Lengi getur vont versnað!!!!!!!!!

[benedikt]

Um hvað er þessi umræða ?

Sýnir kanski best hvernig hlutirnir gerast hér í þessu hobbíi, nokkur ár líða, en ekkert gerist, enda verður þetta helv erfitt í framkvæmd að ég held.

[Björn G Leifsson]

[quote=benedikt]Um hvað er þessi umræða?

Sýnir kanski best hvernig hlutirnir gerast hér í þessu hobbíi, nokkur ár líða, en ekkert gerist, enda verður þetta helv erfitt í framkvæmd að ég held.[/quote]
Ja... það er kannski einfaldast að lesa umræðuna Benni, þá ætti það ekki að vera erfitt að átta sig á því.

Vörum okkur nú á því að detta í gamla arg og þvarg gírinn sem sennilega var ástæðan fyrir því að vinirnir hans Sigga bakara afþökkuðu inngöngu í Þyt á sínum tíma.

[quote=PattRat]Varla hægt að tala um að hrekkja, þessi umræða á fullan rétt á sér og hvað varðar flug utan félaga þá er það bara staðreynd að það eru alltaf menn sem hafa áhuga á modelflugi en ekki nokkurn áhuga á að ganga í félag t.d. dæmis hafði Þytur ekki meira aðdráttarafl en það að enginn af mínum gömlu félugum úr sportinu hafði minnsta áhuga á að ganga í félagið, ekki einn ![/quote]

Ástæðan fyrir mínu æsandi innleggi um brennandi þotur og sinuelda var nú bara að atast svolítið í liðinu og espa upp umræðu sem ég vonaði að yrði til þess að örva menn til að hugsa almennt um öryggið þegar svona fljúgandi bombur eru annars vegar.

Menn verða að hafa vott af þolinmæði fyrir hver öðrum. Félagi Ingþór trampar á allnokkrar aumar tær hjá mér og það er allra þakka vert að hann sé að reka á eftir okkur fauskunum sem erum að reyna að vinna að varðveislu flugmódelsportsins. Takk Ingþór.
Það er langt á milli manna og tíminn fyrir félagsstarf er ekki alltaf á lausu. Gaui er búinn að vinna mest við það þrekvirki við samsetningu regluverks sem liggur nú faktískt hjá mér í yfirlestri. Ég skal reyna að komast í að klára það og þá ættum við að geta komið þessu til umsagnar nokkurra grandvarra og reyndra manna. Það er ekki gott að senda þetta út um allt án nokkurrar forvinnu í viðbót.
Þessi reglubók á örugglega ekki eftir að falla í dúnmjúka sæng hjá öllum félögum. Um hana verður án efa heilmikil rekistefna þegar hún verður kynnt og þá stendur upp á gagnrýnendur að koma með uppbyggilegar og rökstuddar tillögur til úrbóta.
Það verður að vera alveg kristaltært að þessar reglur verða fyrst og fremst leiðbeinandi. Það er reynt að forðast annað en nauðsynlegar og gagnlegar skorður. Ef einhver verður ósáttur við þessar reglur (sem er næsta öruggt) þegar þær verða kynntar þá er það versta sem hann gerir, að fara að argast og þvargast út í málið, sérstaklega opinberlega. Fyrst er að kynna sér bakgrunninn og ástæðurnar, ræða við okkur sem stöndum á bak við og koma svo með tillögu um betri útfærslu/lausn. Þó við Gaui séum gamlir fauskar og hálfvitlausir af GloFuel-eitrun þá erum við báðir meira en tilbúnir til að taka við uppbyggilegri gagnrýni og ræða skynsamlegar breytingar og framfarir.

Flugmódelsportið er hvarvetna í mismikilli vörn gegn meðal annars umhverfisvinum og útivistarfólki. Golfvellir, fótboltavellir og hestamennska og eru miklu meira spennandi og vinsælli hjá bæjarfélögunum. Hávaði frá flugvélum hefur víða orðið til þess að flugvöllum er meira og minna lokað.
Við erum í Þyt að vinna á bak við tjöldin við að reyna að tryggja framtíða aðstöðu fyrir félagið. Allt sem vekur neikvæða athygli getur skemmt mjög mikið fyrir okkur. Þess vegna meðal annars erum við að reyna að koma einhveru skikki á hlutina.

