okkar líti ekki út eins og eiturlyfjasjúklingur sem er nýbúinn að fá fix.



Síðasta atriðið er að setja lítinn hvítan blett hægra eða vinstra megin við báða augasteina. Best er að nota tannstöngul eða hnífsodd til að gera þetta en ekki pensil. Þetta, aftur, gefur dýpt og lítur út eins og sólin (eða annar ljósgjafi) endurspeglist í augum sem eru máluð með mattri málningu.



Hérna er svo í lokin mynd af hausnum hans Manna eins og hann kemur til með að sjást, langt í burtu í dagsbirtu. Þá renna allir litir, blettir og annað saman í eina heild.



Næst: samsetning og innsetning.

[Messarinn]

Þetta er flott Gaui

[jons]

Feitur lækur á þetta, eins og sagt er á fésinu.

[Gaui]

Þá er komið að því að setja Manna saman, festa hann á plötu og stilla honum í flugvélina.



Til að hausinn festist almennilega við búkinn þá skrapaði ég innan úr bollanum og pússaði hálsinn vandlega til að límið geti brætt plast við plast. Malning á það til að koma í veg fyrir almennilega festingu.



Límið sem ég nota er auðvita módellím. Manni er gerður úr styrene plasti eins og hvert annað plastmódel og lím fyrir þau límir hann sérlega vel.



Ég notaði sæmilega mikið af lími, en þó ekki svo mikið að það sullaðist uppúr. Ég lét Manna líka horfa aðeins til vinstri. Ef hann er að horfa beint áfram, þá hverfur allt sem heitir "raunveruleiki", sem ég var að reyna að ná með málningunni.



Næst var að skrúfa Manna niður á krossviðarpall. Ég gerði hann svo að ég get spennt hann inn í skrokkinnn og náð honum út aftur til að komast að móttakaranum.



Og ég lét Manna líka snúa öxlunum aðeins til vinstri, svo það lítur út fyrir að hann sé að kíkja út úr flugvélinni.



Hér er Manni kominn á sinn stað í Fokker Dr1.



Ef einhver hefur áhuga, þá er meira bling á módelinu. Hér er mótorinn, búinn til úr plastmódeli sem fæst frá Williams Bræðrum.



Og hér eru tvær Spandau vélbyssur í vinnslu.



Verði ykkur að góðu.

[Guðjón Hauks]

Já ?? Glæsilegt

[Sverrir]

Manfred mun sóma sér vel með barónum á Grísará!