Stefánshöfði - 9.apríl 2019

[Sverrir]

Ég og Guðjón skelltum okkur upp að Kleifarvatni um miðjan dag þar sem þokkalega blés að sunnan og nokkurn veginn á Stefánshöfða. Vindurinn var rysjóttur en þó bara alveg þokkalegur, hiti um 5°C og í kringum 5-6 m/s. Aðflugið var í leiðinlegri kantinum og fengum við smá rispur á vélarnar þegar þær hittu móður jörð aftur eftir stuttan aðskilnað.

[gudjonh]

Búinn að laga "rispuna" á Tragi.



Guðjón

[Böðvar]

Fékk póst frá meistara Sverri kl 15:20 um Hangflug við Kleifarvatn kl. 15.00. Var kominn kl. 16:05 enda ekki langt að fara frá Hafnarfirði, en þá voru allir farnir nema Fýlinn. Góður dagur að viðra dótið sitt aðeins í góðum ASA hangvindi. Takk samt fyrir póstinn. kv. Böðvar

[Sverrir]

Jæja, þeir skiluðu skeytinu þó til þín þó það væri næstum 2 klukkutímum eftir að ég sendi það, maður má kannski bara þakka fyrir að þeir rukkuðu þig ekki í leiðinni eins og Pósturinn er að stefna að!

Þú fékkst alla vega fína viðringu og hangflug út úr þessu... og einstaklega góðan félagsskap, kannski var þetta sá sami og flaug með Guðjóni og mér!

[Böðvar]

Ég var einmitt núna tilbúinn með tvær Tragi svifflugur sem ég hef verið að vinna við og lagfæra í vetur, en þarf að æfa mig og fínstilla, takk fyrir góðan hug Sverrir. Þetta var frábær dagur á Stefánshöfða.

[Sverrir]

Við náum þessu bara næst, sendi hugskeyti þá, það skilar sér örugglega betur!