*****

Og til þess vonandi að binda enda núna á spurninguna um hversu heppilegt það sé að félagar (innskráðir) séu að fljúga (hverju sem er) á Miklatúni og svipuðum stöðum þá vil ég segja eftirfarandi:

Umræðan sem Gaui hóf er ekki ætluð til þess að banna eitt eða neitt heldur til þess að benda á hættu sem Gaui ekki hefur alveg skýrt nógu vel.
Ég ætla því að reyna.

Segjum sem svo að einhver (sem ekki er eins vanur og vel búinn mótorhjólagutti og félagi Ingþór ) verði fyrir því að í andlitið á honum flýgur flugmódel, lítið og létt... stórt og nett, skiptir ekki máli. Hann missir stjórn á hjólinu og keyrir á staur með skelfilegum afleiðingum.
Hóptrygging okkar gildir ekki innan þéttbýlis...punktur!! Ef þetta gerðist við Arnarvöll, Þytsvöll eða Melgerðismela svo dæmi séu tekin þá er um einfalt slys að ræða og tryggingar gilda. Það gerist þá við sérstakt athafnasvæði sem er til þess úthlutað og ekki meira um það. Afleiðingarnar yrðu auðvitað miklar en ekki eins alvarlegar eins og gæti orðið við þær aðstæður sem við nú erum að ræða.
Ef hins vegar það kæmi upp, að virkur félagi í flugmódelfélagi hafi valdið slíku slysi þá gildir ekki hans trygging (nema hann hafi tekið viðbótartryggingu sem tæki til slíks, en það er auðvitað hægt).
Mjög(!) líklegt er að viðkomandi tjónþoli lögsæki tjónvaldinn til ábyrgðar og reki þá málið á þeim grundvelli að viðkomandi hefði átt að vita betur því hann væri jú ekki bara hver sem er sem hefði keypt eitthvað flygildi í Toys'R-Us heldur eins konar kunnáttumaður í málinu. Mér þætti mjög líklegt að viðkomandi yrði dæmdur til þess að greiða miskabætur og málskostnað. Þá skiptir ekki máli hversu lítið og létt flygildið væri.
Málið mundi svo líka vekja mjög slæma athygli fyrir okkur og geta valdið óbætanlegu tjóni fyrir flugmódelsamfélagið.

Ef hinsvegar einhver "novice" (er "óviti" góð þýðing á því hugtaki?) hvort sem er barn eða fullorðinn með eitthvað amatördrasl úr dótabúð væri tjónvaldurinn þá væri hins vegar mjög ólíklegt að hann yrði dæmdur, sennilega yrði frekar reynt að lögsækja dótabúðina fyrir að vara ekki við.

Slíkt slys eins og ég ímynda mér hér, er mjög raunhæft en að sjálfsögðu ólíklegt. En það eru til margar fleiri hugsanlegar útgáfur og svo segir lögmálið um andstyggð örlaganna okkur að það ólíklega gerist líka stundum.

Ef einhver er ósammála mér þá endilega hringja því ég tek gjarnan umræðuna en við skulum ekki argast um þetta meira hér.
Málið var hafið til þess að vekja menn til umhugsunar og vonandi hefur það tekist.
Það eru til margir fleiri góðir staðir til að fljúga léttum (park-)flygildum annars staðar en rétt hjá þungri umferðaræð inni í bæ en auðvitað eigum við eftir öllum kostum að halda okkur við okkar flugvelli.

Góðar flugstundir þið fáu sem nenntuð að lesa alla leið hingað.

PS
og Ingþór.... við þurfum að hittast aftur í heita pottinum og ræða þetta með félagsaðild Vertu í bandi.

