Að líma servo með "servotape" eða speglalími: Tolla illa.

[Agust]

Eins og flestir vita þá er stundum nauðsynlegt að líma servó niður í stað þess að skrúfa þau föst. Til dæmis í þunna vængi þar sem þau liggja flöt.

Til þess notar maður tvöfalt límband með plastfrauði á milli. Svona límbönd kallast stundum servotape, en eru sams konar og svokölluð speglalímbönd sem fást í byggingavöruverslunum.

Sum servó losna með tímanum frá svona tvöföldu límbandi. Engu er líkara en að í plastinu sé einhver olía sem smitar út með tímanum. Servóið situr fast í nokkrar vikur, en fer svo að losna.

Ég hafði séð ábendingu um þetta en trúði varla fyrr en ég lenti í þessu sjálfur.

Servóið sem ég er núna með í höndunum er CS-12MG frá Hobbyco. Ég tek eftir því að eftir að það losnaði frá er eins og plastið sé smitað með örþunnu olíulagi, þrátt fyrir að ég hafi hreinsað það vel með rauðspritti áður en ég límdi það fast. Mattaði plastið einnig örlítið með fínum sandpappír.

Einangrunarband virðist tolla illa við servóið núna. en ég prófaði að vefja það þétt með um tveim lögum með möttu einangrunarbandi áður er ég límdi það aftur með servotape, þannig að þó svo að einangrunarbandið tolli illa við plastið, þá límist það þó vel við sjálft sig.

Önnur aðferð væri að setja herpiplasthólk utan um servóhúsið ef maður ætti hæfilega stóran slíkan.

Spurning:

Hefur einhver lent í þessu og kann einhver gott ráð?

[Haraldur]

Ég hef verið að nota herpihólk og svo heitt lím.
Virðist virka fínt.