Þannig er að Flugsafn Íslands hefur hug á því að setja upp fastan bás með svolítilli sýningu þar sem saga flugmódelsmíða á Íslandi verður þemað. Stefnt er að því að mynd verði komin á sýningarbásinn þann 18. júní n.k., en þá er einmitt árlegur flugdagur safnsins.
Nú er spurningin sú hvort flugmódelmenn landsins lumi á góðum gripum, sem gætu sómt sér vel í ofangreindum bás. Það gæti verið fjarstýringar, verkfæri, flugmódel, teikningar, mótorar, myndir eða hvað það nú gæti verið sem leyndist í geymslum, skúmaskotum eða vinnuaðstöðum og gæti átt erindi í sýningarbásinn.
Veltið þessu fyrir ykkur, góðir hálsar, og hafið samband við Flugsafnið (flugsafn.is) nú eða mig ef því er að skipta.
Með kveðju,
Árni Hrólfur
FMFA
Flugsafn Íslands - sýningarbás
Re: Flugsafn Íslands - sýningarbás
Gaman að þessu Árni, ég trúi ekki öðru en einhverjir góðir smiðir eigi gripi sem mundu sóma sér vel þarna.
Ég er því miður bara með þumalputta, en Þytur og félagsmenn eiga ýmislegt úr sögunni sem ætti heima á svona sýningu.
Sólarkveðjur norður í snjóinn
Ég er því miður bara með þumalputta, en Þytur og félagsmenn eiga ýmislegt úr sögunni sem ætti heima á svona sýningu.
Sólarkveðjur norður í snjóinn
Barasta
Re: Flugsafn Íslands - sýningarbás
Já, það er stefnt að því að þetta verði varanlegur bás á safninu - sem er hið besta mál. Svona básar og jafnvel stærri eru víða á flugsöfnum erlendis