Jæja, ætli það sé ekki best að birta einhverja punkta um samsetninguna.
Það borgar sig að skoða hlutina vel, hér sést hvar skinnið er ekki límt við sperruna, smá Hysol reddaði því.
Servóbakki í smíðum fyrir rudderservó.
Þar sem lamirnar standa út úr lóðrétta stélflettinum þá er vissara að veita þeim smá stuðning. Annar endinn er krumpaður með töng til að ganga alla leið upp á lömina.
Eins og sést hér, takið líka eftir að búið er að rispa rörið, bæði að innan og utan svo límið grípi betur, ég skipti út lömunum sem fylgdu fyrir Robart lamir sem ég átti, þær eru stærri.
Lenti í smá veseni með lamirnar, tvær af þeim höfðu snúist eftir að búið var að ganga frá þeim í límingu svo það þurfti að fjarlægja þær ásamt rörunum, Hysol-ið gaf ekki þumlung eftir! En það tókst öllu betur til í seinna skiptið.
Fuel tank aluminium stopper frá Tamjets eru notaðir í hálsinn á tönkunum, gúmmíið harðnar með tímanum og getur verið vont að ná því úr ef það er skrúfað beint í trefjatankinn.
Hysol er svo notað í líminguna, undraefni eins og hefur svo oft komið fram.
Þrýstiprófun gekk vel, engar loftbólur létu sjá sig. Síðar verða tankarnir fylltir af eldsneyti og fá svo að standa þannig í smá tíma til að sjá hvort þeir haldi ekki.
Eitthvað af dótinu kemur hér, loftmælar, áfylling o.fl.
Ég var frekar óheppinn með nokkur smáatriði á hlutum í kringum smíðina en að öðru leyti mallaði þetta áfram.
Það vantaði servótengi á eitt skottið, PowerBox buðust þó til að senda mér annað frítt. Ég afþakkaði og útskýrði fyrir þeim að tollurinn/pósturinn hér heima kannaðist ekki við það orð. En ég var nú ekki nema ca. 10 sek. að skella nýju tengi á endann.
Svo vantaði skrúfur til að skrúfa festingargrindina á loftventilinn.
Þá vantaði gengjur í stykkið sem klemmist utan um rör úr hliðarstýrinu og heldur því föstu, gatið er 4.3mm svo það má gera ráð fyrir að snitta hafi átt 5mm gengjur.
Eftir að smá æfingar við að ná klemmunni úr og 3 mínútna vinnu með snitttappa þá var kominn þessi fíni skrúfgangur. Ætli þessi bolti dugi?
Eitthvað á þessa leið verður framhlutinn tækjavæddur. Það eru þrjár rafhlöður þarna fram í nefi, PowerBox í miðjunni, móttakarar sitt hvoru megin við það og svo loftventillinn(hjól, lúgur og bremsur) fremst á plötunni.
Eins og sést þá eru ekki margir rúmmetrar í boði þrátt fyrir stóra vél, platan er örlítið bogin í miðju, það eru ca. 1-2 mm í afgang þarna.
Hér var ég að spá í að skella rofanum en hann á eftir að flakka örlítið um vélina eins og þið eigið eftir að sjá.
Tengibretti fyrir túrbínuna, áfyllingar og mælar fyrir bremsur og svo hjólabúnað, ekki víst að þetta verði loka niðurstaðan...
Hérna er stýrislinkurinn í öllu sínu veldi, takið sérstaklega eftir carbon rörinu yfir honum miðjum til að styrkja hann, svo sem óþarfi þarna en ég ákvað að hafa alla linkana eins.
Og hérna sést hann kominn á sinn stað, ég var örugglega í hálftíma að skrúfa servóið á sinn stað, frekar vont að komast upp fyrir servóið að framanverðu en það hafðist. Frekar broslegt eftir á að hyggja því eins og þið sjáið síðar þá þurfti ég að rífa nefgírinn úr og þá tók þetta sama verk ekki nema um 3 mínútur.
Mótorinn, JetCat P-160SX, settist í ný límt sætið sitt í fyrsta skipti í kvöld, Hysol brúkað þarna eins og annars staðar.
Mér finnst stjórnhornin frá Skymaster ekki nógu traustvekjandi, bæði er frekar lítill hlutinn sem fer ofan í stjórnflötinn og svo eru þau úr mjúku plasti, einnig kýs ég frekar að loka kúlutengi á milli tveggja horna í stjórnfletinum á stærri módelum. Þannig að ég keypti carbon uppfærslusett frá Digitech og eins og sést hér fyrir neðan er smá munur á hornunum.
Eitthvað fer lítið fyrir blokkum í hliðarstýrinu sem hægt er að líma stjórnhornin í svo þá er bara að búa þær til með Hysoli, svampurinn lokar af svæðið í kringum stjórnhornin svo límið fari ekki út um allt.