[Gummir]

Ég skil ekki alveg hvers vegna menn eru að ræða þetta. Ég er búinn að panta flugvélar, en ekki kominn með þær ennþá. Ég skil ekki hvers vegna menn vilja ekki nota þessa flottu aðstöður. Ég búinn að skrá mig í Þyt, þó vélarnar séu ekki komnar. Mér dettur ekki í hug annað en að hagnýta mér þá þekkingu og aðstöðu sem til er... Létt foam þota nær allt að 150 km hraða. Ég ímynda mér að það sé óþægilegt að fá svoleiðis í sig. Það dót sem ég pantaði hefur að vísu þann kost stærstan að geta flogið hægt mjög hægt.

[benedikt]

[quote]"Þess vegna verðum við að banna allt flug í almenningsgörðum"[/quote]
Við hverjir ?

nr.1 það eru ekki til landssamtök flugmódelmanna.

Ég flýg þyrlum utan valla, og það bannar mér það enginn (nema kanski einhver bóndi), þið getið rekið mig úr þyt, en það breytir því ekki að ég kýs oft svæði þar sem ég er laus við planka flugmenn.

Ég veit að það eru nokkrir smíðameistarar hér sem klæjar í punginn að sýna okkur hinum hversu góðir þeir eru og vilja hafa vit fyrir öðrum. En utan valla hafa þeir bara ekkert að segja. Svo talandi um að banna eitthvað er bara bull.

Svo er þetta svo lítill hópur, og framkvæmd á reglum sem þessum verður að mínu mati bara óraunhæf...

Spurning um að stofna hagsmunasamtök Flugmódelmanna sem beitir sér fyrir að koma elite-meðlimum inn í allar flugkomur, sýningar etc.. og passa að enginn skussi komi og verði sér og sportinu til skammar.. svona eins og SI/LIU ;P

og BTW, flestir sem hafa orðið sér til skammar fyrir öryggi, þrottle linkar lausir etc.. telja sig nú til elitu flugmódelssportssins hér á Íslandi, og ég væri til í að vera fluga á vegg þegar mönnum verður sagt að hypja sig ;P

Af hverju má ekki ræða þessi mál ? af hverju þagga niður í þessari umræðu:

[quote]skulum ekki argast um þetta meira hér.[/quote]
..og btw.. eina sem hægt er að gera í þessari stöðu er hugarfarsbreyting, og svona kommúnistaviðhorf/forsjárhyggja að norðan fá menn bara til að snúa sér eitthvað annað. Það þarf að ræða þetta á öðrum nótum, um leið og á að fara banna og stýra á jafn óvægan hátt, þá virkar það bara öfugt.

- Benni

[Eysteinn]

Sælir félagar,

Flestir erum í þessum félagskap til þess að njóta þess að fljúga og eiga góðar samverustundir, enda um að ræða alveg frábært áhugamál.
Svo eru öruggleg einhverjir sem vilja njóta þess að vera í frið og ró einhverstaðar annarstaðar, þá líklega fjarri byggð sem ég tel vera í góðulagi.

Við erum allir misjafnir og með mismunandi þarfir.
Mér þykir þessi umræða vera orðin frékkar neikvæð, en ég held samt að það sé bara mjög jákvætt að útbúa einhverjar leiðbeinandi reglur sem menn ættu að fara eftir.
Með öllum flugmódelum eru ítarlegar leiðbeningar (MANUAL) sem segja til um hvar og hvernig á að fljúga viðkomandi módeli. Þessar reglur sem menn eru að tala um hérna á vefnum verða örugglega sambærilegar og þær sem koma með flestum módelum.

Ég var á Hamranesi í gærkvöld og hitti þar nokkra menn sem ætla að ganga í Þyt og fá innblástur hjá okkur, ég benti þeim líka á Fréttavefinn þar sem ýmsan góðan fróðleik er að fá.


