Viper Jet

[Sverrir]

Ehhh, jújú en bara fyrir þig!

http://frettavefur.net/Forum/viewtopic.php?id=3896

[Sverrir]

Hæðarstýrin að klárast, notaði 8411 servó, meira pláss í Kinder eggi, sumir hafa náð að troða 8711/8911 servóum þarna inn.




Mælar og áfylling fyrir hjólabúnað og bremsur.


Svo voru nýju leggirnir settir undir, smá vinna að ná þeim gömlu í sundur þar sem Skymaster voru með ansi svakalegt gengjulím(epoxy sýndist mér), ég þurfti að fara með snitttappa til að hreinsa úr gengjunum. En maður vill svo sem ekki að hjólin stingi af í brautarbruni.


Því næst var byrjað á öðrum vængnum, svo var bara að endurtaka fyrir seinni vænginn!


Déjà vu...


Smá carbon plata til að dreifa álaginu betur um vænginn.

[INE]

Hverskonar servo ertu með í vængjunum?

Kveðja,

Ingólfur

[Sverrir]

8411 og 8611a, hefði verið með 8411 í öllu, nema rudder þar er 8711, en þar sem ég átti 8611 servóin þá var um að gera að nota þau.

[Sverrir]

Hér sést hvernig er umhorfs innan í vængnum, það sem er merkt sem „very tiny passage“ er ca. 2-3mm gat. Það er ekki endastopp á túbunni fyrir vængjarörið svo það hefði ekki verið gaman að fara þá leið með neitt mikilvægt nema festa það ansi vel niður og þá hefði verið vandræði að koma alvöru skurðargræjum að, þar sem svörtu þykku strikin eru krossviður.


5mm bolti og vængjaró.


Nokkrum andartökum síðar... jæja örlítið meira en nokkrum.


Eftir smá yfirlegu og pælingar þá varð þessi staðsetning fyrir valinu fyrir hraðtengin á loftslöngurnar. Þeim var fyrst tyllt með epoxy og samsetningin prófuð.


Og eftir að allt reyndist virka vel var Hysol notað til að halda öllu saman.

[Sverrir]

Við þurfum rafmagn, bæði fyrir servó og svo mótor, 12A klár í slaginn!


Þá var bara að setja ljós í vængina og víra, ásamt því að ganga frá plastinu yfir þau.


Eitt...


Og tvö!


Þau eru sæmilega sterk, alla veganna ekki ráðlagt að horfa beint í þau.


Ættu vonandi að sjást í aðfluginu!

[Sverrir]

Og hér sést tilbúinn vængur, eða vængrót, það vantar aðeins að festa vængendana en það tekur bara nokkrar mínútur.


Prófaði að fóðra holuna í servóarminum með Hysol, lofar góðu, kemur þó betur í ljós í fyrstu flugunum hvernig það heldur.

[INE]

Eru ljósin tengd hjólunum eða ertu með þau á sér rás?

Kveðja,

Ingólfur.

[Sverrir]

Frummyndin er alltaf með kveikt á tveimur og svo bætast tvö við fyrir lendingu. Þannig að hugmyndin er að láta hjólarásina sjá um að svissa lendingarljósunum á.

[Sverrir]

Kassi var límdur fram í nef til að loka nefhjólið af og fá hillu fyrir rafhlöðurnar.


Hér er búið að loka af vírana sem liggja upp í stél, í framhaldi af því var gengið frá mótornum og pípunni.


Nóg af snúrum af öllum stærðum og gerðum!


Efst eru lofttankar fyrir hjólin og neðst til hægri fyrir bremsurnar.