10.08.2006 - Flugkoma og malbikun

[Sverrir]

Hin árlega flugkoma Flugmódelfélags Akureyrar verður haldin nk. laugardag 12.ágúst.

Sendagæslan hefst kl.9 og þá er ætlast til að allir afhendi sendana sína og láti yfirfara þau módel sem þeir vilja fljúga, sendagæslan lokar svo kl.18 um kvöldið. Kaffisala verður opin frá klukkan 10:00 til 16:00.

Veglegt grill verður í stóru veislutjaldi og samningaviðræður eru í gangi við frægan sunnlenskan matreiðslumeistara um að koma og marinera nokkur tonn af svínvakjöti. Með grillinu verður hugsanlega skemmtileg írsk stemmning, dinnermússíksessjón á hljómborð og glasasala.

Sjá nánar upplýsingar á http://frettavefur.net/atburdir/101/.

Flugmódelfélag Suðurnesja var að malbika á nýja flugvellinum við Seltjörn í gærdag og gekk það mjög vel og var allt svæðið malbikað, rúmlega 2000 m2, á rétt rúmlega 2 og hálfum tíma. Áætlað er að vígja flugvöllinn á Ljósanótt þann 2.september nk.

Hægt er að sjá nokkrar myndir frá framkvæmdunum í myndasafninu.