Kær kveðja,
Eysteinn

[Messarinn]

[quote=benedikt][quote]..og btw.. eina sem hægt er að gera í þessari stöðu er hugarfarsbreyting, og svona kommúnistaviðhorf/forsjárhyggja að norðan fá menn bara til að snúa sér eitthvað annað. Það þarf að ræða þetta á öðrum nótum, um leið og á að fara banna og stýra á jafn óvægan hátt, þá virkar það bara öfugt.[/quote]
- Benni[/quote]
Það er nú óþarfi Benedikt að uppnefna módelmenn Kommúnista þó þeir búi fyrir norðan. Enn það er betra að við búum til sjálfir regluverk um flugmódel notkun heldur enn einhverjir kerfiskallar út í bæ. Ég t.d. flýg nú bara þar sem mér sýnist ef ég get.
Það eru þrjár reglur sem ég reyni að fara eftir þegar ég ætla að fljúga.

1.Reyna að hafa allt og alla fyrir aftan mig, (aðstoðarmann er gott að hafa sem fylgist með því sem gerist í kringum mann og lætur mann vita)

2.Hreyfa ekki fæturnar, bara höfuðið,þegar módelið flýgur hjá, það kemur í veg fyrir að maður fljúgi aftur fyrir sig eða hringinn í kringum sig.

3.Að hugsa um það sem ég ætla að láta flugmódelið gera fyrirfram á meðan að flugi stendur,ekki að flugmódelið ráði og maður leiðrétti bara flug þess.

Þetta hefur reynst mér mjög vel og virkar hvar sem er.

Kv Messarinn

[Björn G Leifsson]

[quote=benedikt]...af hverju þagga niður í þessari umræðu...[/quote]
Bar svo það sé alveg á hreinu Benni, og þið hinir þá er það alls ekki mín ætlun að þagga niður í umræðunni, þvert á móti.
Ég vil nefnilega klára hana, en ekki á þessum miðli. Ég mundi gjarnan vilja að þeir sem eru ósáttir hreinlega hringi eða komi og við setjumst niður í bróðerni og vinnum úr skoðunum okkar.
Í samfélagi eins og þessu (módelsamfélaginu) gengur ekki að hver höndin sé upp á moti annarri. Vandamál voru fundin upp til þess að við hefðum eitthvað skemmtilegt að gera við að leysa þau.
Fullkomið stjórnleysi með stór og hættuleg módel gengur ekki. Við getum sleppt þessari jaðarumræðu um frauð-fisin. Aðalmálið eru stóru tækin og þær hættur sem steðja að aðstöðumöguleikum módelflug-iðkunarinnar.
Um þetta þurfum við að ná sátt og eins og ég rakti í síðustu langloku þá er ég amk tilbúinn að taka umræðuna alla leið.
Það er óþarfi að vera með stór orð og tilfinningaþrungnar yfirlýsingar.
Þetta er ekkert óleysanlegt, við þurfum bara að tala saman eins og maður við mann.
Best þætti mér ef við settumst niður og ræddum þetta. Við höfum alltaf getað talað saman og af hverju ekki að nota þann miðil frekar en vera að hræða nýliða með þvargi hér á fréttavefnum?

Benni og Ingþór og allir þeir sem vilja hafa eitthvað að segja um þetta mál, hringiði í mig og við ræðum þetta bara eins og við höfum alltaf gert áður og finnum leiðir. Ef þið gerið það ekki þá endar með því að ég hringi í ykkur.
Mínar skoðanir og hugmyndir eru ekki heilagar kýr og ég geri ekki ráð fyrir að Gaui og hinir sem er sama sinnis, séu það heldur.

Bandalag flugmódelfélaga er ekki hugsað sem einhver "Gentlemans club" elítunnar heldur hjálpartæki flugmódellífsins og okkur öllum til gagns. Umræða eins og þessi hér á einmitt að fara fram og leysast innan slíks skipulags og þeir sem vilja hafa áhrif gera það best með því að taka þátt!


Ef þú (Benni) ert að skjóta á mig með lausa þróttlulinkin þá er það bara ljúft. Þetta skeði um daginn þrátt fyrir almennilegt pre-flight tékk og ég var með fulla stjórn. Hefði fórnað vélinni ef ég hefði ekki náð að drepa á henni.

Bestu kveðjur
Björn Geir

PS. reyni að kláta sjá mig á H-nesi í kvöld, er ekki miðvikudagur?

