[quote=Agust]Það væri kannski ekki úr vegi að einhver löggiltur enskukunnáttumaður sem jafnframt er módelflugmaður og bóndi tæki að sér að snara þessum reglum á Íslensku. Hvað segir Gaui um það?[/quote]
Ég er að vísu ekki bóndi þó ég eigi ekki heima í stórbæ, en hér er snörun á þessum reglum. Ég sleppti skilgreiningunum í upphafi, enda held ég annars vegar að þær hafi ekki gildi hér á landi og hins vegar að við erum sammála um hvað FPV flug er.
Okkur vantar hins vegar gott íslenskt orð fyrir First Person View (Fyrstu persónu flug ???). Komið með tillögur!
-------------------------------------------
ÖRYGGISREGLUR FYRIR FPV FLUG UTAN ATVINNUSTARFSEMI
SKILGREININGUM SLEPPT
NOTKUNARSKILMÁLAR
1. Hæsta flug yfir jörðu er 400 fet (120 metrar) samkvæmt FAA reglum nr. AC 91-57.
2. Ekki má fljúga yfir þéttbýli í borgum og bæjum eða samkomum fólks utan húss.
3. Flug inna 3 mílna (5 kílómetra) frá flugvelli þarf heimild frá flugvallarstjóra.
4. Mesta stjórnunarfjarlægð skal fara eftir öryggisreglum AMA og skilmálum FAA.
5. Flug skal framkvæmt þannig að ekki skaði flug fullstórra flugvéla, fólk, dýr eða eignir.
6. Flug skal framkvæmt eftir sjónflugsreglum þar sem gildir
a. að degi til = 1 míla ótakmörkuð útsýn (1690 metrar)
b. að nóttu til = 3 mílna ótakmörkuð útsýn (5 km)
7. Við næturflug þurfa að vera ljós um borð í módelinu sem sýna afstöðu þess og skulu þau vera sýnileg í 1000 feta (300 metra) fjarlægð.
8. Flugför með fulla sjálfsstýringu og sem ekki er hægt að stjórna af flugmanni á jörðu niðri eru ekki talin FPV flugför og falla þannig ekki undir þessa skilmála.
9. Flugförum skal flogið samkvæmt venjulegum sjónflugsaðferðum við fyrstu prófanir og/eða við prófun á nýjum eða breyttum búnaði sem gæti haft áhrif á flugeiginleika og/eða stjórnun.
10. Flugfar skal innihalda upplýsingar um flugmanninn, þar með talið en ekki eingöngu, fullt nafn flugmanns, heimilisfang og símanúmer.
TILLÖGUR
1. Mesta þyngd og hraði flugfars skal fara eftir reglum AMA og skilmálum FAA.
2. Mælt er með notkun aðstoðarmanns við fyrstu flugæfingar eða á mikið notuðum flugstöðum.
3. Mælt er með GPS varakerfi til öryggis og ef það er notað til að skila módeli til baka, að það fari þá á stað fjarri fólki og eignum. Ef skilakerfi er ekki notað, þá er mælt með að
4. Um borð sé búnaður (forstilling e. fail safe) sem getur lent módelinu ef stjórn flugmanns er trufluð.
5. Sækja skal um heimilt til tilrauna til að slá met, sem ganga lengra en þessir skilmálar segja til um, til þeirra opinberu aðila sem um gætu fjallað, þar með talið, en ekki eingöngu, FAA og FAI.
TÍÐNIMÁL
FPV flugmenn skulu fara eftir þeim reglum sem FCC setur um notkun útvarpstíðna. Þetta á bæði við um fjarstýringar og þráðlausar sjónvarpssendingar. FPV flugmenn skulu einnig aðgæta að orsaka ekki tíðnitruflanir við aðra módelflugmenn.
FLUG Á FLUGSTÖÐUM SAMÞYKKTUM AF AMA
Formáli: Athugið að sumir flugstaðir AMA eru innan þéttbýlis. Þessir flugstaðir gætu að auki verið samningsbundnir við landeigendur þar sem flugsvæði eru takmörkuð. Slík svæði hafa ekki það rými sem þarf fyrir FPV flug og ætti því ekki að nota. Farið skal eftir öryggisreglum AMA!
1. Flugmódeli með FPV búnað skal flogið af tveim AMA félögum sem nota naflastreng. Flugmaðurinn sem stýrir módelinu skal vera á móðurstýringunni, skal hafa módelið stanslaust í augsýn og vera tilbúinn að taka yfir stjórn þess ef eitthvað kemur upp á.
2. Stjórnsvið módelsins takmarkast af sjónlínu flugmannsins með móðurstýringuna eins og tilgreint er í öryggisreglum AMA.
3. Flug módelsins takmarkast af tilgreindu flugsvæði og þar sem heimilt er að fljúga yfir.
4. Þyngd módelsins og hraði takmarkast við 10 pund (4,5 kg) og 60 mílur á klukkustund (96 km/klst).
Flug á flugsvæðum AMA er forréttindi, ekki réttur! Ekki koma af stað rifrildi um FPV flug á AMA flugsvæðum. Þeir sem það gera koma bara illu orði á FPV flug!
-------------------------------------------
![Cool :cool:](./images/smilies/icon_cool.gif)
Ég er svona það sem kallað er Trendsetter, það bara tekur enginn eftir því.
Bara átta kveðjur
Guðjón Ólafsson - Eyjafirði