Hreinsa gamla harða olíujukkið af mótorum?

[Agust]

Ég er að glíma við að hreinsa gamlan OS-70FS. Púströrið er allt þakið harðri svartri húð. Mig minnir að ég hafi lesið um ráð sem dugar, en man ekki hvar.

Ég prófaði að láta lakkleysi (hlaup blandað vítissóda?) liggja á púströrinu í hálftíma, en það hjálpaði lítið sem ekkert.

Nú er ég að prófa að láta það liggja í heitri sterkri upplausn með sápu fyrir uppþvottavél.

Kann einhver ráð?

[Sverrir]

Ég hef séð að menn hafa verið að sjóða hlutina í sjálfskiptingarvökva, passa sig að gera það þar sem er góð loftræsting og ekki nota pottinn í matreiðslu eftir þetta.

[Siggi Dags]

Sjá, hér er soðið í þvottavéladufti.

http://www.airfieldmodels.com/informati ... enance.htm

p.s.

Búinn að fljúga Jómfrúarflug Aresti40.

Hvernig er best að fylla bensín á mótor á hvolfi?

T tengi eða hvað.

[Agust]

Þakka ábendinguna. "Finish" uppþvottavélaefnið (í töfluformi) losaði svertuna af púströrinu. Ég lét það liggja í volgri sterkri upplausn í um 2 tíma og pússaði síðan með stálull.

[Björn G Leifsson]

Einhvern tíma lét ég gamlan mótor liggja í skvettu af glóðareldsneyti og það leysti það vel upp innþornaða brúna olíuskánina. Hvort það losi innbrennda svertu með tímanum veit ég ekki, sennilega ekki.

[Þórir T]

Hef nú bara verið pínu sveitalegur og skafið kútinn gætilega með beittu hnífsblaði, rennt svo á hann með stálullinni og hann verður eins og nýr...
Kannski er það bara óþolinmæði, sá einhversstaðar 2 tímar, á þá bara ekki til..

mbk
Tóti

[Agust]

Þetta var orðið svo fjandi hart á mínum mótor. Mikið notaður og varla hreinsaður s.l. 10 ár. Hljóðkúturinn er nú næstum sem nýr. Af einhverjum ástæðum var auðveldara að hreinsa skánina af sjálfum mótornum. Líklega er það hitinn sem brennir olíuna og umbreytir í harða skán. Mótorinn er nú klár fyrir trýnið á H9 UltraStick40 RPV.