[Gaui]

Benedikt

Ég tek þessa skammarræðu til mín, en hélt að ég ætti ekki svona svívirðingar skildar frá þér.

[quote=benedikt][quote]"Þess vegna verðum við að banna allt flug í almenningsgörðum"[/quote]
[/quote]
Í hvern ertu að vitna þarna Benni minn?

[quote=benedikt]Við hverjir ?[/quote]
Hér er óþarfa útúrsnúningur í gangi. "við" erum auðvitað allir sem stunda módelflug (hvar svosem við gerum það) og viljum halda því áfram.

[quote=benedikt]nr.1 það eru ekki til landssamtök flugmódelmanna.[/quote]
Ekki enn, en við (nánar tiltekið stjórnir flugmódelfélaganna) erum að vinna að því.

[quote=benedikt]Ég flýg þyrlum utan valla, og það bannar mér það enginn (nema kanski einhver bóndi), þið getið rekið mig úr þyt, en það breytir því ekki að ég kýs oft svæði þar sem ég er laus við planka flugmenn.[/quote]
Ég held að enginn vilji reyna að banna þér að fljúga þar sem þú telur að það sé öruggt og muni ekki skaða fólk eða eigur. Ég er líka algerlega viss um að það vill enginn reka þig úr Þyt og þú yrðir heldur ekki rekinn úr FMFA ef þú værir í því félagi. Hins vegar, á sama tíma og þú hefur rétt til þess að fljúga hvar sem þú vilt, þá hefur þú þær skyldur að sjá til þess að enginn skaðist af því flugi, hvorki úrillir bændur eða menn á mótorhjólum.

Og við skulum ekki kalla hvorn annan niðrandi nöfnum þó við séum ekki alltaf sammála um hvað er skemmtilegast.

[quote=benedikt]Ég veit að það eru nokkrir smíðameistarar hér sem klæjar í punginn að sýna okkur hinum hversu góðir þeir eru og vilja hafa vit fyrir öðrum. En utan valla hafa þeir bara ekkert að segja. Svo talandi um að banna eitthvað er bara bull.[/quote]
Ég held að ég eigi ekki skilið svona glósur frá þér þó ég bendi mönnum á að það sé hugsanlega ekki skynsamlegt að fljúga í myrkri við hliðina á umferðargötum í miðborg Reykjavíkur.

[quote=benedikt]Svo er þetta svo lítill hópur, og framkvæmd á reglum sem þessum verður að mínu mati bara óraunhæf...

Spurning um að stofna hagsmunasamtök Flugmódelmanna sem beitir sér fyrir að koma elite-meðlimum inn í allar flugkomur, sýningar etc.. og passa að enginn skussi komi og verði sér og sportinu til skammar.. svona eins og SI/LIU ;P[/quote]
Við skulum bíða eftir reglunum áður en við segjum þær bull og vitleysu sem ekki er hægt að framfylgja.

Í fyrsta lagi, þá veit ég ekki hvað SI/LIU er (geri ráð fyrir að ekki sé um útgerðarmenn að ræða) og veit því ekki í hvað þú ert að vísa. Hins vegar veit ég að í okkar félagi (og ég held ég geti talað fyrir munn allra félaganna) eru allir velkomnir og engum úthýst. Ég geri mér ekki alveg grein fyrir hverja þú ert að kalla "elite-meðlimi" eða hvers vegna. Þú verður að útskýra það betur. Á hvaða flugkomur og sýningar mega "skussar" ekki mæta? Eitt er víst: þú ert velkominn á Melana í ágúst og þú færð nóg pláss og tíma til að fljúga þyrlunum þínum.

[quote=benedikt]og ég væri til í að vera fluga á vegg þegar mönnum verður sagt að hypja sig ;P[/quote]
Hjá okkur er mönnum bent góðfúslega á að þar sem þeir eru ekki meðlimir í módelfélagi og hafi ekki tryggingu sem slíkir, þá getum við ekki heimilað þeim að nýta þá aðstöðu sem félagið hefur komið sér upp og kostar peningum til að viðhalda. Engum er sagt að hypja sig og kurteysi borgar sig alltaf. Viðkomandi annað hvort hafa sig á braut og fljúga annars staðar þar sem ekki er eins góð aðstaða eða ganga í félagið. Þeim er ekki bannað það.

