JetPower Messe 2013

[Sverrir]

Lagði land(og sjó) undir fót með nokkrum félögum frá Danmörku í síðasta mánuði og skelltum við okkur á hina árlegu JetPower Messe sem nú var haldin í ellefta sinn. Óhætt að segja að þarna hafi allt verið milli himins og jarðar í þotubransanum og meira til.

Tók saman nokkrar myndir, njótið.

[lulli]

[quote=Sverrir]Lagði land(og sjó) undir fót með nokkrum félögum frá Danmörku í síðasta mánuði og skelltum við okkur á hina árlegu JetPower Messe sem nú var haldin í ellefta sinn. Óhætt að segja að þarna hafi allt verið milli himins og jarðar í þotubransanum og meira til.

Tók saman nokkrar myndir, njótið.

[/quote]

..Alveg í botn á fullum skjá - veisla,veisla,veisla...
Flott samsetning heyfim./kyrrm.
Takk fyrir þetta, Kv.Lúlli.

[Árni H]

Flott hjà ter - enda kominn med almennilega myndavél

[maggikri]

Þetta er heldur betur "pro" hjá kallinum, enda er ég ennþá að passa hann.
kv
MK

[Sverrir]

[quote=Árni H]Flott hjà ter - enda kominn med almennilega myndavél [/quote]
Munar öllu að eiga almennilega myndavél!

[Sverrir]

Glöggir módelmenn hafa kannski tekið eftir að ekki hefur birst mikið af kyrrmyndum á alnetinu frá strandhöggi mínu í Germaníu fyrr á árinu. Það litla sem birst hefur er í vídeóinu hér fyrir ofan en það telst ekki beint með enda vídeó. Fyrst og fremst var það af því að ég var búinn að lofa nokkrum myndum(endaði sem 37 stykki á þrem opnum) í grein eftir Ali vin okkar sem birtist í desemberhefti RC Model Flyer, iPad væddir geta nálgast blaðið í gegnum iTunes, en einnig bíða fleiri myndir birtingar hjá öðrum tímaritum.



Hins vegar þá veit ég núna nokkurn veginn hvaða myndir verða notaðar(og er búið að birta) svo ég get skellt nokkrum hérna inn til að lífga aðeins upp á þráðinn. Ég mun svo vonandi ná að koma öllu myndasafninu inn síðar á næsta ári.

JetPower Messe er ein af stærstu flugmódelsýningunum sem haldnar eru á ári hverju en sérstaða sýningarinnar er sú að hér eru einungis framleiðendur og seljendur tengdir þotuhlið flugmódelsportsins! Tveir 100x20 metra langir skálar eru troðfullir af rúmlega 100 sýnendum alls staðar að úr heiminum og þeir sem ekki komast þar inn setja upp bása fyrir utan skálana. Á milli þeirra er svo stórt veitingasvæði þar sem hægt er að nálgast allt frá nýbökuðu brauðmeti yfir í ljúffengan Kínamat ásamt veigum til að skola þessu niður með. Frá kl.10 á föstudagsmorgni til kl.18 á sunnudagskvöldi er svo stífri flugdagskrá haldið gangandi þar sem hægt er að sjá allt það helsta sem í boði er.

Airworld Hawk-ar í samflugi.




Saab 35 Draken frá Schweighofer.


Nokkrar túrbínuþyrlur, allt sérsmíðaðar skalavélar, €30.000+.








Mig 15 frá Global Jet Club.


Alltaf gaman að sjá fallega Hunter-a, módel frá Airworld.


Diamond frá AD Jets vakti verðskuldaða athygli, svo skemmdi ekki fyrir að hún flaug mjög vel.


Paritech og Tomahawk Design áttu flottustu básana á sýningunni, hér sést TD básinn.


Schweighofer eru á bak við þessa Alphajet en Paritech sér um mótaframleiðsluna.


Frumgerðin af hjólabúnaðinum er búin til úr tré en svo var næsta útgáfa þrívíddaprentuð.


Einnig þessi RISASTÓRA L39 frá Modelbau Kager!


Hjólabúnaðurinn er engin smásmíði.


XXL ViperJet frá Paritech, vænghaf upp á 360 cm, mín var „bara“ 260 cm!




Rafale í stærri kantinum.


Samflug þeirra feðga vakti verðskuldaða athygli en hvor er hvað?


Sonurinn flýgur flugmódel frá CARF en pabbinn full skala SIAI-Marchetti.


Hluti áhorfenda en stöðugur straumur var alla helgina.


SGC L39 frá CARF, þeir félagar áttu heitasta samflugið skuldlaust!








F-100 „Super Snitchel“ frá Airworld, smíðuð af Trond Hammerstad í Noregi fyrir Ali.




DG303 frá Paritech.


Wilson hjá YT International hefur einnig verið í flugmannabransanum síðustu ár.


Takið eftir sólunum á skónum.




Ég held að Wilson þurfi ekki að hafa of miklar áhyggjur af samkeppninni sem var á JPM!