Ziroli P-47 Thunderbolt

[Sverrir]

Þá eru stélfjaðrirnar komnar á sinn stað. Epoxy og mulin trefjadúkur voru notuð í líminguna.


Setti kubba sitthvoru megin við þann sem kom í fyrradag.


Og svona er útlitið í dag.

[kip]

Hvernig væri að vigta elskuna núna á þessu stigi.
Þetta er spennandi

[Sverrir]

Tja... hún var 2300 grömm áður en stélfjaðrirnar komu á... þannig að hún er sennilega að losa rétt um 2500-2600 grömm núna(án stjórnflata).
Skal koma með nákvæmar tölur fljótlega.

[Sverrir]

2590 grömm.

Þegar hér er komið við sögu þá er þetta myndarlega gat við stélflötinn sem þarf að fylla upp í.


Nokkur lög af balsa voru límd þarna og svo voru þau tálguð og pússuð til.


Smá spartl.


Og þá er þetta farið að líta nokkuð vel út, smá pússivinna eftir.

[einarak]

Þessi verður án efa með þeim vígalegri

[Sverrir]

Vonandi

Nóg af mælum til að lesa af.

[Gaui]

Dáltið ljóst þetta mælaborð :/

[kip]

Þett var svona Winter Edition Thunderbolt, með hvít sprautulökkuðu mælaborði,

[Sverrir]

Þetta er „racer“ útgáfa...

Annars á nú eftir að gera heilmikið fyrir stjórnklefann, datt bara í hug að leyfa ykkur að fá smá forskot á „sæluna“.

[Sverrir]

Eins og áður hefur verið nefnt þá eru flest öll samskeyti á plötuklæðningunum á Þrumufleygnum aðliggjandi en ekki ofan á hvort öðru.
Til að líkja eftir því þá pantaði ég örþunnt límband frá Fighter Aces, það er 1/64" á breidd eða rétt um 0.4mm á breidd.

Ekki er efnisþykktinni fyrir að fara hérna.


Eins gott að fínhreyfingarnar séu sæmilegar.


Hér er búið að leggja niður límbandið.


Því næst er fylligrunn sprautað yfir límbandið, það getur þurft nokkrar umferðir til að hylja það.


Svo er bara að byrja og pússa fylligrunninn burt, eða þangað til við sjáum límbandið aftur, hérna erum við alveg að vera komin niður á límbandið.


Hér er svo búið að fjarlægja límbandið.


Komin smá silfurgrár litur á hæðarstýrið.


Og hér sést þetta í nærmynd, munið að lóðrétta línan er rétt innan við 0.5mm að breidd, þessi lárétta er svo yfirliggjandi plötuskil.