[quote=benedikt]og svona kommúnistaviðhorf/forsjárhyggja að norðan fá menn bara til að snúa sér eitthvað annað. Það þarf að ræða þetta á öðrum nótum, um leið og á að fara banna og stýra á jafn óvægan hátt, þá virkar það bara öfugt.[/quote]
Enn og aftur Benni, ég tel ekki að það hafi góð áhrif á umræðuna að nota niðrandi ummæli um menn og málefni. Ætlun mín með ábendingum til Gunna Binna var hvorki kommúnismi eða forsjárhyggja. Reglurnar sem eru í farvatninu eru heldur ekki kommúnismi eða forsjárhyggja. Það sem ég vil hins vegar gjarnan sjá er að menn, hvort sem þeir fljúga þyrlum eða fastvængjum, hugsi örlítið fram fyrir nefið á sér, athugi hvort það sem þá langar til að gera sé akkúrat það sem maður ætti að gera og hafi öryggi samborgaranna efst í huga. Öll módel geta orsakað skaða, og ef það gerist á fréttnæman hátt, þá kemur það niður á okkur öllum, bæði þeim sem eru að fljúga á fjöllum, þeim sem eru búnir að koma sér upp flottustu flugsvæðum norðan Alpafjalla (vel gert KEF), og þeim sem eru að reyna að ræða við sveitarfélög um nýtt flugsvæði.

[benedikt]

[quote]Ef þú (Benni) ert að skjóta á mig með lausa þróttlulinkin þá er það bara ljúft. Þetta skeði um daginn þrátt fyrir almennilegt pre-flight tékk og ég var með fulla stjórn. Hefði fórnað vélinni ef ég hefði ekki náð að drepa á henni.[/quote]
nú þú líka ;P ..ég var reyndar ekki að tala um það atvik ;P

[quote]Engum er sagt að hypja sig og kurteysi borgar sig alltaf.[/quote]
.. mér hefur verið sagt að hypja mig af flugmanni (planker).. og því miður var ekki mikil kurteisi í gangi þar..


En, þetta ER akkurat staðurinn til að ræða þetta, hér eru allir, og þetta kemur öllum við. Og það var EKKI ég sem byrjaði á neikvæðri umræðu um þessi mál..

og þess vegna setti ég kommentið:
[quote]Um hvað er þessi umræða ?[/quote]
og ef einhver náði ekki tóninum, þá var það sagt í kaldhæðni, ekki það að ég væri ekki búinn að lesa þráðinn.

[quote]Við skulum bíða eftir reglunum áður en við segjum þær bull og vitleysu sem ekki er hægt að framfylgja.[/quote]
tek þeta til mín, hlakka til.


benni <- troll ..sorry, in my nature

[Gaui]

[quote=benedikt].. mér hefur verið sagt að hypja mig af flugmanni (planker).. og því miður var ekki mikil kurteisi í gangi þar..[/quote]
Þetta þykir mér afskaplega leitt að heyra og ég fullvissa þig um að þetta er ekki það sem ég vil að gerist.

Nú þekki ég ekki aðstæður, hvar þú varst, hver talaði svona hranalega til þín og hvers vegna, en það skiptir samt ekki máli -- svona á ekki að koma fram. Ég vil, fyrir hönd annarra flugmódelmanna biðja þig afsökunar á þessu atviki og ég vona að það komi aldrei fyrir aftur.

Mig langar síðan í framhaldi að biðja þig að hafa í huga að nota ekki niðrandi orð og nöfn um menn, ekki einu sinni í svigum. Þessi dónalegi maður var að fljúga fastvængju, þú varst að fljúga þyrlu og ykkur lenti saman. Það er engin þörf á fúkyrðum.

Þetta er ekki regla sem ég er að setja: ég er ekki að banna þér að vera dónalegur líka, bara benda þér á að það er alltaf betra að vera kurteis.