30% Tiger Moth

[Árni H]

Flott mælaborð!

[Valgeir]

flott módel Gaui og smáatriðin ótrúleg

[Gaui]

Smá framfarir með Tigerinn:

Rammarnir fyrir framrúðurnar komu til skornir úr 0,8mm krossviði og það eina sem ég þurfti að gera var að skera í þá til að hliðar-rúðurnar væru til hliðar. Síðan setti ég til beygt ál á hornin til að styrkja rammana og til að þeir dyttu ekki í sundur. Svo límdi ég þetta lauslega á skrokkinn:



Til að festa rammana almennilega, og fá einhvers-konar gluggafestingar niður á skrokkinn, þá límdi ég nokkur lög af límbandi þrjá millimetra frá römmunum.



Svo blandaði ég upp slummu af P38 og smurði á rammana og niður á skrokkinn:



Þegar ég var búinn að pússa þetta niður leit það svona út:



Ég fór í gær og sótti málninguna mína niður í Litaland. Þeir voru búnir að blanda fyrir mig fullt af málningu og sögðust vera búnir að skrá alla bresku litina, svo ef einhvern vantar málningu, þá er nóg að hringja í þá. Þetta virðist vera hellingur fyrir svona lítið módel:



Ég gat ekki beðið með að sletta smá málningu á módelið svo ég gróf upp gömlu góðu sprautukönnuna mína:



og sullaði tveim umferðum af gulu á stífurnar:



Ég held að ég þurfi að setja minnst fjórar umferðir af gulu til að fá almennilega þekju

[Árni H]

Það er eins og þú sért að fara að mála gjörvalla Grísará en ekki eitt flugmódel

[Messarinn]

Jáásææælll

sprautaðir þú ekki hvítan grunn fyrst manni?

kv

[Gaui]

Grunnurinn er Silfur. Mér datt í hug að setja hvítt fyrst, en þá hefði ég bara þurft eina umferð af hvítu og þrjár af gulu. Eins gott að setja bara fjórar af gulu.

[Guðjón]

mig er faið að klæja í augun að sjá þessa vél fullkláraða

[Gaui]

Þú ert ekki einn um það að klæja, en eins og allir vita, þá klæjar á öðrum stöðum hér fyrir norðan

[Gaui]

Guðjón
Það verður gaman þegar hún flýgur -- maður fær alveg extra spennuskot að sjá nýtt módel fara á loft. En ég held það verði hugsanlega ekki fyrr en í haust. Kannski á flugdaginn okkar, en ég lofa engu.

[Gaui]

[quote=Guðjón]geturu sett inn mynd ...hvert þú ert kominn og kannki gert pínu lista yfir það sem er eftir? [/quote]
Mynd kemur eftir helgina.

Það sem eftir er að gera:
- sprauta - ég er byrjaður á gula litnum og þar sem gulur þekur afskaplega illa (hefði kannski átt að klæða með gulu) þá þarf hann fjórar til sex umferðir. Það fer afskaplega lítið í hverri umferð, svo þetta verður ekki neitt hættulegt. Síðan koma tveir grænir litir og tveir brúnir.

- mála inaní og setja mælaborð á sinn stað

- sprauta með glæru ( kanski ?)

- kaupa flugmenn, mála þá og setja þá á sinn stað (kannski bara einn ?)

- kaupa hallastýrisservó og setja þau í

- líma öll stýri á

- búa til hljóðkút

- fá rafhlöður og setja í

- Jafnvægisstilla

Þetta er ekki tæmandi listi. Það er ótrúlegt hvað svona vill hlaðast upp.