Eftir að hafa komið harkalega niður í Draugahlíðunum þá var ekki eftir neinu að bíða með að hefja viðgerð á Strega skrokknum eftir hnjaskið sem hún varð fyrir í Danmörku í vor.
Spelkurnar stóðu fyrir sínu í sumar.
Servóbakkinn kubbaðist í sundur í Draugahlíðunum, svo ég smíðaði innlegg í hann.
Eftir að hafa tyllt skrokknum saman með sýrulími þá vafði ég kolefnaþráðum í sárið og út frá því, það var límt á sinn stað og leyft að taka sig.
Síðan var glertrefjadúkur límdur yfir sárið og út á óbrotna hluta af skrokknum.
Hér sést betur hvernig glertrefjadúkurinn var lagður.
Svo var sparslað, grunnað og pússað þangað til undirlagði var orðið sæmilega gott(ekki lokamynd).
Svo koma að spennandi hlut í ferlinu, kolefna/trefjasokkur var settur yfir viðgerðina, bleyttur í epoxy og sérstakur húðaður herpihólkur settur yfir allt saman. Ég vanáætlaði aðeins hvað hann myndi dragast saman á lengdina og því sést sokkurinn kíkja undan hólknum við vængrótina.
Hér er búið að fjarlægja hólkinn, alls ekki slæmt og hefði mátt stoppa hér eftir aðra umferð af epoxy.
Önnur umferð af epoxy hefði kallað fram meiri glans en einnig fyllt upp í örsmáar holur eins og má sjá vinstra megin á myndinni.
Epoxy-ið komið á.
Svo var bara að pússa og grunna.
Og skella gula litnum sem ég átti til yfir allt saman, munar ekki miklu á milli þeirra.
Viðgerð á trefjaskrokk svifflugu
Re: Viðgerð á trefjaskrokk svifflugu
Icelandic Volcano Yeti
Re: Viðgerð á trefjaskrokk svifflugu
carbon sokkurinn er snilld, hvar verslaðiru þetta?
Re: Viðgerð á trefjaskrokk svifflugu
http://sollercomposites.com en ég hugsa að þær vefverslanir sem séu í þessum bransa séu flestar með eitthvað svipað.
Icelandic Volcano Yeti
- Flugvelapabbi
- Póstar: 589
- Skráður: 2. Des. 2008 16:53:06
Re: Viðgerð á trefjaskrokk svifflugu
Þetta er frabært ad sja,
eru þessir holkar til i ymsum viddum og þarf ad hita þessar mottur
kv
Einar Pall
eru þessir holkar til i ymsum viddum og þarf ad hita þessar mottur
kv
Einar Pall
Re: Viðgerð á trefjaskrokk svifflugu
Hólkarnir eru til frá 0.25" og upp í 10.1" hjá Soller, motturnar eru bara eins og hver annar trefjadúkur og þurfa bara sitt epoxy.
Icelandic Volcano Yeti