Höldum á
Til að geta raðað saman vængnum þarf ég að ná mér í tvær plötur til að smíða hann í heilu lagi með vængfettunni (dihedral). En þangað til er ýmislegt sem þarf að setja saman fyrst. Vængendarnir eru í framleiðslu, en þeir taka heilan sólarhring hver, þannig að þetta verður næstum heil vika þar til þeir eru allir tilbúnir.
Vængbitarnir eru settir saman úr 2x10mm furu (ylmurinn og áferðin benda til að þetta sé svokölluð organpæn) sem ég þarf að líma saman. Aðal bitarnir eru þrefaldir innst og endarnir á þeim bútum sem ég lími á þann lengsta eru þynntir út. Aftari bitarnir eru tvöfaldir innst, þannig að þeir eru 2mm þykkir við endann en 6mm við rótina:
Þeir lengstu verða að límast á bretti hver fyrir sig til að haldast beinir en samlímingin á aftari bitana er svo stutt að ég get notað klemmur í lausu lofti:
Afturbrúnir vængjanna verða mjög sterkar. Þær eru límdar saman úr 1,5mm balsa og 1,5mm furu, sem 2mm balsi er síðan límdur á ofan og neðan:
Hér er 1,5mm balsinn pinnaður niður og furan og annar 2mm balsinn tilbúinn:
Hér er ég búinn að setja epoxý á furuna (það var sérstaklega tekið fram að maður ætti að nota epoxý hér -- annars er Toni Clark greinilega hvítlímsaðdáandi) og leggja hana upp að balsanum. Athugið að ég pinna ekki í gegnum furuna heldur bara upp að henni:
Að lokum er 2mm balsinn settur ofaná með epoxýi og pinnaður niður vandlega:
Áður en afturbrúnin er búin þarf að taka út raufar fyrir rifin og setja 2mm balsa neðaná líka.
Ég hef smá trix til að koma í veg fyrir að títuprjónarnir festist í líminu. Ég fæ mér kerti (te-ljós) og sting prjónunum í það áður en ég pinna í gegnum epoxið:
Sjáumst síðar
Ég er svona það sem kallað er Trendsetter, það bara tekur enginn eftir því.
Bara átta kveðjur
Guðjón Ólafsson - Eyjafirði
